Lunatic Series 1: WYATT JAMES LACSON

HULING KABANATA

“Overthink malala, gurl. Paano magiging ampon gayong kamukha naman nila ang kani-kanilang ama.” Sikmat pa ni Lany.

“Paano kung iisa lang pala ang ina nila?” Ayaw pa rin talagang magpadaig ni Cassandra.

“Ang pangit ng teorya mo. Hindi sila magkakapatid. Sira. Kulang ka lang sa dilig ni Fafa Travis eh.” Panunudyo nito sa dalaga dahilan para mamula na kayo.

“Tumigil na nga kayo. Para kayong mga sira dyan.” Suway ni Aloha sa mga ito.

“Buti naman nagsalita ka na Aloha. Akala ko magiging estatwa ka na lang dyan.” Pagpupuna ni Lany sa kaibigan.

“Malamang magsasalita ‘yan, Baks, kasi may bibig ‘yan.” Pambabara naman ni Cassandra.

“Oo na lang!” sikmat nito.

Bumuntong-hininga si Aloha saka nagsalita, “Sana maging maayos na si Wyatt.”

“Magiging maayos iyon. Tiwala lang. Magdasal ka rin nang taimtim. Papakinggan ka Niya.” Ngumiti si Lany sa kaibigan. Aloha just nodded.

“Nga pala nailipat si Cleo sa isang mental hospital pero may bantay na pulis sa kaniya araw-araw kahit may mga Nurse na nagbabantay sa bruhilda. May saltik na pala ang utak noon kaya kung ano-ano na lang ang nagagawa. Pero kapag ayos na ang mental health niya, nasa sa inyo daw ang desisyon kung ipapakulong niyo pa siya,” Imporma ni Cassandra.

Si Lany at Cassandra kasi ang pumunta sa kulungan kanina nang ihatid nila si Wyatt sa hospital. Siguradong itinext ang mga ito ni Travis.

“Sana naman maging maayos siya nang sa gayon ay hindi na siya makagawa pa nang makasasakit sa kap’wa niya,” usal na ni Aloha.

“Sana nga,” magkasabay na tugon ng dalawa na kanina ay nagbabangayan.

“Siguro may bukas pa namang fast food chain o canteen malapit dito, bibili muna ako nang makakain natin. Isama ko na rin ang sa dalawa. Siguradong gugutumin iyon,” ani Lany.

“Samahan na kita,” tugon ni Cassandra saka binalingan si Aloha, “Dapat pala umuwi ka muna, Aloha. Buntis ka pa naman. Iba-iba ang naamoy mo rito sa hospital, baka makasama kay, baby.”

“Hindi naman yata,” tugon niya dito.

“Sana nga. Sige alis na kami.”

Tumango na lamang si Aloha kaya umalis na ang dalawa.

Nang makita ni Aloha sina Travis at Alexander naisip niya na baka madali lang ang pagsalin ng dugo kay Wyatt dahil narito na kaagad ang dalawa.

“Ililipat na si Wyatt sa private room. Ayos naman ang pagsalin ng dugo,” kaagad na sabi ni Alexander nang makalapit na ito sa kung nasaan si Aloha. Tumango lamang siya dito.

Si Travis ay hinihimas ang tinurukan ng karayom.

Maya-maya lang ay dumating na sina Lany at Cassandra, bitbit ang kanilang biniling pagkain. Kaya kumain na sila. Habang kumakain sila ay nailipat na si Wyatt sa private room nito. Nang matapos silang kumain ay kaagad na pumasok si Aloha sa room ni Wyatt saka kinausap ang binata kahit hindi naman ito sasagot sa kaniya.

“A-Akala ko mawawala ka na sa ‘kin kanina.” Garalgal ang boses ng dalaga habang sinasabi iyon. “Buti naman at maayos ka na. Maghihintay kami ni baby sa paggising mo. Sasamahan mo pa ako sa pagpapa-check up.”

“Aloha, ihatid na muna kita sa inyo. You need to rest. Masama kay baby ‘yan,” sabi ni Alexander ng makapasok ito sa k’warto.

“Hindi ba ako dito p’wede magpalipas ng gabi?” Sa isip ni Aloha ay napatawa siya dahil kung ano iyong sinabi niya, ganoon din ang sinabi sa kaniya ni Wyatt noong gabing hindi niya ito pinatulog sa bahay niya.