Lunatic Series 1: WYATT JAMES LACSON

KABANATA 27

“Hindi ka naman nakakatulong kay Wyatt, bud.” Saway ni Alexander kay Travis.

“Anong hindi?! Nag-advice na kaya ako.” Pagtatanggol naman nito sa sarili saka muling bumaling kay Wyatt na nag-iisip na nang dapat niyang gawin. “One hundred thousand ang halaga ng advice ko, Lacson,” anito saka nilagok ang natitirang alak sa baso niya.

“Okay, i-check mo na lang ang account mo,” walang ganang saad ni Wyatt.

“I’m just kidding, bud. May pera na ako. Akin na raw ang kita ng coffee shop sabi ni Henry.”

“Mauuna na ako sa inyo. Baka matulog ako nito sa labas. Strict pa naman si misis.” Pagkasabi noon ni Alexander ay inubos na nito ang natitirang alak sa baso nito saka tumayo. “Basta ang masasabi ko lang, bud. Sabihin mo na kay Aloha ang tungkol kay Cleo before it’s too late. Goodbye. Thank you sa pagpapainom.” At tuluyan na itong naglakad palabas ng bahay niya.

“Alis na rin ako. Kailangan ko nang gumalaw para mabawi ko na ang mga kinuha ni Dad sa akin.” Tumayo na rin si Travis saka tinapik ang balikat niya at naglakad na rin palabas ng kaniyang bahay.

Tunog na lang ng kotse ng mga kaibigan niya ang kaniyang narinig. Para bang hindi man lang tinamaan ng alak ang mga ito. Samantalang siya ramdam niya na lasing na siya.

Tiningnan niya muna ang oras sa kaniyang wristwatch.

“Alas nuwebe pa lang ng umaga. Hindi ako p’wedeng humarap kay Aloha nang nakainom. I need to sleep para maalis ang kalasingan ko. Saka na pagkagising ko nalang pupuntahan si Aloha para aminin ang tungkol kay Cleo,” aniya sa sarili saka iniwan lang ang mga basong ginamit nilang magkakaibigan pati ang bote ng alak saka siya tumayo.

Naglakad siya pupunta sa hagdan saka umakyat na papunta sa kaniyang k’warto para matulog.

ALIGAGA SINA Aloha pati ang iba pang trabahante sa coffee shop dahil sa maraming customer. Parito at paroon sila kung maglakad kaya medyo nakaramdam siya nang pagkahilo pero hindi niya inintindi iyon. Nagpatuloy siya sa pag-entertain sa mga customer. Nagkapunuan na nga sa loob. Buti na lang may upuan at lamesa pa sa labas.

Alas nuwebe na pero marami pa rin ang costumer gayong oras pa iyon nang pag-ta-trabaho. Umiling na lang siya.

“Ano po sa inyo, ma'am and sir?” aniya nang makaupo na ang babae at lalaki na pumasok na paniguradong magkasintahan. Sa paraan palang ng pag-hahawakan ng mga ito.

“Two iced coffee,” sagot sa kaniya ng lalaki saka tiningnan ang babaeng kasama nito. “Is it okay with you, hon? Or will take iced espresso na lang?” Baling nito sa kasama.

“Iced coffee will do, hon,” sagot ng babae saka ngumiti.

“Iced coffee, miss. Thank you.” Ngumiti ito kay Aloha.

G’wapo at maganda. Perfect match. Bagay na bagay.

“Okay, sir,” aniya saka ngumiti pabalik dito.

Maglalakad na sana ang dalaga para kuhanin na ang order ng magkasintahan nang maramdaman niyang lalo pa siyang nahilo kaya napahawak siya sa kaniyang ulo. Naramdaman niyang parang babagsak ang katawan niya. Pero bago pa man sumalampak sa sahig, kaagad siyang nasalo ng lalaki at doon siya nawalan ng malay tao na dahilan para magkagulo sa loob ng coffee shop. Kabilang sina Lany at Cassandra.

“Let’s bring her on the nearest hospital. Dalhin mo na yang babae sa kotse natin!” natatarantang saad ng babae.

Hindi na lamang nagsalita ang lalaki saka mabilis na naglakad ito papunta sa kotse ng mga ito. Na sinundan naman nila Lany at Cassandra. Sumabay sila rito para alalayan si Aloha na nasa backseat at walang malay. Saka pinaandar na ng lalaki ang sasakyan na papunta sa malapit na hospital na kaagad naman nilang narating.

