من شده الشوق اصبحت ابحث عن النوم في غير اوقاته لعل اللقاء يكون في المنام ...
فات وقت فيسع بين جرى مع ليكليون غير كملت لبست قشها و عدلت روحها و جات خارجة تمشى حبة حبة .. حتى حبست قدام رجليها طونوبيل كحلة ...
دارت شافت فيها ضربها ضوء في عينيها غمضتهم و خفت رجليها خايفة .. شوية هكذا و طفى ضوء
فتح باب و خرج وقف في نصف طريق و عيطلها : ملاك ؟؟
حبست في بلاصتها تشوف معاه مبانلهاش وجهوا مليح ..
حط يديه على جيوبه و تمشى حبة حبة حتى وصل عند ضوء انارة و بان وجهوا فتحت عينيها تشوف معاه : انت ؟؟ يخي راك تبع فيا
* نو جوست فت منا و شفتك قلت نحبسلك نوصلك في طريقي
ملاك : نو مكلاه درك نركب
* اوك دبري راسك
دار راجع لطونوبيل
و هي دارت تشوف من و من مكانش ركبة و بدات تضلام غمضت عينيها و قالت : استنا ني جاية
تبسم فتحلها باب دخلت و راح جيهة شوفار شغل سيارة دار شاف فيها و قالها : حزام
ملاك : ااه ؟؟
تنهد و قرب منها جبد حزام و دارهولها
دخلت ريحت برفانوا في نيفها قلبها رجع يضرب و هو قريب ليها يقفلها في حزام
وخر عليها و شغل طونوبيل
دورت وجها من جهية اخرى مزالت مروهجة من قربوا ليها
طول طريق و هما ساكتين حتى سقساها : راكي جيعانة
ملاك : كي نروح لدار ناكل
مخلاهاش تكمل هدرتها و حبس عن مطعم عادي هبط و فتحها باب : اهبطي
هودت غلقت مورها باب .. سبقها دخل و هي لحقاتوا
حكم طابلة بعيدة على ناس شوية و جا سارفور دا طلبية تاعهم قعد يشوف فيها و سقساها : ملاك واش كنتي ديري في ليل برى ؟؟
ملاك : كنت نخدم و هذاك وين خرجت
* : ااايه مليح واش تخدمي
ملاك : في حانوت يبيع قش رجال
* : مليح .. حبستي قرايتك ولا وشنوا
ملاك : لالا هذا عامي تالي في جامعة و في نفس وقت نخدم نعاون روحي شوية
*: اايه مليح واش تقراي
ملاك : جينا نفطروا ولا ديريلي استجواب
*: حبيت نتعرف عليك كثر
ملاك : شكرا نقرى هندسة معمارية
*: الله يبارك تقراي نفس دومان خدمتي
ملاك : صح
*: ايه عندي شركة نخدموا فيها انا و ايوب يعني
ملاك : اااه هيه تفكرت كانت قاتلي هند ايوب يخدم مع صاحبوا
*: ضحك و قالها ايه
ملاك : معليش تفكرني باسمك نسيتوا 😅
*: ههه الياس الياس
ملاك : ااايه صح الياس
قطع حديثهم سارفور وقت حط طلبية سماو الله و بداو ياكلوا في صمت مرة اخرى ..
خلص فطور ركبوا طونوبيل و كملوا طريق ساكتين
الياس : وين تسكني ؟؟
نعتتلوا ملاك حطها عن باب دارت شافت فيه و قاتله : شكرا على عشاء و توصيلة
دخلت للبلوك و هو قعد تحت حتى شاف ضوء شعل في شومبرتها ..
(طبعا اكيد مراحش يقولها نعرف دار و كل هذي حاجة طبيعية)
رفد تلفون تاعه و عيط لايوب : الوا
ايوب : وي الياس
الياس : حبيت نقسيك تعرف صاحب محل لي تخدم فيه ملاك
ايوب : لا منعرفوش .. بصح اصبر نسقسي هند بلاك تكون تعرفه
الياس : ااايه سقسيها الله يسجيك
ايوب : علاه راك تحوس
الياس : منكذبش عليك ايوب بصح راح ندير مستحيل باه ملاك تتفكر جزء مفقود من ذاكرتها
ايوب : هذا هو صاحبي واش ناوي دير
الياس : قلت نجرب نعيشها واش عشنا في ماضي ممكن تتفكر
ايوب : فكرة مليحة اي حاجة تستحقيها تلقاني في كتافك
الياس : ربي يخليك عزيزي
YOU ARE READING
تحت اضواء الحب ?❤
Romanceسلام عليكم حبيباتي راني رجعت و حبت معايا جديد ? كرونيك سادسة من تأليفي راح تسافر بيكم لعالم خيال عالم مليئ بالحب و عبر ، فراق ، وفاة ، حزن ، امل ، لقاء بعد سنوات عديدة ..الخ احداث مشوقة في انتظاركم ? #قراءة_ممتعة من كتاباتي : اكرام ❤
