علمتني الحياة أن أجعل من نفسي بيتاً عماده المحبة والتسامح والعفو وأن أتخذ من الأمل مصباحاً ينير طريقي أينما اتجهت.
{ ام هند : سليمة }
بنات خالة هند متعاونين ينقوا في دار (كيما يقولوا لمسات اخيرة)
ملاك تستف قاطوا و هند توجد و تمسح ماعين لي يحطوا فيهم قهوة و فطور
دايرين موسيقة و لومبيونس في دار كل وحدة غارقة في حاجة
سليمة لاهية مع عشاء و ختها توجد في طعام لغدوة
يعني حالة كانت مقلوبة في دار يحاولوا يكملوا كلش باه غدوة ميكونش كاين ضغط عليهم ..
كملوا بنات بالخف *كيما يقولك معاونة تغلب سبع* حطوا عشاء و قعدوا يحكوا على غدوة و كل وحدة واش دير ..
ملاك : هند ساعفيني خلي غدوة و نوضي صباح و دوشي
هند : هيه اصلا ني عيانة مش قادرة نهز روحي
ملاك : مهم انا نروح ندوش غدوة ميكفينش وقت
هند : اوك حبي
راحت هند لبيتها و ملاك دوشت و نشفت شعرها برك باه متمرضش
شافت ساعة كانت ديجا وحدة مع عيا رقدت ديراكت ..
هند كانت تهدر ابال مع ايوب غير كملت هدرة رقدت غدوة يستناها نهار طويل
♡_______________♡
فاتت ليلة طويلة على ابطال
هند و ايوب فرحتهم متنوصفش بعد حب دام ما يقارب شهرين يعني تخيلي درك راجل لي طالما حلمتي تعيشي معاه تحت سقف واحد
راجل لي دخل قلبك و سكن فيه هذاك شخص لي غير من صوتك يعرف حالة لي راكي فيها
حب أفعال مهوش كلام برك نحبك و نموت عليك ... متكفيش اما أفعال كافية و تبقى ذكرى عكس كلام حلو لي تأثيره ساعات فقط ..
هذاك شخص لي وفى بوعده و نواك #للحلال
هذاك هو شخص لي راح يكملك و تكمليه نفسوا لي راح يوقف معاك في مُرة و حلوة هو لي راح يعيش معاك
قد موصفتلكم منقدرش نلحق
لكن في يوم من ايام راح تجربوا حلال و تشوفوا فرق 🥰
♡________________♡
ملاك : نوضي يا عروسة
زدموا عليها بنات خالتها يزغرتوا و يغنولها
هند : ياربي خلاص ني نايضة
ملاك : هيا خفي روحك تسعة تجي حفافة
هند : اوك
ملاك : و هولا قش لي تلبسيه قاتلك طاطا سلمية من عادات و اذا ملبستيهمش راكي تعرفي واش يصرى
هند : ههههههه خلاص خلاص
ناضت هند للدوش و شيرات هبطوا تحت كل واش دارت كملوا مع عشرة هكذا حفافة كانت دير مكياج لهند قريب تكملها
بنات خالتها لبسوا و مكياو و هند اصرت على ملاك باه مكياج و شعرها ديرهم حفافة لانوا علابالها راح تسلك برك
وجدت هند روحها و بنات خالتها عاونوها باه تلبس قفطان و حفافة كانت لاهية مع ملاك توجدها
دخلت سلمية : ماشاء الله ماشاء الله تبارك رحمان على بنتي و كي جات شابة
(عينيها تغرغروا بدموع لكن محبتش تهبطهم)
هند : اوووه ماما خلاص حشمتيني
سلمية : بوه على حشامة ههههه
حفافة : خلاص كملتلك واش رايك
شافت ملاك في روحها و قالت : يهبل
سلمية: ياعمري يا بنتي جيتي تهبلي ااايه خديجة جات راهي تحت مع اختي
ملاك : اايه درك نهبطلها
هند : راكي تهبلي ملاك خموس عليك
ملاك : مرسي حبي ربي يخليك
YOU ARE READING
تحت اضواء الحب ?❤
Romanceسلام عليكم حبيباتي راني رجعت و حبت معايا جديد ? كرونيك سادسة من تأليفي راح تسافر بيكم لعالم خيال عالم مليئ بالحب و عبر ، فراق ، وفاة ، حزن ، امل ، لقاء بعد سنوات عديدة ..الخ احداث مشوقة في انتظاركم ? #قراءة_ممتعة من كتاباتي : اكرام ❤
