ထိုကိစ္စအတွက်ဗျာများနေရသည့်တစ်ချိန်တည်းမှာပဲ လန်ပေါ၏အသံကအရင်ကထက်များစွာပီသလာကြောင်း ပိုင်ချူနျန်ရုတ်တရက်သတိထားမိလိုက်သည်။
"မင်း ကိုယ့်အတိုင်းလိုက်ပြောကြည့်၊ ပိုင် ၊ ချူ ၊ နျန်။"
"bai. . . . . . ." (ပိုင်. . .)
"ပိုင်ချူနျန်။"
"baishu. . . . . . ni. . . . . ." (ပိုင်ရှူ. . . နီ. . .)
"ထားလိုက်တော့ လွယ်တာလေးပြောင်းမယ် ၊ ချူကောလို့ခေါ်။"
"chuchu. . . . . ."
"ချူကော။"
"ချူ. . . ge. . . ကော။"
"တော်တယ် များများလေ့ကျင့်။"
မိနစ်အနည်းငယ်အကြာမှာတော့ လုယန်နှင့် ပိလန်ရှင်းတို့က ရေပန်းရှိရာသို့ရောက်လာကြပြီး သူတို့နှစ်ယောက်နှင့်ပူးပေါင်းလာသည်။ အသီးသီးမိမိလုပ်ဆောင်ရမည့်မစ်ရှင်စာရွက်ကိုဖြန့်ကာ ယှဉ်ကြည့်ကြလျက် တူညီတဲ့မစ်ရှင်ရှိမရှိကြည့်ပြီး ရှိပါကအချိန်သက်သာစေရန် အတူတကွဖြေရှင်းကြဖို့အတွက်ပင်။
လန်ပေါ ၊ လုယန် နှင့် ပိလန်ရှင်းတို့ ပထမလုပ်ဆောင်ရမည့်မစ်ရှင်တည်နေရာက မြို့ရဲ့စာကြည့်တိုက်၌ဖြစ်၏။
ပိုင်ချူနျန် မြေပုံအားနှစ်ချက်ခန့်ကြည့်လိုက်ရာ သူတို့လက်ရှိနေရာကနေ မြို့ရဲ့စာကြည့်တိုက်ကို ကားမောင်းသွားပါက မိနစ်(၂၀)ကြာမည်ဖြစ်သည်။ မစ်ရှင်စာရွက်ထက် သတင်းပေးသူက သတင်းအချက်အလက်တွေကို ထုတ်ပြန်သွားမည်ဖြစ်ကြောင်း ရေးသားထား၏။ သဘောတရားအရတော့ အချိန်သိပ်မကုန်ပေမယ့် တစ်ချိန်တည်းမှာပဲ မြို့တော်စာကြည့်တိုက်အတွင်း ဆေးသေတ္တာတစ်လုံးထားရှိထားသည်ဟုပါ အမှတ်အသားပြထားပေသည်။ သို့ဆိုရာ စာကြည့်တိုက်သည်ကား အနီးနားကအဖွဲ့တွေအကုန်လာပြီးလုကြမယ့် ကုန်လှောင်ရုံကြီးဖြစ်နေတော့ခြင်းပင်။ စာကြည့်တိုက်တွင်းဝင်ချင်ပါက တိုက်ခိုက်ဖို့ကိုလုံးဝရှောင်လွှဲလို့ရမည်မဟုတ် ၊ အကယ်၍ ဆေးသေတ္တာလုမယ့်အဖွဲ့က တစ်ဖွဲ့တည်းသာလျှင်မဟုတ်ပါက သေချာပေါက်အချိန်ဆွဲရာကျသွားမည်ဖြစ်၏။ ဆေးသေတ္တာတွင်းက ပေါက်ကွဲမှုဟန့်တားစေမည့်ကိရိယာအား တခြားအဖွဲ့ကလက်ဦးရယူသွားမည်ဆိုပါကလည်း သူတို့အတွက်အချိန်မလောက်တော့၍တန်းထုတ်ပယ်ခံရမှာ သေချာသလောက်ရှိသည်။
![](https://img.wattpad.com/cover/314233378-288-k273626.jpg)
YOU ARE READING
ရန်ယွီရှန့်လော့ (ဘာသာပြန်)
ActionAuthor - 麟潜 (Lin Qian). Bai Chu Nian x Lan Bo 白楚年×兰波 Original Title - 人鱼陷落 / ရန်ယွီရှန့်လော့ Eng Title - The Fallen Merman / Preference of Poseidon 🧜♂️ ♦️|Myanmar Translation| Source - gongzicp