#مهربي_3 ❤️+
نهال : جيت كيف بنفتح الباب ونلقى😱😱
نهال : " فتحت الباب لقيت رااجل قداااامي😳 هدا مني؟؟ رئيس العصابه عرف ان اني اختها وجاي بيلحقني ليهاا نشبحله ونرعش ودموعي زي المطر ونهز ف راسي يمين ويسار متاع لاا لااا ونقوله بالله عليك لااا بالله عليييك لاااااااااااااااااااا😭😭اخر حاجه سمعته يقول ياسعاااد ومعاش نندري ع شي...
فتحت عيوني لقيت مرأه مقعمزه قداامي باين عليها في بداية الاربعينات او اكتر بشوي يعني قاعدة صحيحه ( شعرها حني وبيضاء زي الجبنة وقنينة ) تشوفلي وتبتسم وملامح الطيبه على وجهها سبحان الله ارتحت اول ماشفتها❤ممكن لانها فكرتني بي ماما 😢بس شكلها لاحظت عليا ملامح التساؤل جاوبتني بدون مانسالها
سعاد : ماتخافيش يابنتي اني مش ح نديرلك شي🌼
" عدلت تقعميزتي وقعدت ساكته ماتكلمتش "
سعاد : صحه النوم😊هادوا حوايج تقدري تبدليهم بدل اللي لابستيه منعرفش يجو عليك ولا لا لكن سامحيني هدا الموجود واهو الحمام قدامك في الدار خودي راحتك واعتبري روحك في حوشكم واني مش ح نسألك شي وامتى ماتعرفي روحك قادرة تتكلمي ناديني😊
نهال : لالا صحيتي مانبي منك شي اني بنطلع
سعاد : باهي قوليلي وين بتمشي بس واني وعلي نوصلوك
نهال : بنمشي ليي...! بنمشي لي..!!! حوش خالتي مش بعيد من اهني " لاعندي لا خاله لانمي غير اهو سبلة باش نطلع وخلاص ومش عارفه اصلا علاش بنطلع ووين بنمشي بس هكي ماحبيتش نثقل عليها لاني منحبش نكون ثقل على حد"
سعاد : خلاص هي اهو علي قاعد واني نلبس عبايتي ونوصلوك ومره وحده نتعرف عليها خالتك لان اني مافيش جنبي جيران ومدابيا ندير معارف.
😑 "هادي خيرهاا حصلة هكي ياربي توا شن بنقوول هي"
نهال : لالا منبيش نتعبك صحيتي
سعاد : وينه التعب يابنيتي ماهناك تعب شن بنرفعك على ظهري😃
نهال : "خلاص حسيت روحي انحبست ف النص ومعاش عرفت شن نقوول وعيوني تعبو دمووع"" صحيتي ياخالتي بس اني.. انييي... ومعاش قدرت نكمل غطيت وجهي بايديا و قعدت نبكي
خدتني ف حضنها وقعدت تهدي فيااا اشششش اشششش خلاص قتلك اني مش ح نسألك ولا ح نضايقك ووالله مانبي منك حاجه يابنتي واني راهو نعرف الناس بوجوها وعارفاتك بنية كويسه وح نفرح لو قعدتي عندي نديرك زي بنيتي اني ربي مارزقنيش ببنيه😢 بس كان انتي ماتبيش اني مش ح نغصبك وحنخليك براحتك
" ماقدرتش نرد استمريت ف البكي وخلاص وهيا قعدت حاضنتني لحد ما حسيت روحي هديت شوية "
سعاد : شني حبيبتي ارتحتي توا؟
نهال : هزت براسها وخلاص
سعاد : خلاص امالا نوضي دوشي زي ماقتلك وتعالي مويتلتلك غداك وباش تتعرفي على عمك علي مره وحده حصل منك رعشه مسكين😂
VOCÊ ESTÁ LENDO
مهربي
Romanceقصة زوز بنات تؤام يهربو من بوهم الي يعدب فيهم و كل وحدة تنفتح علاها حياة جديدة بعيدة عن اختها رواية جريئة منقوووللةةة 🔞🔞
