Again and Again

Ikalawang Kabanata

NAGISING si Jilian sa tawag mula sa kaibigang si Justine. Tinignan niya ang oras at alas nueve na pala ng umaga. Napuyat kasi sila ni Katniss dahil madaling araw na rin sila nakauwi galling sa club. Gentlemen naman lahat ng kasama nila kaya sinigurado ng mga ito na makakauwi sila ng ligtas. Sinagot niya ang tawag ni Justine dahil baka urgent ito. "Hello? Bakit?"

"Busy ba kayo ngayon? Nilalambing ako nina Ralph, i-tour naman daw natin sila dito sa Baguio. Sama kayo total Saturday naman ngayon tapos cutie naman akong friend sa inyo. Dali na!" sabi nito. Nagtataka talaga siya kung bakit hindi nauubusan ng energy ang kaibigan niyang si Justine.

"Pass ako, inaantok pa ako." Giit niya sa kaibigan.

"Jilian naman! Sige na, please. Cutie ka na rin 'pag pumayag ka." Pamimilit ni Justine.

"Anong oras na tayo naka-uwi kaninang madaling araw. Patulugin mo muna ako nang mahimbing."

"Ililibre kita, promise. Tara na, the more, the merrier kasi. Saka sabi rin nila Ralph, ayain kaya, parang Part 2 raw ng kwentuhan kagabi." Pangungulit ng kaibigan.

"Ayaw ko talaga, inaantok pa ako." Reklamo niya sa kaibigan.

"Sige na kasi, please naman, ngayon lang naman ako nagre-request e."

"Ngayon lang? Sigurado ka?" natatawang tanong niya sa kaibigan.

"Basta kasi, tara na." pagmamaktol ng kaibigan sa kabilang linya.

"Saglit lang naman, kagigising ko pa lang. Saan ba tayo pupunta kung sakali?"

"Sa may Burnham Park sana. Bilisan niyo na, nakaligo na ako. Susunduin kami dito sa apartment nina Ralph tapos doon na kami didiretso. Sumunod na lang kayo, natawagan naman na nina Jake sila Mica, naggagayak na 'yon, magsabay-sabay na lang kayo tutal magkapit bahay naman kayo." Mabilis na sabi ni Justine.

"Sandali lang ha. Lutang pa utak ko. Saka tulog pa si Katniss, alam mo naman na ayaw na ayaw no'n yung ginigising." alma niya sa kaibigan.

"Ako na ang gigising kay Katniss, 'di naman niya ako masisipa e." wika ng kaibigan sabay tawa.

"Bahala ka nga."

"Hoy, sumama na kasi kayo, bilisan mo na." pangungulit ni Justine.

"Oo na, sandali, maliligo na ako. Bwiset ka talaga." Sabi niya sa kaibigan saka bumangon na sa kama. "Basta ikaw na ang bahalang gumising kay Katniss, tawagan mo na at alam mo naman na mas mabagal pa sa pagong ang galaw no'n sa umaga."

"Of course. Bye! See you later!"nagpaalam na ang kaibigan.

Kinuha na ni Jilian ang kanyang towel at tumungo na sa CR ng kanilang apartment. Maliit lang ang apartment nila, pangdalawang tao ito at may common CR. Mura na rin and bayad dito saka malapit sa school niya. Jilian is studying Fine Arts, she's already in her fourth year kaya very critical na lahat ng galaw niya. Iisa lang naman ang goal ni Jilian, ang maging mayaman. Hindi naman kasi ito lumaki sa maginahawang buhay, hindi din naman sila mahirap na tipong isang kahig, isang tuka. Pero basta ang gusto niya ay maging mayaman.

Nang makayari siyang maligo, naabutan niya si Katniss na nagkakape sa maliit na sala ng kanilang apartment. "Good morning! Maligo ka na at hindi na naman tayo tatantanan ng tawag ni Justine." Bati niya sa kaibigan.

"Good morning! Ubusin ko lang 'to then ligo na ako." Sabay simsim sa kape. "Bakit naman kasi napaka-aga manggising ng panget na 'yon? Nananaginip pa lang ako e." reklamo ng kaibigan.

"Hayaan mo na, gala raw oh, ayaw mo pa ba?" nakangiting tanong niya sa kaibigan. "Ikaw 'tong lagi akong inaaya na maggala. Ito oh, libre na."

"'Yon na nga, 'pag kay Justine, go ka kaagad." ngumuso si Katniss "pero kapag ako..."