التوبة (الجزء الثاني لقصة آل ديابلو) الفصل2: فلتغفري لي

~•{الحلقة 5}•~

شروط التنزيل : 50فوط★ + 50كمنتار ❤❤
♨ التوبة الفصل2: #فلتغفري_لي ♨
👑 بقلمي ✍: #أناييس_مانو 👑

🌸ويظنُ أنَّ عيني قد تميلُ لغيره، ولا يعلمُ بانها لا تنظر الا لعيناه، ويخافُ انَّ قلبي يعشقَ سواه، ولا يعلمُ انَّ قلبي لم يغرقُ الا بهواه 🌸

في جيهة خلاف، فقصر الدون، فالصالون تا العيلة قاعدة تقرا، بناتها التوينز (عام وشهرين) قدامها فلرض يلعبو معاهم بيلين (عام)، جاد وجان ثانا، حاضية لولاد وفنفس الوقت بالpc فحجرها خدامة عليه، غفلت عليهم شي5د نوضو لا لاغت عليهم، نطرت الpc وقفت مخلوعة جرات للبنات، لمار وبيلين يبكيو جاد وجان متقابضين
رين: نزلت ا جونو حضنت لبنات: وخدي وخدي، رغات علكبار' حبسوو شبيكم متقابضين، شبيهم لبنات، بعدو على بعضاهم يشوفو فبعضاهم شوفات القتالين
جاد: مااو لبهييم هاذا، تفوو ما يعرفش للولاد خلاه
رين: قحرت ل جان: احكي علاش تعاركتو
جان: نزل على ختو يسكت فيها: لمار صرفقت بيلين ضربتلها
رين: جبدتو من يدو تفز فيه: جاان هبلتي شبيك لبنات صغار كيف لخواتات يلعبو يتضاربو ويرجعو لبعضاهم عادي مي نتي كبير علااش تضرب ف لمار
جان: نطر يدو: عمتي حتى هي وجعتها شوفي هاز يد بيلين حمرة ينعتلها
جاد: راااح نفرع بووك بطريحة هنااا اعرف كيفاه تحكي مع عمتي
جان: ما عندو ما دخلك ابقا تفرج يضربولك فأختك ونتا ساكت
رين: جاان يزيي احشااام عالأقل شوي، جبدتلو بيلين حطتها في حجرها تمسدلها في يدها تراضي فيها ولمار مسندة لأمها تشهق غايضتها من جان
هدت عليها كي بليس، أنجلي: مااو كلو من اهمالك في عرض ما تتلهاي بالولاد قدامك قاعدة تخنتبي فالخلا اذااك ما تغلبيش مالقراية وش درتيلنا بيها
رين: خالتي علاش تعيطي عليا مصباح وعيني عليهم في بالاك مخليتهم بالذمة يقتلو في بعضاهم
انجلي: مااكيش تا ولاد، خطفت منها بيلين راحت بيها وتبعها جان
رين::نزلت دمعتها زربت مسحتها، هزت بناتها ف حملتها جات توقف وقف قدامها باس جبهتها وبعد
جاد: عمتي ما تاخذيش على خاطرك منها، جدة وتعرفيها ميزانها مكسر

رين: باست خدو: عيشو رووح عمتو خلااص راحلي الزعاف، وقفت هازة التوينز ديراكت للسويت تعها بعيد عالحس، وصات لخدامات عملولها لي تيزان للبنات فيسع ما جابوهملها
واقفة هازة أنمار ف يد وبالثانية ترضع لمار بالبيبرون ودموعها سبالة، فتح باب غرفتهم دخل الضو ما يشوفوش (كي دخل لقا الحس مبيت غير جاد فالصالون سقساه حكالو)، جيست شافها تبكي رما كلشي وراه راحلها هز لمار يشربلها فالتيزان بالبيبرون، قرب منها بيدو يلعبلها بشعرها: صغرونة علااش الدموع؟ وشبيك!
رين: مابيا والو، جيست النبيز تا كل يوم يتعب، كرهت والله كرهت، لا غير ما لقاتش فرصة تبدا تعجن وتحط حتى تغلب
ليث: وش تحبيني ندير، نقسلها لسانها يعني
رين: شووف ما تبداش تتفلى عليا قتلك ديرلها حاجة
ليث: خطف بوسة من شفافها: نعرف لي ما قلتيش، أمي وتعرفيها فمها متبري منها الله غالب
رين: هيه مالا كي نقولك ما نحبش نروح لتم ما تقوليش علاه
ليث: رجعنا لنفس الهدرة
رين: ليث والله ما نتبلا عليها، ملي تزوجها وهي ماهيش حاملتني، حتى بناتي لي هم بناتك وأحفادها ما تشمش فيهم
ليث: ريييين وش الهدرة هاذي يهديك لي خلق
رين: الله لا هدانا، حطت انمار عالسرير دخلت للدوش خبطت الباب وراها
ليث: لا لا ا لالة مش هكاك كسريييه خير، تفوو فيسع ما تنغر وتهز خشمها، نزل راسو ل لمار لقاها تمطمط تطحر، بيدو على خدها: يااا پاپي سعدي ب بنتي الفحلة اشربي اشربي به فالليلة تخليو بوكم يلعب رااكم شيحتولي ريڨي معاكم، شاف ل أنمار راقدة عظهرها هاز رجليها بيديها تلعب بيهم، مد يدو ل خدها راح يقمشها، صرفقاتو مغوبشة تحبوش يفزد عليها لعبها، بالمكرة هبطلها رجليها: تفوو مغزلة زي أمها وش درت أنا أ ربي سيدي