الحلقة (١٥) من رواية غرام فتاة
بقلمى/ حنين الماضى 👇
_________
خلصوا الست شهور اخيرا وهي فترة خطوبة وليد وهدي فترة قصيرة لكن علي وليد وهدي كانت طويلة اوي..
وخلاص بكرة الحنة وهدي ووليد قدموا علي إجازة من شغلهم.
وليد وهدي قرروا شوية حاجات:
* إن الحنة هتبقي في البيت وكل واحد لوحدة ، يعني العروسة في بيت اهلها وتبقي الحنة بنات بس وان وليد ميشوفهاش يوم الحنة خالص.
أما وليد مكنش بالنسبالة حنة بمعني الكلمة اد ما هي قاعدة حلوة مع اصحابة في البيت لتوديع العزوبية .
أما بالنسبة للفرح ، قرروا أنهم بعد الفرح يرجعوا علي بيتهم مع اهاليهم ووسط اصحابهم اللي هيوصلوهم لحد البيت باحلي زفة عربيات..
نيجي بقي لشهر العسل وكانت هدي بتحلم تقضية في تايلاند وفعلا وليد حقق أمنية هدي وهيسافروا بعد الفرح بيومين ..
خلاص كدة كل حاجة جاهزة الحمدلله وجة وقت الحنة وهدي لبست فستان يبين أنوثتها ورسمت حنة وكان في الست تمارا وفرقتها وطبعا عارفين الناس السودانية دي احسن ناس( ساعتها ) تعمل حنة والبنات اللي كانوا معاها كانوا كل شوية ياخدوا هدي تلبس طقم وترقص علي اغنية معينة
اشتغلت الاغاني ومن الاطقم اللي هدي لبستها زي هندي ورقصت هندي واللي شجعها فرقة تمارا والبنات أصحابها وقرايبها ووقفوا كلهم صف ورقصوا ورا الفرقة والعروسة .،،،وفضلت هدي تبدل كل شوية ومبطلتش رقص طول الحنة ولبست طقم تاني وشالت الشمعدان علي راسها ورقصت بية والكل مبسوط وفرحان والزغاريط غرقت الشارع وفضلت الحنة حوالي ٥ساعات، وهنا بقي كانت مفاجأة حلوة ،اصحاب وليد جابوا فرقة بالجلباب والمزمار والدرامز وكانت دي هدية وليد من اصحابة الفرقة فضلت تعزف في مدخل العمارة لدرجة أن الشارع اتلم وهدي هتتجنن وتشوف اية اللي بيحصل في الشارع لكن وليد كان منبة عليها متخرجش خالص ولا تبان في اليوم دة فبقوا يصوروا بالموبايل ويجوا يوروها وطلعت الفرقة دى قدام شقة العروسين وقعدت تعزف وبقي أصحاب وليد من البلكونة يض ربوا شم اريخ في السما ، وكل الناس اللي عند هدي خرجوا يتفرجواوالناس كانوا مبسوطين وفرحانبن جدا ، وهدي طبعا وأهلها طايرين من الفرحة ..
وطبعا اللي كانت بتصور هدي طول الحنة بنت وجاية مخصوص للخصوصية في الافراح اللي من النوع دة..
جت الساعه ١١والحنة خلصت علي خير وهدي كانت مهدودة من الرقص ، غيرت هدومها واعدت علي سريرها تبص علي كل حاجة في اوضتها لدرجة أنها حسيت انها مش هتعرف تنام علي سرير تاني غير سريرها وبقت تقول لمامتها
هدي: انا شكلي كدة كل يوم بالليل هنزل انام في سريري.
مامت هدي: ههههههههههه كلنا كنا زيك بنقول كدة في الاول وبعد لما اتجوزنا مبقناش نعرف ننام غير في بيوتنا وعلي سريرنا
هدي : بس اقولك على حاجه يا ماما ومتضحكيش عليا..
مامت هدي: لا مش هضحك عليكي قولي.
هدي: انا بحب وليد وفرحانة بية جدا وبقعد اقول هعمل وهعمل بس لما جيت للجد بقيت مكسوفة منة اوي.
مامت هدي: بكرة كتب الكتاب في الفرح ولما هتلاقي الماذون خلص والناس بتباركلك علي جوازك شعور تلقائي هيتغير وهتحسي انك عايزة تروحي بيتك بسرعة.
وفي اللحظة دي وليد اتصل بهدي..ومامت هدي قامت وقفلت الباب عليها
وليد : العروسة وكمان مرة العروسة
هدي : ههههههههههه والعريس وكمان مرة العريس
وليد : كلها بكرة وزي دلوقتي هتبقي في حضني وبتاعتي ملكي لوحدي ، بكرة هتبقي مدام وليد
هدي : اااااااااااااااا
وليد: اية اتكلمي متتكسفيش
هدي : بص احنا بكرة بعد الفرح نستحمل بعض شوية يعني خلينا زي ما احنا كدة لحد شهر العسل ما يخلص عشان ابقي جاهزة، بليييز يا وليد.
