....منقذ... عفتها وطلعت من الغرفه اركض سريع عالدرج نزلت جوه وصلت للباب مال خروج مال بيت ووگفني وجع قوي صار بصدري
ايد لزمت بيها الحايط وايد افرك بصدري بيها ماتحملت الوجع احس نفسي مخنوگ مااكدر اتنفس وصرت اسعل بقوه (اگح)
حطيت ايدي على حلگي واسعل احس نفسي اختنگت بالگوه اجر النفس وخرت ايدي من حلگي جان اشوفها بيها دم .
..انصدمت شلون اجه هذه الدم بسبب الوجع الي بصدري ماحسيت اكو شي بحلگي وره شويه يله استوعبت الموضوع طالع دم من حلگي ركضت للحمام حتى اشوف شنو هاي..
طبيت اباوع على نفسي بالمرايه لكيت حلگي كله دم ..
...منقذ ...هاي شنو ..؟!! من گحيت طلع دم مني ؟!! شنو القصه وليش صدري هيج يوجعني ؟!!
...منقذ ..اجذب اذا كلت ماخفت .... خفت لان الروح عزيزه صح اني دكتور والمفروض شايف هيج حالات بمجال عملي بس من اكون اني المريض يختلف عن كوني دكتور الشغله بيها دم معناهه الأمر خطير جدا..
...منقذ ..بسرعه بدون مقدمات اخذت البصمه مال سيارتي وطلعت من البيت اسوق وراسي مشوش من التفكير الف فكره اجتي براسي.
وفكره اسوء من فكره وبقه الشك ياكل بيه أكل
..رحت للمستشفى وبقيت بمكتبي صافن ومصدوم من الي شفته وقررت اسوي تحاليل وفحوصات الصبح اروح لدكتور مهدي واتفق وياه لان هوه صديقي واكيد يحافظ على اسراري لان ماريد انطي خبر لاهلي إلا أتأكد اني من شنو أعاني ..
.وفعلا صار الصبح اتصلت بدكتور مهدي وگال رح يجي للمستشفى بقيت انتضره لحد ماوصل ورحتله للمكتب مالته..دكيت الباب وطبيت..
...منقذ ...صباح الخير دكتور ..
..مهدي ...صباح الخيرات تفضل دكتور منقذ ..
...منقذ ...شوف مهدي اني اجيتك اليوم بصفتي مريض وانته دكتوري مو بصفتي صديقك واريد اطلب منك طلب ...
...مهدي ...كول اسمعك خوفتني صاير شي ؟؟
...منقذ ..والله مااعرف إذا اكو شي لو ماكو انته لازم تفهمني اني شبيه ..؟
...مهدي ..تفضل اسمعك..
...منقذ ..اني صارلي فتره احس نفسي موزين عندي اعراض غريبه البياض مال عيوني صاير اصفر ورجلي تورم وبيها انتفاخ...
وعندي وجع بصدري يروح ويجي بس اليوم صار اقوى من كل مره .
. واخر اعراض صارت بيه تجي خنگه بصدري واكح هواي واليوم من گحيت طلع دم من حلگي يعني طلع من معدتي أو من صدري مااعرف اريدك تسويلي فحوصات بس عندي طلب واحد ..
...مهدي ...كول شنو طلبك .
...منقذ ...مهما كان الي بيه من مرض ومهما كان خطير ماريد اي واحد من اهلي يعرف بي ابد وبالخصوص نوار زوجتي اريدك تنطيني وعد ..
أنت تقرأ
رهان مقبوضه
Romanceقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
الحلقه 35ج2
ابدأ من البداية
