(الحلقة الخامسة _ غرام فتاة)
👇👇👇👇👇👇👇
بعد ما وليد وهدي وصلوا البيت وهدي رفضت حضن وليد بخحل نزلت من العربية وطلعت جري علي شقتها وهي طايرة من الفرحة ودخلت غيرت هدومها وخدت شاور وهي في عالم تاني خالص وخرجت قعدت تتكلم مع باباها ومامتها شوية علي الفرح وأنها كانت ليلة جميلة وشوية ورن موبايلها قامت تشوف مين لاقت ندي
هدي : الووو نودي ازيك وحشتيني
ندي : وانتي كمان يا هدهود وحشتيني ومتزعليش اني معرفتش اجي فرح هشام والله لسة داخلين البيت من الصبح ولسة بردة مخلصناش
هدي : معقولة كل دة ربنا يعينكوا بقي وتخلصوا عشان احضر فرحك واشوفك وانتي عروسة حلوة بالفستان الابيض والواد حازم خلاص هياخدك مني
ندي : لا يا قلبي مين قالك كدة هو عارف كويس انتي اية بالنسبالي انتي صاحبة عمري واستحالة اسيبها واعملي حسابك هتبقي معايا عند الكوافير يوم الفرح انا بقولك اهو .
هدي : طبعاا انا مش مستنياكي تقوليلي تعالي،، انا راشقة معاكي واخيرا يا ندي نظرتي اتغيرت عن الحب والارتباط تخيلي
ندي : بجدددد اية اللي حصل مرة واحدة خلاكي تغيري رايك كدة
هدي : انتي وحازم طبعا يا حبي
ندي : مش عارفة لية حاسة انك مخبية حاجة بس براحتك هترجعيلي بردة
هدي : بعدين هحكيلك عشان في حاجة بجد
ندي : يبقي اللي فهمتة صح قولي بسرعة مين دة وشوفتية فين انطقي ليكون بيضحك عليكي
هدي: حقك تشمتي طبعااا المهم بعدين بقي هقولك .
ندي : طب كانت الليلة حلوة والعروسة والفرح حلوين
هدي : اوووووووووووي يا نودي كل حاجة كانت حلوة كأنة خيال
ندي : طب الحمدلله عقبال الليلة الكبيرة انا قولت اتصل اطمن عشان متزعليش واقولك تصبحي علي خير عشان هلكانة
هدي : ربنا يخليكي يا حبيبتي ونوم الهنا مع السلامة .
هدي قفلت مع ندي ورجعت بتفكيرها للي حصل بينها وبين وليد واحساسها بأن شفايفة لسة علي خدودها وايديها وقعدت تبص لايديها وهي فرحانة وافتكرت نظراتة ولما ركنوا العربية كانت حاسة انها عايزة تقرب اكتر واكتر من وليد لكن مقدرتش وخافت تفقد احترامها لنفسها وأنها كدة ممكن تخسر وليد .
نامت هدي وهي بتفكر في وليد لدرجة أنها حلمت بية ( علي بحيرة صغيرة ساعة الشروق وكانت هدي لابسة فستان ابيض طويل سيمبل اوي وقاعدة علي كوم من الرمل وعمالة تبص في البحيرة ومرة واحدة لقت حد جة من وراها وغمي عينيها وقعدت تقول مين ،،، باسها بوسة جاامدة في شفايفها وحضنها جامد مكنش فية ناس حواليهم كان هدوء صارم وكانوا معجبين ببعض جدا واتمنت في الحلم أن دة يكون حقيقي وقالتلة في الحلم ادعي يا وليد انك تكون ليا وانا ليك ربنا اكيد سامعنا وحاسس بينا وفعلا وقفوا الاتنين وبصوا للسما وقالوا بصوت واحد يااااااااااااااااااارب نبقي لبعض ) مرة واحدة الشمس دخلت عين هدي وفتحت عينيها ومكنتش مصدقة أن دة حلم وادايقت انها صحيت ونسيت تقفل الستارة عشان الشمس ومعرفتش هدي تنام تاني بس قامت بسرعة تبص من البلكونة علي عربية وليد تشوفها موجودة ولا لاة وفعلا قامت ولقت العربية موجودة
