مهربي

الحلقة 2

#مهربي_1 ❤️

هااي
اني اسمي نهال واختي التوأم نيهان احني مواليد 95، اني متوسطة ف الطول وبيضاء وشعري طويل لونه عسلي وعيوني خضر
ونيهان نفس طولي وبيضاء وشعرها طويل ولونه قسلي وعيونها خضر 👀
نشبهوا بعض ف الشكل هلباا بس نختلفوا في الطبع 😒
احني ال2 نشتغلوا اني ابلة ونيهان ادارية في مصرف🔥..بوي اسمه جمال ومامتي السمحه ليلى😍طبعا اكيده لاحظتو اني مادلعتش بوي😒اصلا ماعندي علاش ندلعه من يوم جينا ع الدنيا ماشفنا منه دلع كله ضرب وسب وشتم اللي مهون علينا مامتنا العسل ديما معانا وتدعم فينا ومش مقصرة ولا معقبة جهد باش توفرلنا اللي نحتاجوه تقدرو تقولو مفيش خدمه مخدمتهاش باش تصرف علينا وعلى التيس اللي تجوزاته😏شغاله..طباخه..عاملة تنظيف ف مستشفيات.. خياطه ..مزينه اي شي تعرفه تخش عليه باش تجيب القرش..طبعا بوي واخد امي على علاقه حب بس للاسف الحب طلع ضعيف💔
لان ماما لبنانية، طبعا بحكم عائلته فلوس فاكان ديما يسافر لي لبنان وتعرف عليها😍+

اول ماعرض بوي الفكره على عائلته عارضوه. وقالوله لو بتاخدها لاولدنا ولا نعرفوك وسكر راسه وتجوزها وهيا نفس الشي اماليها كانو عارفين انهم رافضينها وحتى هما بدورهم رفضوا الفكره ووقت هيا تمسكت فيه قالولها خوديه بس معاش تورينا وجهك وفعلا هدا اللي صار بعدها ماما تزوجت وعاشت في ليبيا وسيبت عائلتها.
كان بداية الزواج عسل ودلع🔥ومن بعد زواجهم بسنتين بالزبط بدي النكد عليها من بوي لان هوا كان مدلل من عائلته ومتحملش فكرة نقص القرش عليه واصلا مايحبش يخدم بدي يسب ويلعن فيها ومدايرها هيا السبب في فلسهم لين بدت هيا تخدم💔نرقدو وانوضو على عراك كلمه حلوة ماعمرنا سمعناها منه..لكن مكناش مدورين ونتحملو على خاطر ماما... لما صار عمرنا 22 اكتشفنا انه ماما مريضه ومش اي مرض بالكانسر💔وعندها سوء تغذية وفقر دم حاااد من كثر ما تحملت ودست في قلبها..بعد اكتشافها بمرضها ماطولتش وتوفت😢مانبيش نحكي شن صار فينا احني لان مهما نحكي مش نوصف ربع الشعور..
وبما انه سندنا في الدنيا مشت قعدنا مايلااات💔والغل اللي كان يجي في ماما بدي يجي فينا بس احني مش ماما احني ماتحملنااش..يجي عقابات الليل يضرب ويسب في ليلة شد نيهان قعد يخبط في راسها ع الحيط"

جمال : طلعي الفلووس طلعيييهم يافاسدة بنت الفاسدة

نيهان : والله ماعاد نكساب قرش كله عطيتهولك😭اطلق شعريي

جمال : اني عارف انك تكدبي زيها بالزبط زي امك الكلبه ماهو كان مش من جراريها راني قاعد منغنغ ف الفلووس عند بووي

نيهان: حرام عليك راهي ميته ماتجوز عليها الا اارحمه😭

جمال : الله لاترحمها ولاتختم عليها طلعي دين ام الفلوس خير ماتطلع روحك انتي وياها

" طبعا اني كنت نحاول نفك ف راسي من بين يديه ونسمع ونبكي لحد ما قال الله لاترحمها اهني خلااص طفح الكيييل😤كان هوا واقف في الصالة مقابل الانتري وفوق الانتري حاطين تحفة زي التمثال (مرة حدفها ع ماما) شديتها واعطيته على راسه للحظه نسيت انه بوي "