Kaagad ba binuhat ng lalaki si Aloha papasok sa hospital na kaagad namang tinulungan ng mga staff ng hospital. Kaya nadala kaagad ang dalaga sa emergency room na kaagad namang dinaluhan ng babaeng Doktor.

Ilang minuto lang ay lumabas na ang Doktor sa k’warto kung saan ipinasok si Aloha.

“Kumusta po ang kaibigan ko?” bungad na tanong ni Lany nang makita nito ang Doktor.

“She’s fine. Normal lang iyon sa babaeng nagdadalang tao,” nakangiting sagot ng Doktor sa kaniya.

“N-Nagdadalang tao? Baka po nagdadalang tae.” Dahil sa sinabi ni Cassandra ay napatawa ang mga taong naroon kabilang na ang Doktor.

“She’s already two weeks pregnant. She'll be a mother soon. By the way, nasaan ang asawa ng pasyente? Bakit hindi siya ang nagdala rito sa asawa niya?” ani ng Doktor.

“Busy po.”

“I see. Pakisabi na his wife shouldn’t get stressed and tired para hindi mapahamak ang baby. Nga pala nasa tabi niya na ang binigay kong vitamins at gamot para pampakapit sa bata.”

“Sige po, Doktora. Salamat.”

“Sige maiwan ko na kayo. Marami pa akong pasyente na titingnan.”

Tumango na lang si Lany saka tiningnan ang likod ng Doktorang papaalis.

Bumaling siya sa mga tumulong kay Aloha para mapunta ito kaagad sa Hospital. “Salamat po sa pagtulong sa kaibigan ko.” Nginitian niya ang mga ito.

“Wala ‘yon. Kahit sino naman gagawin iyon eh. Sige alis na kami. May pupuntahan pa kasi kami. Napadaan lang kami sa coffee shop niyo kanina para hintayin ang napag-usapang oras namin doon sa pupuntahan namin,” maaliwalas ang mukha na saad ng babae.

“P’wede ko po malaman ang pangalan niyo para masabi ko sa kaibigan ko? Para kapag nagkita kayo mapasalamatan kayo niya,” nakangiting saad pa rin ni Lany.

“I’m Carina and this is Alfred, my fiance,” balik ngiting tugon nito.

“Salamat.”

“Walang anuman. Sige aalis na kami.” Paalam ng lalaki.

“Sige. Ingat kayo.”

“We will. Thank you.”

At saka naglakad na ang mga ito paalis sa emergency.

Pumasok na rin sina Lany at Cassandra sa loob ng room ni Aloha na saktong paggising naman nito.

“Anong nangyari! Nasaan ako?” mahinang tanong ni Aloha nang makita niya si Lany at Cassandra.

“Nahimatay ka kanina dahil sa hilo. Buti nalang may mababait pa na tulad ni Carina at Alfred na tumulong para madala ka kaagad dito sa hospital,” sagot ni Lany sa kaibigan.

“Nasaan na sila?” hinihilot-hilot ang ulo na tanong ulit ni Aloha sa mga ito.

“Umalis na. May pupuntahan pa raw kasi.”

“Ah. Hindi man lang ako nakapagpasalamat.”

“Next time na lang. By the way, congratulations, gurl!” masayang sabi ni Lany at yinugyog ang kamay ni Aloha.

“Gawin mo kaming ninang ah?” ungot din ni Cassandra.

“Pinagsasabi niyo?” nakakunot ang noo na saad ni Aloha.

“Nagdadalang tae este tao ka, gurl!” maligalig na sagot ni Lany.

“A-Ako? B-Buntis?” hindi makapaniwalang tanong Aloha saka awtomatikong napahawak sa kaniyang tiyan.

“Yes, gurl!” sigaw ni Lany at Cassandra.

“M-Magiging nanay na ako. Magkaka-anak na kami ni Wyatt. Kailangan niyang malaman ito.” Bumaling si Aloha sa itaas. “Salamat po. Pangakong aalagaan namin ang anghel na binagay Mo sa amin,” aniya saka ngumiti.

May anghel na dumating pero mayro’n ding isang kampon ng kasamaan ang nagpapaplano para sirain ang relasyon nila ng ama ng bata na nasa sinapupunan niya. Relasyon na kasisimula pa lang.