انجبرت على وصله

المهم "إن كان ما جتني عليك الحميّا / ماعاد لي في باقي العمر .. ملزوم"

خذاني راشد عشان اشوف اهله كنت في قمة التوتر وبنفس الوقت السعاده اخاف ما يتقبلوني واتم نفس الغبيه اعاني بروحي مليون فكره كانت ف راسي وطول الدرب انا ادعي يا رب ييسر حالنا وما يعيق طريقنا شي :
— سلامه شفيج جي ويهج اصفر؟
— مادري راشد متوتره والله مادري كيف بواجهم
— ترا مو مسويه جريمه بس اللهم بعرفج ع اهلي شو فيج مردج بتتعرفين عليهم !
— هي ادري بس ( قرب منها وسكر حلجها )
— اششش مابي اسمع ولا كلمه يلا تعالي
مشينا لين دشينا داخل البيت وما احكي لكم عن جمال بيتهم ف عمري ما دشيت مثل هالبيوت لانه كنت في عايله قد حالها انصدمت وذكرت الله على جمال البيت وفخامته لكن ما بينت هالشي لانه انا وانتو نعرف السبب!
— سلام عليكم امايه سلام عليكم ابويه
(ابوه و ام راشد) : عليكم السلام راشد
— هي امي هاذي سلامه الي قلت لج عنها .. هي ابويه هاذي سلامه الي رمستك عنها وانا صراحه يدام الكل هني انا ابيها على سنة الله و رسوله
( سلامه بتموت من المستحى)
— سلام عليكم شو مستوي هني ؟
— ها؟ نجد؟ شو يابج هني؟
سلامه بصدمه :
— نجد؟ منو نجد؟
— كيفك راشد من زمان عنك يا ولد عمي
— بخير بس متى يتي هني؟
قالت ام راشد بتهكم :
— انا الي قصيت لها تذكره ويبتها هني
— ايوه؟ ليش انشاءالله شو ناويه عليه؟
— بغيت هاليوم بالذات عشان سلامه مالتك تشوف انه مالها مكان ف هذا البيت وانه انت لنجد ونجد لك
قال ابو راشد بصدمه وغضب :
— انتي على كيفك؟؟ مالي شور انا؟ اي نعم بنت اخوي بس ولدي ياخذ الي يبها فاهمه ولالا؟
— دقيقه دقيقه وانتي يا نجد؟ خير انشاءالله لا يكون موافقه؟
— من الصغر وانت تدري اني ابيك ف اي نعم موافقه وش فيها ؟ تراك ولد عمي وحنا على العادات والسلوم !
سلامه بتوتر :
— عادات وسلوم؟ تسمين الغصب عادات وسلوم؟
— اقول منتي من العايله سدي حلقك ولا تدخلين
— رمسيها عدل مدام النفس طيبه انتي اكثر وحده تدرين اني اشوفج اختي لا اكثر ولا اقل ولا فكرت ف يوم اني اخذج حلوين؟
قال بو راشد بحده :
— اسمع يا راشد سلامه واضحاً عليها بنتاً رزينه  ومحترمه وان كانك صادق من بكرا تملك عليها وما حنا غاصبينك على ولا شي اما انتي يا نجد وانتي يا سلمى ( ام راشد) انا اعرف وشلون اداويكم اجل انا تروحون تهببون من وراي؟ عشان تهينون بنت الناس كذا؟
قال نجد بكبر :
— عمي منجدك انت؟ وش الي بنت ناس ان كانها بنت ناس كنتو انتو الي رحتو خطبتوها واضح عليها مقطوفه من شجرة
رد عليها راشد بعصبيه :
— امسكي لسانج احسن لج ولا والله قصيته ورميته للكلاب ما تعرفينها سدي حلجج لا اسمع لج حرف
ام راشد بنرفزه :
— اي خذها مادري شو شايف فيها بعد كل هذا بعدها واقفه شرات العمود وصامله مكانها ولا تكلمت حتى لا شخصيه ولا شي !!
ردت سلامه بصوت مهزوز :
— اي صح ما عندي اهلي ولا شي ولا ثروة مثلكم ولا اي شي اشوف نفسي فيه بس بنهايه نيتي وسمعتي زينه ! اذا على كذا تقدرين تسالين عني ف اي مكان هذا اذا يعرفوني عشان يذموني مادري شو كان لازم كل هاي الاهانه ! بالعكس عطيني ف ويهي وانا بفهم ولا راح تشوفيني حول ولدج !!
— سلامه!!
— اسكت راشد خلني اكمل !!... ساكته مو للانعدام شخصيتي ساكته احتراماً لج ولاني ف نص بيتكم فيني من الاحترام كم هائل حتى لو قلتي عني شو ما تقولين بنهايه عاذرتنج تبين الافضل حق ولدج يمكن ما اكون الافضل بس هذا مو يعني تقدرين تستننقصين مني !! او لاني ما عندي اهل انتي شو دراج اهلي شو صار فيهم عشان تعقين الكلمه بدون ما تثمنينها ! لكن مدام جي الامر انا اسفه لاني ييت بيتكم واسفه ع كل ها الفوضى واترخصكم
— سلامه سلامه اصبري الله يخليج
ابو راشد بخجل : كل كلمه طلعت منك يا سلامه صحيحه اعذريني على الي صار
— ما صار شي يا عمي من حقها والامور طيبه لا اسمعك تعتذر انت بمثابة ابوي
— وصلها يا راشد البيت وان شاء الله يصير خير انا بروح اتفاهم مع امك
— ابشر يبه
**
بعد مرور اسبوعين على السالفه ورجوع المياه لمجرايها والحياة مشت طبيعي سمعت سلامه هذاك الخبر الي كسر قلبها للاشتات وخلاها كسيرة طول حياتها
— الو سلامه ؟
— هلا نهيان شو بغيت
— هي شحالج؟
— بخير طيبه شفيك؟
— جيكي على تلفونج وعلى ارقام راشد وحساباته
جيكت سلامه وانصدمت من الحذف من كل مكان كان مبلكنها من كل البرامج !!
— ش ش شسالفه نهيان !!! شو فيه راشد ليش حذفني شو مستوي؟؟
— هي والله انه سواها الكلب !
— سوا شوو ؟؟؟ شو تقول !!
— سلامه راشد تزوج نجد وسافر السعوديه
— ها؟ ت تزوج نجد؟ ها؟ ههههه شو يالس تقول انت؟
— تزوجها وراح حاولت فيه لين ما طلعت روحي ما طاع يقولي شو السبب بس خبرني اوصلج هالكلمتين
— شو؟ شو قالك؟
(‏" دخل قلبي ولا بعده فتح عوج الضلوع انسان / يناديني غلا غيره وقلبي مايلٍ صوبه ")
— قالي اوصل لج هالبيت ما فهمت شو يقصد لكن انا اسف نيابة عنه يا سلامه
— سلامه ساكته وتتامل البيت الي وصاه لها وبنفس الوقت الدموع تنهال على خدها وقلبها الي يتقطع ودمها الي يغلي ما تدري ليش ومتى وكيف وو السبب بس الي تعرفه ومتاكده منه انه راشد بعده يحبها لاخر لحظه كانت واثقه من حب راشد لها لكن ليش؟ ما ندري
يتبع...