شاهينة نذر الحوافي

البارت 51

نزلت راسي وحطيت ايدي ورا ظهري بزعل ما أگدر اجاوبه

جلال : خييير شو سكتتي ، سوولفي يلا

رفعت عيوني لعيونه وحولتها لغير اتجاه ماأگدر اباوع
بيهن احسه يقرأ عيوني والبيهن

شاهينة بصوت ناصي : ماأگدر

عافني وطلع شمرت نفسي ع قنفة بذنب ودموعي ترست وجهي
شكللللك جلاللل وشلووون اكلللك ؟!

حسيت بنفسي انرفع من مكاني ، فتحت عيوني بثگل
حضنته من ركبته ورجعت غمضت

جلال : اذا كعدتي كومي أكلي ورجعي نامي

.. ادري هي تشيلني لو تذلني وخرت راسي منه

شاهينة : نزلني لعد

.. مكال لا وعافني عدلت وكفتي ورحت للمطبخ اكل
بعصبية صار ظله كبالي رفعت عيوني ، حط العلاج ع ميز وراح
حتى مالحگت ارد ، تنفست بعمق وشربت العلاج
رحت للغرفة ماهتم بقت عينه بفونه ..

ردت اعتذر بس كبريائي ما سمحلي بطلت
مددت وشمرت المخاد عليه لزمها بسرعة وتنفس بغضب وهو يستغفر

جريت الغطا منه ذبه كله عليه صدك نرفزني
تغطيت ونمت كل عقلي الصبح نكعدد وهو ياخذني الاهلي

.. كعدت جلال ماكو اصلاً ، شوووكت طلع ؟
باوعت للساعة بعد وكت

استغفرت دكيت عليه مايرد ومشى روتيني ، طلعت للحديقة وبيدي
كوب الجاي فزيت من سمعت صوت فراس

شاهينة : اوووف خرعتني
ابتسم : سمعتي شكلت

شاهينة : من الهبطة نسيت
فراس : راح اروح البغداد وي جيهان ع مود دوامها وجلال
كال انُ انتِ هم ترحين ويانا

رفعت حاجبي : جلال كال !
فراس : ايي ، صدك عمي دائماً يسأل مشتاقلج

ابتسمت مستهزأة : اووي بابا كلبي ، تمام فراس بطلت اروح
عود وصل سلامي وكله من تجيب رقم وتسوي حساب جديد تحجي وياكم

فراس مستغرب : بس شاهينة انتِ عندج فون يعني مانكسر ليش تجذبين ومن الاصل ليش متحجين وي ابوج حتى لو من فوني

شاهينة : انتَ هيج كله وبس

.. هز راسه وراح كلبت كوب الجاي ع ثيل وطبيت
تعاجزت اغسل الكوب ذبيته بالزبالة

حطيت اصابع ايدي ع شفايفي بتفكير واخذت فوني
خابرت شاهين

شاهينة : صباح النور
شاهين : صباح الخير ، شلونج؟
شاهينة : الحمدلله حبيبي ، انتَ ؟
شاهين : الحمدلله ، ايي ذاكرتني
شاهينة : مو كلت انتَ تروح البغداد وتوصل جيهان حتى
تستغل الفرصة وتقضون يومكم سوا ؟

شاهين : ايي صح
شاهينة : سمعت فراس ياخذها
شاهين : شوكت هالحكي؟ ، دقيقة احجي وي الحاج محمد
واخذ اذن وارجعلك