شوية ومامتها جت تصحيها وتقولها انها رايحة لخالتها هي وباباها عشان جايبين شقة لهشام وهيشوفها،،، فاقت هدي وقامت وهي مكسرة من ليلة امبارح خصوصا انها ليلة دسمة بالمواقف والأحداث ودخلت خدت شاور وعملت كوباية نسكافية وقعدت لوحدها في الشقة والجو هادي وشغلت اغاني قديمة لعبد الحليم وسرحت وهي بتشرب النسكافية وشوية وقامت تبص من البلكونة وبصت تحت علي بلكونة وليد لقيتة واقف بيتكلم في الموبايل في البلكونة وقعدت تسمعة وهو بيتكلم تشوفة بيتكلم ازاي مع اصحابة وفضلت باصة علية ومرة واحدة وليد رفع عينة لفوق وغمزلها مرتين 😉😉 اتكسفت ودخلت بس عجبتها الحركة واستغربت هو عرف منين انها واقفة في البلكونة وكانت عايزة تقف تشوفة في البلكونة تاني بس اتكسفت
شوية وموبايل هدي رن جريت علية وهي عارفة أنة وليد ومتاكدة من غير ما تشوف أو يكونوا متفقين حتي،، وفعلا طلع وليد
هدي : الو بصوت كسوف ورقة فظيعة
وليد بنفس عميق: وحشتيني
هدي : ممم بجد وحشتك اديني إمارة طيب
وليد : يعني قلبك محسهاش
هدي : متهربش واديني إمارة يالا اني وحشتك
وليد : عايزة كام إمارة خدي عندك كنت واثق انك هتطلعي البلكونة عشان كدة طلعت اتكلمت في الموبايل واول قلبي ما دق دقة زيادة وشميت ريحة برفانك اتاكدت انك واقفة وباصتلك أصبح عالجميل بتاعي
هدي : وانا كمان كنت عايزة اشوفك اوي
وليد : صعبان عليكي تقوليلي وحشتني مستخسراها فيا
هدي : انا ابدااا بس ممممم كدة يعني وضحكت بكسوف
وليد : بحبك ياعروستى الحلوة
هدي : عروستك وهي فرحانة اوووووي
وليد : طبعاا انا خلاص قررت اني اتقدملك عشان اكلمك واشوفك زي ما انا عاوز وبراحتي
هدي : ومين قالك اني هوافق بقي
وليد : تقدري متوافقيش دانا عريس لقطة وانتي عروسة قمرررر وجميلة ورقيقة وشقية اللي يسيبك يبقي مجنون
هدي : ضحكت وقالتلة هفكر بردة اديني وقتي
وليد : براحتك يا معلم حقك تدلع وتطلع عين اللي خلفوني كمان
هدي : لالا مقدرش اجي جنب طنط سهير وانكل محمود دوول حبايبي
وليد : يا بختهم ،، قوليلي هتعملي اية النهاردة
هدي: مش هعمل حاجة هستني ماما وبابا عشان خرجوا مشوار وهيرجعوا بالليل وانت هتعمل اية ؟
وليد : انا هفكر في امبارح ومش عايز حاجة تاني تعكر مزاجي تعرفي أن خدك لسة حاسسس بية وايديكي علي رقبتي كمان .
هدي: انااااا ونفس سريع اوووي
وليد : اهدي اهدي خلاص قوليلي هتعملي اية في فستانك بتاع امبارح
هدي : نعمممم اية السؤال الغريب دة انت عايزة ولا حاجة
وليد : لاة بس بعرفك انك مش هتلبسية تاني غير وانتي في بيتي حضرتك ، محدش يشوفك كدة تاني انتي الشباب امبارح عينهم كانت بتاكلك وانا كنت هولع من عينيهم
هدي : غيرة تاني وبعدين
وليد : اللي بيحب يا قلبي لازم يغير ويبقي عندة دم كدة يجري في عروقة ولا اية
هدي : معرفش مجربتش كل حاجة جديدة عليا في حاجات معرفش احساسها لسة ممكن تكون صح
وليد : بصي انا نازل دلوقتي وهرجع علي اخر النهار خلي الموبايل في ايدك عشان هكلمك اقولك علي حاجة ضروري فاهمة .
هدي : حاضر وخد بالك من نفسك بلييز
وليد : عيوني يا هدهد
هدي : هستني تليفونك ..باااااي بدلع ورقة فظيعة.
_____________
❤️❤️
