Lunatic Series 1: WYATT JAMES LACSON

KABANATA 31

KINAUMAGAHAN maaliwalas ang mukha na nagising si Aloha. Wala nang sumasagi pa sa kaniyang isipan tungkol sa pagpapakasal ni Wyatt at Cleo dahil malinaw na sa kaniya na tapos na iyon. Hindi na dapat pang-isipin.

Hindi rin pumapasok sa isip niya na may masamang gagawin sa kaniya—sa kanila si Cleo. Hindi naman yata ito ganoon kasama para gumawa nang masama. Pero iyon ay tanging nasa isip niya lang.

Nagmadali siyang bumangon sa kaniyang higaan saka lumabas na sa kaniyang kuwarto, para makapaghilamos at mumug siya. Nang sa ganoon ay makapagluto siya nang kaniyang kakainin sa almusal.

Nang makapagmumug at hilamos na siya, kaagad niya nang inihanda ang natirang kanin kagabi. Saka iyon hinimay-himay para hindi iyon bilog kapag isinangag na niya. Nang matapos siya ay naghiwa na siya ng bawang na gagamitin niya sa pagsisinangag na kaagad namang natapos.

Isinunod niya ang pagsiga ng apoy sa kalan na kaagad namang natapos. Kaya kinuha niya ang malinis na kawali na nakasabit sa sabitan nito. Inilagay niya iyon sa kalan nang marami na ang apoy, para painitin iyon.

Nang mainit na ang kawali ay kaagad na niya iyong binuhusan ng mantika saka hinintay na mainit na iyon. Nang mainit na ang mantika ay inilagay niya na ang bawang. Nang mag-kulay brown na ito ay kaagad niya nang inilagay ang kanin.

Ilang minuto lang ay natapos na siya sa pagsisingag. Kaya ang sinunod niyang ginawa ay kinuha niya ang natirang pritong tilapya na ulam niya kagabi na nasa maliit na refrigerator. Prinito niya itong muli nang sa gayon ay mainit at malutong na itong muli.

Nang matapos ay nagtimpla siya ng kape. Nasasarapan kasi siyang kumain ng sinangag kapag may kape kahit mayroon na siyang ulam. At nagsimula na siyang kumain saka sa pagsimsim ng kaniyang kape.

Nang matapos siya sa pagkain ay nagpahinga siya para pagaanin ang kaniyang tiyan. Busog na busog kasi siya sa rami na nang nakain niya na ipinagtataka niya. Dati naman kaunti lang siya kung kumain.

Umiling-iling na lamang siya. Bakit pa ba siya magtataka kung gayung dapat lang na kumain siya nang marami dahil sa hindi na lang siya ang nagmamay-ari ng katawan niya. May bata na sa sinapupunan niya.

Nang maramdaman niya na parang natunaw na ang kinain niya sa loob ng tiyan niya, tumayo na siya saka humanda na para maligo.

Nang matapos siyang maligo kaagad siyang pumasok sa kaniyang k’warto para mag-bihis na nang sa ganoon ay makapunta na siya sa coffee shop. Na kaagad naman na natapos kaya lumabas na siya sa kaniyang kuwarto. Inilagay niya ang cellphone niya na di-keypad sa bulsa nang suot niyang pantalon, saka naglakad palabas ng bahay niya—niya kasi siya lang naman na ang nakatira dito.

Nang makalabas sa bahay niya ay kaagad niya na itong ini-lock at naglakad papunta sa kalsada para sumakay sa tricycle na kanina pa pala naghihintay. Hindi niya alam kung bakit may naghihintay na sa kaniya doon. Nang tanungin niya ang driver ng tricycle ay may nagbayad na raw dito para sunduin siya. Pati na rin ang ihatid siya pauwi. Si Wyatt kaagad ang pumasok sa isip niya.

Maisip niya palang ang binata ay awtomatiko na kaagad siyang ngumingiti.

Sumakay na lang siya sa loob ng tricycle kaya naman nagsimula nang paandarin ng driver ang tricycle papunta sa destinasiyon niya.

Nang marating nila ang coffee shop ay kaagad na siyang bumaba sa tricycle. Dahil nga sa bayad na ito ay nagpasalamat na lamang siya dito saka naglakad na papasok sa coffee shop na may mumunting tao na kaagad na nagsimsim sa kani-kanilang kape.

’Di na siya magtataka kung may nag-order ng black coffee ngayon dahil maaga pa. Na kung tutuusin ay p’wede namang sa bahay nalang nila. Sabagay, sa dami yata ng mga trabaho nito, kahit ang pagtimpla ng kape para sa sarili ay hindi na nila magawa pa.