الحلقة التاسعة من رواية غرام فتاة
👇👇👇👇👇👇👇👇👇👇
خطوبة هدي ووليد خلصت علي اخر اغنية ميكس اجنبي علي عربي
ووليد خد هدي وخرجوا برة القاعة وقفوا شوية مع المعازيم يتصوروا عالموبايل فضل في الآخر اصحاب وليد واهل هدي ووليد .
وليد طول الوقت ماسك ايد هدي شوية يضغط عليها وشوية يسيبها وخدوا في الآخر صورة جماعية مع الاهل وعملوا باي باي
وليد وشوش هدي في ودنها وقالها انا اللي هسوق العربية مش عايز حد يسوقها ولا يركب معانا اية رايك ؟
هدي : هزت راسها باستحياء بالموافقة .
وليد : طب يالا بقي يا جماعة خلينا نروح كل واحد علي عربيتة وخد مفاتيح العربية وقال لوالد هدي أن هو اللي هيسوق عشان جايب هدية لهدي وهيديهالها ....وكان كل ما حد يجي عشان يركب معاهم يهرج ويقولة مافيش مكان عشان فلان هيركب
وكلة ركب عربيتة ووليد فتح الباب لهدي وقعدها ورجع قلع جاكيت البدلة وعلقة في العربية وركب وقفل العربية ومشي بشويش لحد لما الكل خرج بعربيتة وبقوا عالطريق وبعدها وليد شد شوية وكان من ساعة لما ركبوا يبص لهدي ويغمزلها ويقولها اصبري عليا وقف وليد علي الطريق وقفل نور العربية واتعدل لهدي ومسك ايديها الاتنين وبصلها
وليد : مبروك يا احلي عروسة شافتها عيني
هدي : حبيبي الله يبارك فيك بس بالعكس انت قمر النهاردة اوي
وليد : انا كنت خايف عليكي من عيون الناس والله كانوا هياكلوكي بعينيهم وزاد خوفي لما رقصتي ..
هدي باستغراب :اشمعنا لما رقصت .
وليد : اية الرقص الجامد دة ،انتي تجنني في كل حاجة ، انا مش عايزك ترقصي قدام حد .
وبعد ما خطوبة هدي ووليد خلصت وكلهم روحوا وليد استأذن والد هدي أنهم يخرجوا مع بعض وانة يعزم هدي عالغدا تانى يوم الخطوبة ووافق والد هدي علي طلب وليد ..
صحيت هدي تاني يوم كالعادة علي ازعاج وليد في الشارع وكانت متأكدة أن هو اللي عامل الازعاج دة ،فقامت بصت من البلكونة لقيتة فعلا ، وليد خد بالة أن هدي واقفة في البلكونة شاورلها انها ترد عالموبايل ،
هدي : الوو
وليد : احلي الو بسمعها في الدنيا ، صباح الخير يا احلي عروسة.
هدي : صباح الخير بكسوف.
وليد : اعملي حسابك تكوني جاهزة الساعة ٥ وبلاش تأخير .
هدي : حاضر هبقي جاهزة متقلقش
وليد : تعرفي أن أنا طول الليل واخدك في حضني .
هدي : وانا كمان حلمت بيك امبارح و كنت قريب مني اوي .
وليد : يعني افهم من كدة أن الحلم دة كنتي في حضني .
هدي : امممم بخجل .
وليد : بحبك .
هدي : وانا كمان
وليد : وانتي كمان اية
هدي : احممم بحبك بإحساس ودلع
وليد : اوووووف بولع من صوتك ودلعك ونعومتك وبموت لما تبقي قدامي ونفسي اتجوزك بجد .
هدي : وانا كمان وابقي ساعتها مدام هدي
وليد : مين قالك كدة انتي هيبقي اسمك مدام وليد ..
هدي : لية بقي هو اسمي وحش ومش عاجبك
وليد : بالعكس دة اجمل اسم سمعتة ،بس معلش انا اللي هتجوزك وطبيعي تبقي مدام وليد..
هدي : ما انا كمان هتجوزك يبقي اسمي مدام هدي ..
وليد : ههههههههههه طب لما نتقابل هبقي افهمك لحسن الموضوع شكلة كبير ومحتاج قاعدة وكدة هنتأخر ..
قفل وليد مع هدي وهو مجنون بيها وأنها عندها القدرة انها تخلية يضحك من قلبة بجد ويحس بحلاوة الحب .
جت الساعه ٤ وهدي ووليد بدأوا يجهزوا وكل واحد فيهم لبس الطقم اللي محضرة .
هدي لبست فستانها الجميل وسيبت شعرها الطويل وميك اب وبرفان و بقيت اخر جمال ..
ووليد كمان لبس الطقم بتاعة وغرق نفسة بالبرفيوم المميز بية .،
وبقيت الساعة ٥ الا خمسة وليد اتصل بهدي .
وليد : اوعي تقولي مخلصتيش .
هدي : ههههه لالا خلصت وجاهزة .
وليد : طب يالا انزلي انا واقف مستنيكي وفاتح باب العربية عشان انول الشرف واحلي برنسيسة تركب معايا ، يالاااا
هدي : ههههه حاضر هنزل صعبت عليا
وليد : ااااة والله دانا صعبان علي نفسي انا كمان .
هدي : طب معلش
وليد : انتي لسة هتقوليلي معلش يالا انزلي عشان شكلي بقي وحش في الشارع بسببك والجيران شكلهم هيطلعوا لابويا يقولولة خد ابنك وامشي من الشارع دة والمنطقة كلها ..
هدي : ههههههههههه حاضر مجنون ..باي
هدي سلمت علي مامتها وهي نازلة وكأي ام قالتلها..
