نحن نعيش لكي نرسم ابتسامة .. ونمسح دمعة.. ونخفّف ألما ً.. لأن الغد ينتظرنا ..
فاتت ساعة كاملة و هي مزالها تستنا فيه و تخمم حتى لمحاتوا جاي حاط يد في جيبوا و يد رافد بيها ساشي تبسمت بلا متحس و لبست جلابة فتحت باب بسياس و خرجت هابطة في دروج غير بسياس متحبش تلفت نظر
طلت من و منا شافتوا تحت شجرة يبان نصفوا برك راحت تجري ليه و تخبات موراه
سامي : شبيك
احلام : والوا برك خفت يشوفوني معاك
سامي : خفتي ؟؟
احلام : ايه
سامي : بصح مخفتيش وكان شافوك مع هذاك (...)
حطت راسها حاشمة منه و سكتت
سامي تنهد : لاه ملبستيش فيستا برد
احلام : مكنتش حاسبة برد راه هكذا
نحى فيستا تاعوا و عطاهالها : هاكي
شافت في يديه و فيه و داتها لبستها و تكمشت فيها
بقاو مدة هكذا هي تشوف قدامها و هو ساهي فيها
مي مبينلهاش كامل
احلام : راح نبقاو هكذا ؟؟
سامي : لا
احلام: مالى
سامي : هاكي
احلام: وشنوا هذا
سامي: تلفون
احلام : تلفون ؟؟ و تاعي وينوا
سامي : تكسرلي شريتلك واحد جديد و فيه بوس جديدة
احلام: و بوس تاعي
سامي: متحتاجيهاش
سكتت و قاتلوا ايه
سامي : اطلعي لدار
احلام: فيستا؟؟
سامي: خليها عندك
احلام : سامي
سامي: ممم
احلام : صحيت
سامي :واجبي
احلام : نسقسيك سؤال ؟
سامي ضم يديه لصدره وطلع حاجب و قالها: سقسي تشوف
احلام : لاه سترتني و مدرتلي والوا
شاف فيها شحال و قالها : راح حال روحي درك يفيقولك
عوجت فمها و راحت تزرب خايفة يشوفوها
ضحك عليها و رجع لدار
(نرجعوا وين كنا *هذوا احداث صراو قبل ثلاث ايام ياك قتلكم*)
هند : ملاك يوم تحكي مع باترون نتاعك ؟
ملاك : هيه ان شاء الله نقولوا خميس و جمعة و سبت في اصل منخدمش هكذا خميس نوجد معاك و جمعة خطبة و سبت نلم معاكم حوايج و نروح لدار
هند : ان شاء الله حبيبة ربي يخليك ليا و كان مش نتي منلقاش روحي كامل
ملاك : متزيديش تقوليها هذي
تبسمت معاها و قاتلها : هيا روحي تخدمي نتلاقاو غدوة ان شاء الله
سلمت عليها و راحت ملاك تخدم كيما عادة نفس روتين يتعاود كي كملت خرجت تشري غوب للخطبة و شوية مكياج و حوايج لي تحتاجهم و رجعت لدار وجدت كابة صغيرة حطت بيجامات و غوب و صوندال و مكياج و حوايج اخرى راكم تعرفوا... الخ
تعشات و رقدت بكري غدوة نهار طويل عريض يستنا فيها ..
في جيهة اخرى الياس طول وقت يشغل روحوا بخدمة يحاول قدر مستطاع ينسى واش صرى من خدمة لدار و كي يكمل بكري مرات يروح يتريني
سامي و احلام من ذاك نهار مزادوش تلاقاو ولا هدروا مع بعض
هي لاهية مع قرايتها تروح و تجي مع ليندة
من نهار سامي تحلبلها مزادتش هدرت مع ادم و لا شافتوا في جامعة
سامي لاهي مع خدمة يحوس يبيع كلش و ينهي عقد لي بينهم و يتحرر من هذي خدمة
(سامي كي حبس من ليسي سينيا كونطرا مع هذيك جماعة يخدم معاهم خمس سنين و مور خمس سنين خلاص مكانش حتى علاقة تربطوا معاهم الا اذا جدد عقد مرة اخرى)
YOU ARE READING
تحت اضواء الحب ?❤
Romanceسلام عليكم حبيباتي راني رجعت و حبت معايا جديد ? كرونيك سادسة من تأليفي راح تسافر بيكم لعالم خيال عالم مليئ بالحب و عبر ، فراق ، وفاة ، حزن ، امل ، لقاء بعد سنوات عديدة ..الخ احداث مشوقة في انتظاركم ? #قراءة_ممتعة من كتاباتي : اكرام ❤
