" ဘာလို့လဲ "
" ဘာလို့လဲဆိုတော့...."
ပြောလက်စကိုရပ်ပြီး ဂျင်မီဆေးတံကိုဖယ်ကာ မျက်နှာထက်မှာကောက်ကျစ်တဲ့အပြုံးမျိုးဖြစ်တည်ကာ။
" အဲ့လူလိုချင်တာ ဘယ်တော့မှရနိုင်မှာမဟုတ်လို့လေ..ဟားဟား "
အားပါးတရရယ်နေတဲ့ ဂျင်မီကိုကြည့်ပြီး စိုင်းလုံစိတ်ထဲခုသွားသည်။ ဟုတ်သည် ဂျင်မီလိုလူမျိုးက အရာအားလုံးလက်ဝါးကြီးအုပ်လို့ရတဲ့အခါ အားလုံးကသူ့ထိန်းချုပ်မှု့အောက်မှာဖြစ်ပြီမို့ သူ့ဂတိတည်ခြင်း မတည်ခြင်းကသူ့စကားတစ်ခွန်းဖြစ်သည်။ ထို့ကြောင့် စိုင်းလုံကလည်း လည်သည်။ ဒီတိုက်ပွဲအတွင်း ဂျင်မီကိုပါ သူသတ်နိုင်ရင်..... ။
* မင်းလိုကောင်ကိုငါအစကတည်းကယုံခဲ့တာမဟုတ်ဘူး.. အခုတော့ မင်းစိတ်ဓာတ်ကိုချပြလိုက်ပြီဆိုတော့ ပိုကောင်းသွားတာပေါ့ *
စိုင်းလုံနဲ့ဂျင်မီဟာ တစ်လှေတည်းစီးသူတွေဖြစ်ကြပေမယ့် မရသေးတဲ့အုပ်ချုပ်ခွင့်ကြောင့် တစ်ယောက်နဲ့တစ်ယောက်အပေါ်ယံမျက်နှာဖုံးတွေဖုံးအုပ်ရင်း လက်တွဲထားမြဲပင်။
" ကိုဂျင်မီ ကျုပ်အနေနဲ့တော့ အခုချိန်မှာ ကျုပ်တို့ဘက်ကလက်ဦးအောင် စတိုက်သင့်ပြီလို့ထင်တယ် "
စိုင်းလုံစကားကိုဒီတစ်ခါတော့ ဂျင်မီလက်ခံသည်မို့ ခေါင်းညှိမ့်ကာ။
" ငါနားလည်တယ်။ ငါတို့လူအင်အားစုခိုင်းထားတဲ့စခန်းမှာလည်းအားလုံးပြည့်စုံသလောက်ဖြစ်နေပြီ ဒါပေမယ့်.... "
စိုင်းလုံစိတ်မရှည်တညကြောင့် ထိုင်ခုံမှထကာ ဂျင်မီဆီလျှောက်သွားလိုက်သည်။
" ငါတို့မှာ လက်နက်အင်အားလိုနေသေးတယ်။ လက်နက်ရောက်ဖို့အတွက်နောက် ၃ ရက်စောင့်ရမယ် "
" ၃ ရက်....။ ကောင်းပြီလေ ဒီတိုက်ပွဲအတွက်အချိန်တွေအများကြီးကုန်ပြီမှတော့ သုံးရက်ဆိုတဲ့အချိန်ကိုထည့်တွက်မနေတော့ပါဘူး။ "
" မင်းပြောတာမှန်တယ်။ ငါတို့အဲ့သုံးရက်အတွက် သူတို့နဲ့တိုက်ဖို့အကုန်အသင့်ဖြစ်နေအောင်ပြင်ဆင်ထားမယ် ဒါမှလက်နက်ရတာနဲ့ချက်ချင်းတိုက်နိုင်မှာ။ "
YOU ARE READING
Saw Nay Say's Travel Blogger [ Completed ]
Romantik#စောနေစေးရဲ့ခရီးသွားဘလော့ဂါလေး #June - 19 - 2020 #Moewathan #Artist by Melon mist 🌠 ယခုဇာတ်လမ်းတွင်ပါဝင်သော ရိုးရာ၊ဓလေ့ ယဥ်ကျေးမှု့စသဖြင့် ဇာတ်လမ်း၊ ဇာတ်ကွက်များဟာ စာရေးသူဖန်တီးထားသော စိတ်ကူးယဥ်သက်သက်သာဖြစ်ပါသည်။
အပိုင်း { ၃၄ }
Start from the beginning