الحلقة ( ١٦) من رواية غرام فتاة
بقلمى / حنين الماضى 👇
وبعد العروسين ما وصلوا قدام العمارة ورقصوا مع اصحابهم وقرايبهم علي اغنية كلمات وسط فرحة من الشارع كلة
وليد خد هدي وطلعوا علي شقتهم واللي طلع معاهم مامت هدي توصلهم وكان بوكيهات الورد من الدرو التاني لحد الرابع عند شقتهم وريحة السلم ورد بلدي جميل
باب شقة العروسين كان مفتوح وعند الباب وقبل ما يدخلوا شقتهم وقفتهم مامت هدي واديتهم كوباية كبيرة فيها لبن وقالتلهم دي سنة عن الرسول (ص) انتي يا هدي اشربي الاول شوية وبعدين وليد يشرب الباقي بس قولوا بسم الله الرحمن الرحيم الاول واقروا الفاتحة في سركم وبعدين اشربوا ...
وليد وهدي قروا الفاتحة وبعدها هدي شربت شوية وهنا بقي سمعوا كلاكسات كتير في الشارع واصحابة عمالين ينادوا علية يا عريس يا عريس ويضحكوا
وليد خد هدي وراحوا البلكونة اللي في الريسبشين وفتح البلكونة وشاورلهم وقالهم ..
وليد رفع ايدة ووراهم كوباية اللبن
اصحاب وليد: اية دة أيوة أيوة اشرب اللبن وادفي ونام عشان ماما متزعلش منك
وليد : ههههههههههه ماشي يا برنس ماانا هشربة وانام عقبالك لما تشربة
هشام اخو هدي: بقولك يا عريس مافيش كوباية لبن تانية اطلع وانا العسل اللي معايا نشربها ونعمل السنة احنا كمان ، وتكسب ثواب في اخوك..
وليد : في يا نسيبي طبعا بس مترجعش في كلامك ههههههههههه
هنا بقي كل الموجودين وقعوا من الضحك
وليد ،: هو انتوا مش هتمشوا وهتفضلوا اعدينلنا كدة يالا كل واحد يروح لحالة الفرح خلص ومتشكرين والله تعبناكوا ومردودالكوا..
اصحاب وليد: استني يا عم هو انت هتنام دلوقتي على طول ..
وليد : ههههههههههه انا مش هرد عليك وليك يوم الله يخربيتك فضحتنا وانا الشارع اصلا كرهني زمانهم بيقولولك هيجوز ويقعد هنا يااااادي الوش
وليد وهدي رفعوا أيديهم وسلموا علي اصحابهم اللي في الشارع ودخلوا وقفلوا البلكونة وكان وليد شرب باقي كوباية اللبن وباب الشقة اتقفل
في اللحظة دي وليد جري مسك ايد هدي وباسها وقالها...
وليد : بجد اللي انا فيه احنا لوحدنا وانتي معايا وخلاص دقايق وتبقي في حضني وبتاعتي وملكي ..
هدي : بابتسامة هزت راسها وقالتلة انا كمان مش مصدقة وحاسة أن قلبي هيقف من الفرحة ..
وليد : حضن ايد هدي جامد وقالها سلامة قلبك دة لسة هيدق ويدق ويدق وهيفرح اكتر وراح شغل مزيكا اجنبي هادية ورقص معاها وبقيت النجفة اللي فوقيهم عمالة تغير في الوان اضائتها ورقصوا رقص في قمة الاشتياق لبعض ..
شوية ووليد شال هدي علي دراعاتة ودخل اوضة نومهم
وليد دخل الاوضة وطبعا وليد عامل نظام السماعات في الشقة كلها وكان ساعتها الاغاني شغالة علي فلاشة ووليد عامل إضاءة اوضة النوم باللون الاحمر شوية والاخضر دة طبعا غير النور العادي بس اللونين دوول وقت الرومانسية والحب ...
المهم وليد بعد ما شال هدي ودخل اوضة النوم والمزيكا والإضاءة الحمرا والخضرا شغالة نايمها علي السرير وقرب منها واحلي حضن ما بينهم حصل ووليد وهدي كانوا مشتاقين لبعض جدااا..بعدها وليد ساعد هدي في الفستان بس بدأ الاول يفك شعرها ويشيل بنس الشعر والطرحة وبعدين بشويش وهو بيبوسها في رقبتها فك السوستة وهنا هدي لفت بوشها وحضنت وليد اوووووووي وفضلت ايد وليد علي شعرها وجسمها وفي الاخر هدي طلبت منة يخرج من الاوضة علي ما تغير هدومها وتلبس حاجة كان وليد جابهلها وطلب منها ساعتها انها تلبسها ليلة دخلتهم....
وليد خرج وخد بيجامتة الخضرا عشان يغير ويلبس في الاوضة التانية بس قبل ما يرجع لهدي وليد افتكر أن في ورقة في جيبة كان كاتب فيها دعاء قال هيقراة ويصلي ركعتين قبل ما يدخل الاوضة علي هدي وراح وطي صوت المزيكا لحد لما يخلص وفعلا خلص وهدي لسة مخرجتش وراح وليد خبط عليها.