والدة : خدي بالك من نفسك يا هدي وخليكي عاقلة وراسية وكلامك يبقي بحدود متخلهوش يحس انك عيلة ، واوعي يقرب منك ،الراجل يا هدي بيحب البنت التقيلة مبيحبش الخفيفة وخليكي واعية لتصرفاتك ..
هدي : حاضر حاضر يا ماما ، يالا بقا عشان وليد عمال يرن بيستعجلني وكدة هيتخنق عليا باي باي.
مامت هدى باستغراب ،،:: يتخنق عليكي من اولها هو انا بقولك ايه وانتي بتقولي اية ولا كأني اتكلمت مع السلامة ..
وليد كان قاعد في العربية واضايق لما هدي اتاخرت واول لما لمحها نازلة قام فتح باب العربية
هدي : سوري والله ماما اللي اخرتني كانت بتديني الوصايا العشر.
وليد : ههههههههههه الوصايا العشر طب اركبي.
هدي عملت باي باي لمامتها وطنط سهير والدة محمود اللي كانوا واقفين في البلكونات بيكلموا بعض ولما اتحرك وليد بالعربية طلع ايدة من الشباك وشاورلهم هما كمان
وليد : هي ماما بتديكي الوصايا العشر لية هي عارفة أن انا هتجوزك النهاردة هههههههههههه
هدي : بس بقا انا زعلانة منك عشان غلست عليا
وليد : بصلها وابتسم وقالها حقك عليا متزعليش بس تعالي هنا.
هدي : في اية!!؟
وليد : اية الجمال والشياكة دي قمررر وريحة البرفان بتجنني كل لما اقرب منك واشمها..
هدي : بجدد عجبتك
وليد : اوووي ومسك أيدها وباسها
هدي : ابتسامة احراج
هدي : هو احنا هنروح فين
وليد : بتسألي لية مش واثقة فيا ولا مش واثقة في ذوقي..
هدي : لالالا خالص بس فضول
وليد : طب تعالي حطي راسك علي كتفي وعشر دقايق ونوصل متقلقيش
هدي : بس كدة ممكن متعرفش تسوق
وليد : مين ضحك عليكي وقالك كدة متقلقيش تعالي بقا عشان خاطري .
هدي قربت وحطت راسها علي كتف وليد ، ووليد مال براسة شوية وباسها مرتين من شعرها ..
هدي : ريحة برفانك حلوة اوى بحبه ، بفضل شماها حتي وانا نايمة .
وليد : انا بحبك اووي يا هدي ورفع دراعة وحطة علي كتف هدي ونفسي الست شهور دوول يعدوا باي شكل نفسي اخدك في حضني ومش هسيبك تقومي منة ابدا ، ومشى بصواعبة علي شفايفها ..
هدي : مسكت ايدة برقة ورفعت راسها حاجة بسيطة وبصتلة وقالتة تفتكر هنلحق نخلص كل حاجة في الست شهور دول .
وليد : ولو مافيش حاجة خلصت هتجوزك يعني هتجوزك ..
هدي : هههههههههههه بصوت عالي
وليد : شال دراعة وبصلها بتضحكي والله ما هأخر يوم عن الست شهور وهما حرين بقا. ،،، انا اصلا كنت عايز كتب كتاب معرفش عمي لية صمم تبقي خطوبة ست شهور انا حاسس ان دة عقاب منة ليا عشان كنت معترض ..
هدي : ههههههههههه وبعدين معاك انت مجنون بجد
وليد : مجنون بيكي وبجمالك اللي مش قادر استحملة ولا الفستان دة كمان .
هدي : انت عارف ان ماهيتاب هي اللي جابتهولي ..
وليد : بجددد بس روعة عليكي والشوز كمان تحفففة بالانسيال بتاعة ..
هدي : اية دة اية دة لحقت خدت بالك من كل دة
وليد : طبعا انا باكلك بعيني اول لما تبقي قدامي واقولك علي حاجة كمان انا بحب النوع دة اووي من الشوزات الحريمي اول لما لاقيتك بتلبسيها بيني وبين نفسي قولت حتي في أبسط الحاجات متفقين تخيلي.
هدي : معقولة بتاخد بالك وبتهتم للدرجادي.
وليد : بصي يا حبيبي مافيش راجل في الدنيا مبيحبش يشوف حبيبتة أو خطيبتة أو مراتة مهتمة بنفسها ويبقي جسمها حلو اوي كدة زي موزتي ، انتي معايا ؟
هدي : معاك طبعا وانا كمان كنت بدايق لما كنت بشوف واحد ماشي مع واحدة ايا كانت مين بالنسبالة تبقي هي ماشية جنبة شكلها حلو وهو مش مهتم خالص ومكشر..
وليد : مش مهتم ومكشر غلطان هههههههههههههه،، بصي بقا انا قدامك اهو شوفي عايزة تغيري فيا اية وانا تحت امرك ، أما انتي انا هعملك اتيلية باسمك عشان تعلمي البنات الشياكة واهو نكسب فيهم ثواب اية رايك ؟
هدي : شالت راسها من علي كتف وليد وقالتلة وانت بقي عايز البنات شيك لية وتكسب ثواب فيهم لية بقى.
وليد : فرح اوووووي بغيرة هدي وبصلها قالها شيلتي راسك لية تعالي قربي ومتزعليش يولعوا كلهم ومش عايز الثواب دة ، تعالي بقي وحطي راسك تاني علي كتفي ..
هدي : بدلع أيوة كدة صحح كلامك وحطت راسها علي كتف وليد
_________________
وليد كان جدع وكان بيحب هدى فعلا من قلبة ،خلينا نشوف قصتهم وتطوراتها
