مهربي

حلقة 9

مهربي_9 ❤️+

نهال : " فاتوو اياام واسابيييع وشهووور مش شهر ولا اثـنين .. 8 شهور بحالهم على اللي صار معاي اني ونيهان منقدرش نقول نسيت او معاش نفكر فيهاا بالعكس كل يوم بنذكرها وندعيلهاا انه ربي يجمعني بيها لأن عندي شعور قوي ف داخلي مخلييني متأكده انها عاايشه وهالشعور تولد لما بديت نحس بروحي نمرض فجأه واني مافيا شي او نحس برووحي قلبي تعبااان وقريب نبكي بدون سبب ! او فرحانه بنطيير حتى هوا بدون سبب !مش يقولو التوأم يحسو ببعض ! تاكدت انه اللي يصير معاي مش من فراغ انه هالمشاعر الملخبطه كلهم هيا تحس بيهم بين فتره وفتره واكيده مشاعري واصلتهاا❤
فات الوقت وعودت نفسي اني نتاقلم مع العائلة اللي فتحولي حوشهم واعتبروني بنتهم واعتبرتهم عيلتي الثانيه❤
فات الوقت واني قاعده نتهرب من ادم ونكون كدابه لو نقوللكم محسيتش بيه يبي يقرب مني بس اني كنت دائما نصد فيه ومش مخليتله مجال انه يكون قريب ولو ب أي شكل م الاشكال خصوصا بعد عرفت انه ضابط 😰شعور خوف رهيب ف دااخلي نحس بيه ونفكر شن حيتصرف لو يعرف قصتي الحقيقيه؟ شن حتكون ردة فعله؟

رغم ان منشوفش فيه ديما واكتشفت انه الاستراحه هادي يجيها بعد كل شهرين او تلاته لما يكمل قضايا معينه ويبي ياخد راحه.. وكنت اني ديما يللي انضفله فيها بس مخليش اي مجال للصدفه انه يصير زي ماصار في اللقاء الاول✋🏻 مستحيل نخليه يتكرر هالشي كان قبل مايجي بيوم يتصل بخويلة يوقضها وكنت نمشي انضفهاله ف نفس اليوم اللي كلمنا فيه باش مايصيرش اي غلط ... زي توااا بالززببط كيف كملت تنظيف ولبست عباتي وبنطلع منها وينفتح البااب😳نلاقيه قداميي بس هالمره مش بررووحه معاه وحده😳 "

نهال : اممم الحمدلله على سلامتك استاد ادم كيف تميتهالك الاستراحه وهذا المفتاح تفضل وخود راحتك نستأذن😊

ادم : الله يسلمك.. وسامحينا في تعبك واعطيك الصحه.. اسماء خشي سلمي
" همستله حاجه في ودنه وهيا تضحك ماسمعتهاس بس هوا فنص فيهاا وقاللها سلمي " 👋🏻🤝

اسماء : اهلين كيف حالك حبيبتي اني اسماء

نهال : اهلا وسهلا تشرفت بيك واني نهال..وهي نستأذن خودو راحتكم

"وطلعت وبصراحه عقلي يرفع ويجيب مش مستوعبه كمية الحقاره اللي عنده😳 كيف هكي يجيب بنات الاستراحه ومش مداير حساب لي خويلة وعمي علي مصح وجههاا يبي يدير يديير بعيد على هناايا شن هالحقاره..😡
واني شن دخلني فيه يجيب بنت ولا حتى عشره ومرات متعود يجيبهم غير اني مشفتهاش الا هالمره.. المهم خشيت دوشت وبدلت وصليت العصر وتغديت خليك خويلة مخليتلي حصتي لان عارفتني ماتميتش تنضيف.. كيف كملت ماكلة طق الباب توقعته عمي علي مروح لأن الصبح طلع وقال العصر بنروح فتحت الباب بس لقيت ادم والبنت اللي معااه "😳😳 شن كمية الحقاره اللي عنده لين جايبها لعند الحوووش😳 زعما تكون خطييبته؟؟ حتى وكان خطيبته كيف تطلع معاه للاستراحه.. لحظه لحظه ماتكوونش مرته😱😱