وليد : حبيبي كل دة
هدي : ثواني وهخرجلك حالا
وليد : الثواني عدت يالا بقاا
هدي : طب افتح الباب
وليد بضربات قلب سريعة فتح الباب
واووووووو تحفة عليكي اية الجمال دة تعالي وحضنها جامد ، كانت هدي لابسة بدلة رقص زي بتوع سهير زكي زمان وليد كان جابها وهو مسافر ليها..
وليد شال هدي وهو ماشي كانت متعلقة في رقبتة وهو بيبوسها في شفايفها وخدها وراحوا الريسبيشن ورقصت هدي احلي رقص علي اغنية شيك شاك شوك ووليد فضل يتفرج وبعدين خدها شالها ورقص سلو معاها وبعدين دخلت هدي غيرت هدومها تاني ولبست حاجة حلوة جدا جننت وليد اكتر عليها ، دخل وليد الاوضة وقعد قدام هدي وفضل يبوسها من كل حتة فيها لحد هدي ما دابت في ايدة وعلي انغام الرومانسية دابوا في بعض وبالرغم من أنهم عملوا كل حاجة بردة مكنوش شبعانين من بعض ونامت هدي في حضن وليد نووووم عميق ووليد كمان وقفلوا موبايلاتهم وقفلوا جرس الشقة كمان ونامواااا في حضن بعض
صحي وليد تاني الصبح ولقي هدي نايمة مبتسمة فضل يتفرج عليها ويلعب فى شعرها ولما لاقاها متعمقة في النوم قام وافتكر أنهم متعشوش وانة نايمها من غير ما تتعشي وادايق من نفسة جدا وافتكر أنها كانت اكيد جعانة واتكسفت تقولة..فاضطر وليد يصحيها.
وليد : حبيبي وباسها من خدها وهو يبملس علي وشها وشعرها..
هدي : فتحت عينيها وتقريبا فقدت الوعي لدقيقة واتخضت لما لاقيت نفسها نايمة كدة ووليد قدامها وبعدين افتكرت وضحكت وساعتها وليد ضحك عليها
وليد : انتي نسيتي تتعشي امبارح وانا نسيت خالص والله معلش انا اسف بس انا كنت جعان منك انتي.
هدي: لااااا انا اصلا مكنش ليا نفس وكنت عايزة افضل معاك.
وليد : طب يالا قومي عشان وحشتيني يا مدام وليد
هدي : بخجل طلع عند حق فعلا في مدام وليد دي
وليد : صدقتيني أن احنا بنتعب وغمزلها
المهم هدي قامت خدت الشاور بتاعها وخرجت لبست بيجامة شيفون نبيتي وكان وليد معجب بيها جدااا وقضوا ليلتين مع بعض من اجمل الليالي ما بين حبيب وحبيتة قبل السفر ...
وجة وقت السفر لتايلاند واستعدوا وخدوا شنطهم وسافروا الحمدلله وقعدوا في تايلاند عشر ايام
وصلوا الحمدلله تايلاند وكانت وقت السفر ممتع جدا ودي كانت أول مرة هدي تسافر برة مصر وتركب طيارة فكان وليد هو المرشد السياحي ليها طول فترة رحلتهم..
وبدأوا بعد وصولهم للاوتيل يستغلوا الوقت في أنهم يروحوا اكتر الاماكن السياحيه في تايلاند وكان أول مكان كان العاصمة ....
بانكوك والمعابد وكانت تايلاند مشهورة بمناظرها الطبيعية الخلابة وقدروا يدخلوا وسط الحيوانات ويتصوروا معاهم في الغابات والحدائق وكل الاكلات الجديدة والمميزة في تايلاند حتي الفاكهة وكانوا مستغربين من سوق الفاكهة والوان الفاكهة الغريبة واللي طبعا مش متعودين عليها في مصر ، وليد كل يوم كان ياخد هدى يفطروا وبعدين يبدأوا في رحلتهم وكل يوم في مكان جديد ويرجعوا بالليل هلكانين من اللف طول اليوم وسط الزهور والأسواق وركوب الحيوانات واحلي سفاري عملوها هناك وكان اجمل عشر ايام في شهر عسل بين وليد وهدي واللي بعد كل اللي بيحصل بينهم كاي زوجين في الدنيا وكانوا بردة مش عارفين يشبعوا من بعض و رجعوا مصر علي شقتهم اللي فيها اكتمل حبهم لبعض واللي فيها هدي اتعودت علي حضن وليد وبقي من المستحيل إنها تبعد عنة أو تزعل حتي لو بالهزار ووليد بقي عندها كل حياتها ....
______________"
للأسف كان معانا بردوا صورة لعربية هما اتصوروا عليها فى تايلاند كانت صورة واحدة بس تحفة وصورة تانية لسوق الفاكهة كان غريب بس انا شخصيا عجبنى
اتجوزوا الحمدلله طيب فين القصة يا حنين ماهى عادية اهى وتجيب الشلل 😂 اصبروا ونكمل