وليد : نعممم بلييز يا وليد اية !! لالا انا هطلع حالا لعمي واقولة تعالي شوف بنتك بتقوللي اية عشان اتجننت وهو يتصرف معاكي
هدي : مش انت مش بتحب تعمل حاجة غصب عني ، خلاص سيبني براحتي
وليد : ممم خلاص موافق وعشان اديكي حريتك اكتر انا هنام في الاوضة التانية لحد لما تهدي ، اية رايك؟
هدي : نعمممم انت ما صدقت كمان هنام لوحدي
وليد : وانتي هتعوزي مني اية بقي ماانتي هتنامي لوحدك اهو دلوقتي فرقت اية وانا خلاص مصمم وهبقي اطلع الموبايل اتفرج علي فيلم لحد لما انام ..
هدي: وليد انا مش عايزاك تعمل حاجة من اللي انا قولتها انا بس عايزاك بس مكسوفة..
وليد : تتكسفي من جوزك واللي ربنا محللة
هدي : ربنا محللة ،،،كبيرة اوي الكلمة دي.
وليد : طبعا ، عشان كدة ربنا بيغضب علي الست اللي متطعيش جوزها ولا تراعية في النقطة دي ولا تسيبة لوحدة تانية تاخدة منها وتراضية بمعرفتها
هدي : لالا خلاص هو انت بتتلكك
وليد : وحشتيني وامي بتقوللي كنتي قمر النهاردة ولما السي دي يطلع هنتفرج علية سوا اشوف القشطة بالعسل بتاعي.....
هدي : انا لبست كل الاطقم اللي ممكن تتخيلها بس كانت حلوة اوي..
وليد : طبعا مدام عليكي ولمستك تبقي اكيد حلوة
هدي : بحبك
وليد : وانا بموووت فيكي ..
خلصت المكالمة والعروسين مش عارفين يناموا ، هدي كانت حاسة بوليد في البلكونة تحت وكل شوية يفتح البلكونة ويقفلها وهي كمان قعدت تتقلب عالسرير من التوتر والقلق. ، لحد لما راحت في النوم .
صحيت هدي بردة عالشمس في عينيها ، بس المرة دي صحيت بتضحك للشمس وكلمتها وقالتلها ،،
"يا شمس يا حلوة اخر يوم هتصحيني فية النهاردة عشان الليلة فرحي واوضتي فوق انتي مش بتيجي عالسرير انتي بتيجي في البلكونة بتاعت الاوضة ، بس انا هطلعلك البلكونة وأصبح عليكي بس اوعي شكلك يتغير "
هدي نزلت هى ومامتها وندا وقابلتهم ريم بنت خالها وراحوا الكوافير مع بعض..
ووليد صحي بردة بعد عذاب عشان ينام وقام فطر وجهز نفسة وحاجتة وعدوا علية اصحابة وراحوا حاجة كدة زي بيوتي سنتر بس رجالي
وخلاص عدا الوقت وبقت الساعة ٦ والمفروض هدي خلصت عشان العريس هيعدي عليها وياخدها
وجت اللحظة وعربية العريس وصلت وكانت نفس الفرقة اللي بجلباب جت في الحنة وكانت عجباة جت تاني معاة وهو جاي ياخد عروستة ودخلت الفرقة دى الكوافير وقعدوا يغنوا ويطبلوا وكل العرايس والعرسان اللي كانت خارجة في الوقت دة اتجمعوا قدام الكوافير وعملوا رقصة حلوة اوى مع الفرقة وكل عريس وعروسة معاهم قرايبهم زغاريط والشارع وقف ساعتها نص ساعة
ركبوا طبعا عربيتهم وراحوا الباخرة اللى كانوا متفقين يعملوا فرحهم فيها ( فالزمالك ) لكن نزلوا بعيد شوية عن الباخرة كان فية حنطور مزين بالورود ، كان شكلة حلو اوي وطبعا العربيات وراهم وزغاريط وفرقة الجلباب الصعيدي ماشية حوالين الحنطور بالمزمار
بعيد عن الرواية منطقة الزمالك مشهورة بالحناطير وساعتها لما العروسين ركبوا الحنطور المزين بتاعهم باقي البنات اللي في العربيات والقرايب في منهم اللي نزل ركن عربيتة وخد حنطور عادي ومشي وراهم وبقي حنطور العروسين قدام وحوالية الفرقة ووراهم خمس حناطير شغالين زغاريط وتسقيف لحد لما وصلوا الباخرة وهنا فرقة الجلباب الصعيدي الممتعة مشيت ،،
دخلوا العروسين وسط مشاية مزينة بالورود والانوار وجت الزفة زفتهم والاهل والاصدقاء رقصوا ،،،أما العروسين رقصوا علي قلبي دليلي وبعد كدة دخلوا المعازيم للباخرة ووراهم العروسين وسط الليزر والدخان لحد لما وصلوا للكوشة وقبل اي حاجة في الفرح جة وقت كتب الكتاب وقعد الماذون يهرج معاهم شوية نيجي بقي عند كلام الماذون اللي بيقولة لوليد عشان يقول وراة،،، اللحظة دي وليد مكنش مصدق وكان في عالم تاني لحد لما خلص وهدي كمان وهي بتقولة في الاخر وانا قابلت والمنديل اتشال وخدتة مامت وليد والزغاريط اشتغلت وكلة بيبارك ويسلم لكن وليد عدا من الناس بذوق وراح يبارك لهدي عروستة وسلم عليها وباسها من خدها وضمها في حضنة وسط تصفير حاد وزغاريط من المعازيم وبدأت اول رقصة سلو على اتحدى العالم ،وفي اخر الأغنية وليد رفع هدي من علي الأرض ولف بيها وجت البنات قرايب العروسين وحدفوا الورد عليهم وشوية ودخلت شيرين والفرح اتقلب من هزارها وبدأت تغني وترقص معاهم وهنت في الآخر العروسين اللي قالتلهم انا عرفت انكم هتقضوا شهر العسل في تايلاند مش كدة .
