مهربي

حلقة 5

مهربي_5 ❤️+
نهال : " اذن العصر صليت ودعيت وهكي وخشيت درت قهوة وشربت وقعدت نلود ف الحوش كسدت الحق قلت خلي نطيب العشي مابين ماروحو واكيده بتروح تعبانه ع الاقل تلقاه واتي قعدت نقلب ف الدواليب والقجورة وبعد وين باش لقيت كل حاجه وين مكانها😫حطيت الفاصوليا ع النار ودرت معاها رز ابيض وكفتة بطاطا ونقول في بالي أن شاءالله يطلعو ياكلو فيهم نهاري كان مايحبوهمش😪كملت كل شي ولانها كمية صغيره مخدوش مني وقت هلبا وكيف بنطلع م المطبخ نسمع فيهم يهدرزو قدام الحوش بس مخشوش استغربت الحق بس مدورتش قلت بالك يهدرزو ف التليفون ولا شي خشيت الحمام وطلعت لقيتهم مقعمزين ف الصاله (دقيقه خلي نوصفلكم الحوش كيف اول ماتخشي تجي ع يمينك الصالون باهي بعدين زي الممر صغير فيه صالة وقدامها المطبخ وبجنبه الحمام وع اليمين الدار اللي نرقد فيها اني طبعا بحمامها بعدها تركبي الدروج تلقي فوق جناح خاص بعمي علي وخالتي سعاد فيه حجرة نومهم وحمام ودار تانيه حوش صغير وبسيط لكن حلوو❤)

نهال : الحمدلله على سلامتكم😊

سعاد : الله يسلمك ياغزاله هي تعالي شوفي شن جبتلك أن شاءالله يعجبك واني بنخش نحط العشي ع النار عمك تعب اليوم يبي يرقد بكري شكله كبر خلاص😂 شافلها عمي علي وفنص فييها😡

عمي علي : شن كبرت متاعك هادي والله قاعد ف عز صحتي نضرب الحيط خبطه بس نهده💪 شافتلي وغمزتلي😉ضحكنا احني ال2 ههههه
سعاد : باهي ياودي قاعد صحيح غير نوض توضى كان بتصلي المغرب قريب يأذن

عمي علي : هي اهو ناايض...ااخخخ ياضهرييي تعالي ياسعيدة اسنديني

سعاد : وينه اللي توا بيهد علينا الحوووش ولا مش نفسه انت😂😂😂

عمي علي : قاعد نقدر نهده غير مشكله بيكلفنا بني حوش تاني وقصه واني توا بالي مش ف البني

سعاد : ايه ايه دارها فيك غر البني غير هيا هيا امشي بسس

" نشوفلها كيف سانداته وتعلق عليه ويبصرو وفاهمين بعض ضحكت عليهم وتمنيت ولو مره بس شفت امي وبوي بنفس المنظر💔 "
سعاد : قاعده واقفه يابنتي امشي كان بتقيسي الحوايج

نهال : باهي هي مشيت للدار لقيتها شاريتلي هلبا حااجاات😍قفاطين حووش مستورات وحلوات وقفاطين وبيجامات نووم وحتى حوايج طلعه مش غافله على شي😍وكلهم نفس الرقم 40 وفعلا هدا رقمي🙈 قست لبستين والباقي حطيتهم ف الدولاب وطلعتلها بقفطان متاع حوش لقيتها ف الصاله قعدت نلف متاع شوفيه علياا😹

سعاد : ماشاءالله ماشاااءالله على بنيتي الغزاله يهبل عليك والله طالع عليك احلى من ع الماليكان (البمبله متاع العرض😂)
نهال : سلمك ياخويلة انتي الغزاله وسامحيني ف تعبك
والله هدا كله هلبااا ليش مكلفه رووحك😞
سعاد شافتلي هكي هاه👈😑👉 متاع شن قتلك اني على هالكلام😡
نهال : خلاص خلااص معاش نعااودهااا هههههه