مهربي_14 ❤️
مراد : " تاني يوم كانت تمر برحلة الحزن😔 من لما فقت لقيتها تبكي ع السرير😢 للحظه نسيت انها واخده دواء "
_ بسم الله خيرك تبكي نيهان شن فيي😳
نيهان : انت راقد ومسيبني فايقة برووحي😢😟
مراد : اسف اسف.. انتي تبي ترقدي توا ولا انوض معاك اني+
نيهان : نبي نرقد مارقدتش كويس مبارح😭
مراد : باهي تعالي هي
" ركبت جنبها ع السرير ورقدتها على رجلي وقعدت نلعبلها بشعرها لعند خداها النوم وتاكدت من هالشي😴
دوشت ع السريع وطلعت بنجيب ماناكلوو بعد ما لفيت ع الحوش كله وفي بالي مش حاتفيق اقل شي ساعة، واني مشواري ماياخدش نص ساعه.. مشيت لاقرب محل خديت شن نبي بسرعة واني مروح نجري تخطم قدامي بنت صغيره😳 تي من وين طلعتلي النم اهياااه😤. نزلت نجري لقيت روحي مش خابطها لكن هي راكبتها الرعشه وخايفة كلمتها شو قالت انها باعتتها امها جايه بتشري م المحل واني كتعويض ليها خديتلها شن تبي كله ع حسابي المهم نفتك من الشكاوة والجو مش فاضيله هالوجيج كله😡 .
بعد كملت شفت الساعة لقيت روحي فاايت على طلعتي ساعتين😱 طلعت زي المجنون بالسيارة همي كله فييهاا نموت لو يصير فييها شييي😨
وصلت ونزلت نجري فتحت الباب ركبت للدار لقيتها مهناش😳 شفت الحمام مهناش😳 نزلت باقي الديار مهناش😳 تي شن النم فص ملح وداااب ولا شن😤 طلعت برا انادي فيها لعلى وعسى تسمعني لو مزالت قريبه بس مافيش شي😰 قعدت انادي نيهااااان مشيت جيهة الجنان الخلفي وانادي نيهااااان مافيش رد💔
اتكيت ع الحيط وقعدت نخبط ف ايدي عليه ونلوم ف روحي كله مني 😡 كله مني 😡 كيف نخليها بروحها ونطلع😡 شويه هكي ونسمع ف صوت بكي😳
مشيت نجري جيهة الصوت لقيتها في جنان الورد وحاطه ايداها على وجها وتبكي😭 "
مراد : نيهان شن فيي قوليلي خيرك تبكي😰
نيهان : اانت اننت انت ماتحبنيييش😭😭
مراد : غير اسكتي بس ومعاش تبكي وفهميني من قالك مانحبكش😩
نيهان : الوردة😭 لعبت بالوردة تلاته مراات😭 وطلعت ماتحبنيييش😭😭
( ستوب شويه نفهمهالكم.. فيه ورده صفرا ورقها تطلع ف الوقت هدا هيا اسمها العلمي *وردة العُطاس* تشبه البابونج🌼 غير هداكا ابيض.. المهم كنا لما صغار نلعبو بيها ناخدو في الوردة ونسمو اسم حبيبنا ونبدو نقطفو بالورقه يحبني،، مايحبنيش،، اخر ورقه تطلع معناها هيا😅 نلعبوها تلاته مرات لان التالته تابته يقولو😂 يعني انتفو تلاته وردات ياناري😂 )
مراد : لالا اكيده انتي غالطه تعالي نجربو مره تانيه هي❤
نيهان : شن قصدك اني منعرفش نلعب😭ماسد ماتحبنييش ماسد تقولي هكيي😭😭
مراد : اششش خلاص معاش تبكي بس.. قصدي بالك غلطتي ف العد بس هي استني اني نجيبلك تلاته وردات ونجيك نلعبو..
" مشي قطفلها تلاته وردات ووازاهم قصدا فيهم 9 ورقات باش تبدا بيحبني واتم بيحبني❤ "
[ ياحلييلي وين تلقوو زي مرااد ويين😍😍 ]
مراد : هي اهم الوردات العبي مره تانيه تراا😊+
YOU ARE READING
مهربي
Romanceقصة زوز بنات تؤام يهربو من بوهم الي يعدب فيهم و كل وحدة تنفتح علاها حياة جديدة بعيدة عن اختها رواية جريئة منقوووللةةة 🔞🔞
