تحت اضواء الحب ?❤

💫 البارت 10 💫

قطع عليه و حط تلفون تنهد و ديمارا خارج من حومتها راجع للبيت ..

عند ملاك ..
ملاك طلعت فوق لدار نحات اديداس تاعها و راح ديراكت لصالة تعرف يماها درك تكون تتفرج مسلسل تاعها تبسمت و عنقتها من لور
خديجة : هذا وين تجي
ملاك : راكي تعرفي طريق يما
خديجة: خليتلك حقك نتع عشاء اغسلي و روحي تاكلي
ملاك : لا احم شغل صاي تعشيت
خديجة : من وينتا وليتي تعشي برى يخي متحبيش تاكلي ماكلة نتع برى
ملاك : خرجت روطار و مكانش ركبة وصلني صاحب ايوب و داني نتعشا و جابني حتى لحومة
تبسمت خدجية بينها بين ورحها و قالت : كنت عارفة راح دير لي تقدر عليه باه ترجع ملاك قديمة
ملاك : قلتي حاجة ماما
خديجة: لالا مقلت والوا روحي بدلي قشك
ملاك : اوكاي

دخلت لشومبرتها حطت صاكها و راحت لتاقة تغلقها باه تبدل الاز لمحت سيارته هذاك وين قلعت تبمست و غلقتها.. نحات قشها و لبست بيجامة و رجعت للصالون حطت راسها على حجر يماها و قعدت تتفرج معاها و خديجة تمسحلها على راسها..

(كل اقتراحات كانت خاطئة كل درتوا في بالكم خطفوها و هكذا و هكذا و انا بغيت نديرلكم سوسبانس بسكوا كنت 99% مراحش تجيبوها صح)

عند سامي ..
يوم كان اخر نهار ليا في هذي خدمة و نكمل ديت اخر سلعة و قعدت ندور بين زقاق نحوس على شاري
كملت جيت رايح لباترون باه نمضي عقد و ينتهي كابوس ...
دخلت لبار صغير اما يحمل عديد من أسرار و رحت ديراكت لبيروه دقيت علي و دخلت
سامي : سلام جيت نمضي عقد
*: ادخل سامي واش تشرب
سامي : والوا برك خليني نمضي و نخرج
*: امم اوك خسارة كبيرة ليا تاجر كيفك انت نخسروه
سامي : الله غالب خدمة حرام جابتلي غير مشاكل
*: بصح دراهمها كبار ... صدقني راح نخلصك ضعف برك ابقى معانا و ممكن نرجعك كتافي ايمن خمم في موضوع مليح و .....
قاطع كلاموا حارس : سيدي
بترون : متعرفش دق في باب يا &&&
حارس : اما سيدي شرطة داهمة بار
سامي : كيفاه
ناض بترون وجهوا مخطوف وقف سامي في نفس وقت
سامي : كيفاه ندير درك انا
شاف فيه بمكر و دمره طاح فوق طابلة متع زاج دخلوا في يديه بعض قطع هو حل وحيد باه يقدر يهرب ..
مقدرش ممبا يشوف مع سامي لز خزانة بان باب صغير خرج منه *مخبأ سري*

سامي شاف يديه تنزف ناض و جا خارج مين خرج بترون لكن للاسف حكماتوا لابوليس دارتلوا ليمينوت و خرجوه من بار ..

(من هذا منبر حبيت نقولكم طريق حرام قصيرة
صح سامي خدم خمس سنين و حبس خدمة اما في هذيك دقيقة تلبقت عليه تهمة تاجر مخدرات)

ركبوا في طونوبيل و داوه للبوست بوليس احلام لي بناها كل تبخرت اثر غلطة دارها في ماضي و راه يخلص نتائجها في حاضر
هو بدا في هذي طريق و لازم يتحمل عواقب اختياره ...

في دارهم
قاعدين يتفرجوا مسلسل و مندامجين مع احداث حتى صونا تلفون خديجة بعدت ملاك من حجرها و ورجعت تكمل مسلسل
خديجة: في لقطة هايلة يعيطولي بببففف شكون هذا
رفدت تلفون و حطاتوا على وذنها
تسمع في ولد جارهم يحكي معاها : خالتي خديجة
خديجة : ااايه ولدي غير خير في عز ليل
*: خالتي مش عارف كيفاه نقولك بصح سامي حكموه لابوليس
خديجة : وشنوا .. كيفاه مستحيل!! لاه شدوه
*: لقاوه في بار و و ...
خديجة : وشنوااااا !!
*: ااايه خالتي و قالك داوه بتهمة تجارة بالمخدرات
خديجة : تتمسخر بيا ولدي خطيه هذوا صوالح
*: والله هكذا سمعت
طاح تلفون من يديها دموع تغرغروا في عينيها من خلعة مقدرتش تتحكم في روحها و طاحت مغاشية
ناضت ملاك مفزوعة من حس و طيحة زربت في مشيتها غير دخلت لشومبرة و يقابلها منظر امها مغاشية و تلفون مرمي بجهة اخرى

ملاك صاغت على طول جهدها : ماماااااا...

....يتبع

واش رايكم بالغت ولا هذيك هيا
عجبوكم احداث بارت

واش ممكن يصرى مع ثنائي ملاك و الياس

و ثلاثي ادم / سامي / احلام ؟؟؟

ارائكم ممكن بارت قادم ندخل كوبل جديد لي طلبتوه ليندة و صلاح 😁

Par ikram