الحلقة السابعة من رواية غرام فتاة
قفلت هدي التليفون مع وليد وطلعت علي سريرها عشان تنام وتفكر في فية وفي يومها واللي حصل لحد لما ناااامت نوم عميق اووي محستش باي صوت حواليها خالص لدرجة أنها نامت ١٢ ساعة متواصلة وجت مامتها تصحيها ..
والدة هدي : يا هدي كل دة نوم قومي خلينا نشوف هنعمل ايه ..
هدي بكسل: حاضر يا ماما هي الساعة كام
والدة هدي: داخلين عالضهر يالا قومي افطري عشان ننزل .
هدي : انا نمت كتير اوي حاضر هقوم .
قامت هدي بصت علي عربية وليد مكنتش موجودة وبصت عالموبايل لقيت وليد متصل ٤ مرات وباعت مسدج بيقوللها "صباح الورد عالحلوين ، لما تصحي كلميني "
فرحت اوي بالمسدج ومنفعش تكلمة عشان مامتها بس بعتتلة مسدج " صباح الخير انا لسة صاحية حالا متخيل ونازلة انا وماما كمان شوية "
وليد استلم المسدج ورد عليها " خلاص خليكي براحتك بس ابقي ابعتي مسدج طمنيني عليكي ولما تعرفي تتكلمي كلميني "
هدي ومامتها فطروا ونزلوا راحوا الاتيلية اللي بيجيبة فساتينهم من عندة وهما قاعدين مدام شاهيناز صاحبة الاتيلية جابت الكاتلوجات عشان هدي تختار وكانت بتحسب أن هدي هتختار فستان تحضر بية مناسبة ،ولما عرفت أن دة فستان خطوبتها غيرت الكتالوجات وجابت كتالوج للفساتين اللبناني وقالتلها ..
مدام شاهيناز : بصي يا قمر الكتالوج دة بطلعة للعرايس بس لناس معينة وانتي منهم عشان كدة اقعدي واختاري زي ما انتي عاوزة وممكن كمان تختاري من كل فستان حاجة ونجمعهم في فستان واحد وانا هساعدك ..
هدي : بجد الله حلو اوي انا هقعد براحتي بقي بس هتعبك معايا .
شاهيناز : براااااحتك عالاخر واختاري بدقة الفستان دة هيفضل ذكري جميلة عندك .
مامت هدي : ميرسي يا شاهيناز هدي بردة زي اختك الصغيرة وانتي ذوقك حلو خليكي معاها وساعديها وعايزة حاجة تبقي مظبوطة عليها كدة .
شاهيناز : حاضر من عنيا طبعا قولولي هتعملوا الفرح فين ؟
هدي :كنا هنعملوا فالفور سيزون وبعد كدة اختارنا الشيراتون
شاهيناز : واوووو لالا داحنا كدة نركز في الفستان اوي ههههههههه .
قعدت هدي ومامتها وشاهيناز يختاروا من كل فستان تفصيلة وهدي ماسبتش ولو حتة صغيرة من غير ما تبص قعدوا حوالي ٤ ساعات وشاهيناز خدت المقاسات
شاهيناز : الفرح امتة
هدي : كمان ١٢ يوم
شاهيناز : اية دة وقت قليل اوي بس متقلقيش انا هخلي البنات يقعدوا علية لحد لما يخلصوة واسلمهولك كمان عشر ايام .
مامت هدي وهدي : ميرسي جدا يا شاهيناز عشان كدة جينالك انتي المنقذ .
مشيت هدي وهي مش مصدقة انها اختارت فستانها ونفسها يطلع حلو زي ما هي تخيلتة واختارت الشوز كمان والكوافير واختارت بردة تسريحة الشعر عشان تمشي مع الفستان وعملت Test للميك اب والدنيا مشيت معاها حلو اوي ماشاءالله.
روحت هدي ومامتها هلكانين وبقالهم علي الحال دة اكتر من ٥ ايام بيلفوا ويختاروا لحد لما خلصوا كل حاجة مش ناقص غير أنها تستلم الفستان.
جرس الباب بيرن مامت هدي راحت تفتح
مامت هدي : وليد ازيك تعالي اتفضل
وليد : معلش بس كنت عايز عمي أو هشام وقولت مينفعش اكلمهم في التليفون فلو حد موجود اكلمة .
مامت هدي : اة عمو موجود تعالي اتفضل هندهولك .
دخل وليد وهو عمال يبص يدور علي هدي لكن هدي محستش بجرس الباب عشان كانت بتكلم ندي صاحبتها وتحكيلها اخر حاجة عملتها وأنها كدة هتتخطب قبل فرح ندي بيومين
والد هدي: اهلا وسهلا يا وليد عامل اية ؟
وليد : الحمدلله تمام معلش مش هطول علي حضرتك بس كنت بستأذنك في حاجة كدة معلش .
والد هدي: اتفضل يابني براحتك
وليد : انا بعد اذنك متكفل بكل حاجة خاصة بهدي في الخطوبة .
والد هدي: باستغراب مش فاهم يابني وضح .
وليد : يعني الفستان والكوافير وكدا يعني اي حاجة خاصة بكدة انا ملزم بيها وبعد اذنك انا هدي الظرف لهدي أو مامتها لو مافيهاش اخراج .
والد هدي: ينفع يا وليد تبقي اختك عندك وانت وابوك موجودين ويجي خطيبها يقولكوا انا هصرف علي بنتكوا .
وليد : لالا يا عمي والله انا مقصدتش كدة بس بس ....
والد هدي: سيبني افرح ببنتي ومتخافش انا مديها ميزانية مفتوحة هههه ومتستعجلش علي الالتزامات التقيل جاي هههههههه وربنا يتمم على خير ان شاء الله.
وليد : والله يا عمي مش عارف اقول لحضرتك اية بس اللي حضرتك شايفة ..استأذن انا عشان الحق اشوف ورايا اية ..
ومشي وليد وهو محرج جدا وانة معجب لوالد هدي علي دبلوماسيتة في الكلام وانة بيوصل للعايزة من غير ما يحسس اللي قدامة أنة مدب
عدت ايام وليالي وهدي ووليد بقوا مشغولين جدا كل ما يقرب الفرح وكلامهم بقي للضرورة .
وجة اليوم اللي هدي هتستلم فية الفستان وكهدية من صاحبة الاتيلية جت بنفسها ومعاها بنات الاتيلية يسلموا هدي الفستان ويعملوا شو من الزغاريط
🥰🥰🥰🥰🥰🥰🥰🥰
شايفين الدنيا هنا سهلة ازاى فالحب والخطوبة 😂😂😂😂😂 مكنوش بيضيعوا وقت .