وليد رد قالها اة عرفتي منين ، ردت قالتلة من مصادري الخاصة علي العموم الف مبروك وهابي هاني مون واختياركم لتايلاند اختيار سليم مية مية
خلصت فقرة شيرين وجت التورتة في وسط الاستيدج ونقلوا الدبل بعد وليد لما بأس ايد هدي وباس دبلتها اللي في ايدة والبوفية اتفتح وفي نفس المكان اللي كانوا فية ساعة اول مرة جم الباخرة وهما مخطوبين قعدوا فية واتكلموا مع بعض..
وليد : نظرة قوية لهدي وقالها مبروك يا مراتي
هدي : الله يبارك فيك ، وكانت مكسوفة
وليد : اية الجمال دة وآية الشعر دة وهو بيلمس بايدة علي شعرها الفستان روعة عليكي...
هدي : انت كمان شكلك حلو اوي وعجبني وطلعت طرف لسانها بخفة ودخلتة.
وليد : هاكلة النهاردة وكل الجمال دة هيبقي بين ايديا وفي حضني ..
هدي : النهاردة مش هنام في سريري لوحدي هنام وانت جنبي ومعايا ..
وليد : يعني مش هتخافي مني ولا هتبعدي عني.
هدي : انااا عمري ماهعمل كدة بالعكس أنا هقرب وهقرب
وليد : بقولك ايه انا عايز اروح دلوقتي عندنا حاجات مهمة جدا اهم من قعدتنا دي ههههه.
هدي : هتفضل مجنون ههههههههههه
وليد : فاكرة البلكون دة تعالي نقف فية
هدي : طبعا..... يالا
وليد وهدي مسكوا ايد بعض بس طبعا الانوار منورة مش ضلمة اوي زي المرة اللي فاتت وطبعا في ناس مركزة معاهم، المهم وقفوا واتفرجوا علي جمال النيل بالليل واستمتعوا بالهوا بس المرة دي وهما متجوزين
خلص البوفية ورجعوا للفرح وقعدوا يرقصوا لحد لما جت اغنية كلمات واووووو
واحلي رقصة ما بين هدي ووليد لدرجة أن هما نفسهم مش متخيلين أنهم رقصوا عليها بالجمال دة .. بعيد عن الرواية(اكيد وليد مش هينسي الرقصة دي لان هدى قالت ان الاغنية دى محفورة من يومها جواك ) ......نرجع للرواية.....
وهنا الناس طلبت من هدي تغني اي اغنية بس بالعربي زي ماعملت في الخطوبة وغنت وفعلا غنت أما براوة لنجاة على صوت نجاة ووليد شالها وقعد يلف بيها ٣ مرات والقاعة بردة انقلبت زغاريط لولولولي لولولولي لولولولي.
خدوا احلي واجمل الصور وهما مع بعض وخلص الفرح علي هدي وهي بترمي الجيرب للبنات اللي وراها وخدتة منال خطيبة هشام اخوها واللي المفروض يتجوزوا كمان ٣شهور
خلص الفرح والكل خرج يركب عربيتة ووليد فتح باب العربية لهدي وساعدها في لم الفستان وقفل الباب ورجع قعد جنبها ..وروحوا في زفة عربيات كبيرة وكلاكسات العربيات شغالة بس المرة دي وليد مش هو اللي ساق لاة خلي هشام هو اللي يسوق ومنال خطيبتة جنبة ..وفضل وليد طول ما هما مروحين ماسك ايد هدي ويميل عليها ويقولها قربنا للجنة الكلمة اللي وليد عمرة ما هينساها لأنها جنتة فعلا وحب عمرة بين ايدية وفضلوا هيمانين وغرقانين في حبهم والنار في قلبهم عمالة تزيد كل لما يقربوا من البيت لحد لما وصلوا العمارة واشتغلت اغنية كلمات تاني وكل اللي في العربيات سخنوا علي الاغنية لما شافوا هدي ووليد بيرقصوا عليها في الفرح وكل المخطوبين والمتجوزين رقصوا في الشارع مع اجمل عروسين وارق واصدق حب حصل في قصص الحب والغرام...
________________
الحلقة دى كنت بضغط على وليد فيها 😁 واحرجنى 🙈 نكمل ونشوف
