شاهينة نذر الحوافي

البارت 51

فتحه ع كيف شوية برد ورجع نفس الوجع

شاهينة : ماي البارد الماي مافاد بس هوو
جلال : تمام اهدي يَروحي

.. جاب ماي بارد حطيت رجلي وايدي نوب العصب گام يوجعني
من البرودة مال الماي ..ضربت كف ايدي بركبتي

شاهينة : لك يموت احطها بالماي يخف بس العصب
يأذي من البرودة اشيلها يمووتني
جلال : اشش ..

جاب كلينس وحطه بالماي وحطها ع حرك بهدوء
بدا يخف الوجع بالتدريج ..

فتحت عيوني شوكت نمت اني ما أتذكر گمت ع كيف
حتى لا يوجعني
باوعت للساعة ب6 المغرب شفت فوني ع ميز اخذته
صديقتي مراسلتني تسأل عليه بعد الصار ..

رجعت اتذكر من سمعت كلامهن

ساعتها خفت؟ .. لا ابد ولا تفاجئت ابوية مجان ضم
شاهين وتبرا منه لو ما يذكره بغلطه ، بس ضحكت ع هالعائلة
كلهم حقراء من بابا الاخوته الولد اخوته شلون عدهم عرض الغير
هيج رخيص وإذا واحد مس عرضهم صاروا نار ؟!

حطيت الادوات ع صفحة وكتفت ايدي واردفت برود

شاهينة : عماتي ع اقل غيرن مكانجن من تشيلن ذنب
احد او تحجن بيه ماكووو هيج شي جااان استحيتوا من مجلس
الزهراء "عليها السلام" بعدنا مكافين فد مررة !

.. خرطت خدودها سهاد
سهاد : شسمعتي ولج مو هيج
شاهينة : اللازم اسمعه ، هي مبين تحجن بأهلي مهما كان
ما أسمحلج تجيبين سيررة اهلي ع لسانجن ابوكم تبرا من ابوي اذاً
مالكم حقق تدخلون بأيي شي يخصه خووش .. اشرت البرا ..
هاي عدة التنظيف نظفن للزهراء بلكي تخف ذنوبكم وياها
نيابة عن اهلجن ماشاء لله كلكم حرام وحقد ع اقلها تنظف كلوبكم
بعمل خير

..
عفتهن وطلعت صدري نار من الوجع
حطيت ايدي على صدري ومشيت نضربت رفعت راسي بسالم
رجعت لورا بخوف ورهبة واني اباوع لعيونه وغيرت طريقي
رحت البيتي

شاهينة : جلال اخذني البابا

عاف اللابتوب وباوعلي بأستغراب : تمام باجر ، هسة الدنيا ليل
شاهينة : فدوووة جلال اخذني البغداد
جلال : تمام مو كتلج ، بس ليش فجأة مو متزاعلين ومن طلبج
مني رفضتي ترحين وكلتي جاي تحجون بالفون

شاهينة : هسة تغير الوووضع واريد اشوفه واحجي ويا
جلال : شالتغير؟ اصلاً ليش قاطعتي وهو يضحك بوجودج؟
يعني هيج ابوج سهل تعوفي؟

شاهينة : جلال لا تحاسبني وتسأل عن شييي ماتعرفه

.. سد اللابتوب بعصبية وشمره
جلال : ايي جاا سولفي خل نعرررف مو بسسس تضمضمين
بالمواااضيع ابددد مناسيي سوالفج من ارتبطنا لليوم و لا وحدة منهن
حتتتى نفورررج الي قبلها الخطبببة وبيووم العرس ورجفتج
ورفضج إلى ان هدئتج يلا قبلتي اتقربلج هااا سوولفي