انجبرت على وصله

(لازم ادبر المبلغ )

سلامه : مريمم مريم هني وراج
مريم : ها هلا وينج انتي
سلامه : اسكتي عني ياخي صار شي خايس ويايه
مريم : بسم الله شفيج شو صار
سلامه : ياخي تخيلي كنت بالمكتبه ويا راشد ع أساس ..
مريم : هااا؟؟ راشدد شفيج انتيي
سلامه : ياخي خليني اكمل رمستي !
سلامه : المهم يلست اشرح هالدروس الي خذناها اخر مره ويوم خلصت تخيلي مد لي فلوس قالي اونه امسكي هالمبلغ عشان تعبج انا جي نعمم !!
مريم : وانتي من الأساس ليش رحتي ؟
سلامه : ياخي مادري لا تساليني وتخيلي طول ما انا اشرح يخز فيني وربي حسيت بعدم راحه قاتل !
مريم : مدامها عدت على خير هالمره لا تعيدينها
سلامه : أقول امشي نروح الكفتيريا يوعانه
مريم : هي ها الي انتي فالحه فيه تزبدين الموضوع
**
نهيان : ابوي ترا قلت لك اني خلاص ما أبا ياخي .. ياخي افهمني انا ما فيني على عوار الراس
أبو نهيان : قايلك انا من زمان تبا الورث تزوج غير كذي اسمح لي انت مو جاهز تأخذ الورث او على الأقل اخطب مو لازم تتزوج
نهيان : افا ابوي تذلني عشان حقي ؟
أبو نهيان : ما ذليتك هذا الصح انا ما بسلمك ثروه وانت بعدك مو قد المسوولية
نهيان : زين انا بفكر وبردلك خبر لين وقتها اطلع من مخي تكفى
أبو نهيان : جي تكلمني يالكلب؟
نهيان : ههههه اسف اسف يلا استاذن انا
**
عند مريم
مريم : الو !! هلا امي شحالج
ام مريم : هلا مريم شحالج عساج طيبه ؟
مريم (بصدمه) : هي امي طيبه طاب حالج وانت بشريني عنج؟
ام مريم : حمدالله حبيبتي دايمه يا رب
مريم : اجمعين .. هي امريني بغيتي شي ف حايت شي ؟
ام مريم : مريم انا بالمستشفى
مريم : ها ؟؟ بالمستشفى؟ ليش شو فيج؟؟
ام مريم : بعطيج الدكتور ترمسينه
الدكتور : مساء الخير يا انسه مريم
مريم : دكتور شو فيها امي ؟؟
الدكتور : والدتك يا انسه مريم تعاني تقرحات بالجزء اليسار من المخ وتحتاج العملية بأسرع وقت
مريم : وليش م تسويها ؟ وكم سعرها؟
الدكتور : تقريبا يوصل سعر العملية الى 20 الف درهم
مريم : كل هالمبلغغ؟؟
الدكتور : دي الحكومة يا انسه اتخذي القرار ورجعي لنا خبر
مريم : ان شاءالله بردلكم خبر انتبهه لامي يا دكتور
الدكتور : مع السلامه

**
سكرت مريم الخط وعلامات الانكسار واليأس عليها شو ممكن تسوي عشان تنقذ أمها ؟ الي قرب لحاف الموت على ان يغطيها تمت تفكر طول الطريق على حل لهل مشكله رغم انها عارفه انه من الصعب انها تحصل هالمبلغ بهل وقت القصير

سلامه : خير ان شاءالله ليش ويهج جي شاحب شفيج ؟
مريم : اسكتي سلامه قسم بالله تييني المشاكل معرف من وين
سلامه : شفيج أي مشاكل شو صاير؟
ردت : ياخي امي دقت لي فجأه وقالت انها بالمستشفى.......
سلامه : تستهبلين؟ وانتي اكيد زعلتي عليها وحركاتج الطيبه صح ؟
مريم : بنهايه تراها امي سلامه امي انتي ما تفهميني؟
ردت : ادري انها امج بس تشوفينها كيف تستحقرج ؟ تشوفين كيف تعاملج عشان ذنب مب ذنبج أصلا ؟
**
قبل خمس سنين تقريبا كانت مريم تدرس بالثانوية مثلها مثل أي بنت تنقلب حياتها بيوم من الأيام لما عرفت أمها بخيانة ابوها لها والبنت الي كان وياها ابوها كانت صديقة ام مريم وكانت هالبنت تعتبر مريم مثل بنتها كانت علاقتهم وايد حلوه فهذا الي زاد الطين بله ..تحسبت انه مريم تدعم علاقتهم بحكم انه مريم قريبه من هذيك الانسانه ومن هذاك اليوم ساءت علاقة مريم وامها صارت أمها تستحقرها بسبب جهلها للحقيقة
مريم : ما اتفقنا انكسر السالفه سلامه ؟
سلامه : سمحيلي يعني بس الموضوع ما ينسكت عنه 5 سنوات ما ذقتي منها غير مر العذاب والظلم وفوقها كانت بتزوجج من واحد شايب ريل بالقبر و ريل بالدنيا بسبب طمعها بفلوسه واملاكه والحين بكل بساطه ادورين حل عشان تعالجينها ؟ ما ياها المرض غير من ظلمها لج
مريم (بصوت صرخه) : سلامهه!!!! خلاص دخيلج الي فيني يكفيني ترا
سلامه : برايج انا سويت الي علي
مريم : كبرتي الموضوع تراج
سلامه : كيفج مريوم انا قلت لج
مريم : عيني سلامه خليني الاقي حل لهل مشكله بعدين نتضارب على راحتنا
سلامه : يعني تدرين اني ما بسكت
مريم : لو انا ما اعرفج منو يعرفج ها
سلامه : انزين انزين شو ناويه تسوين
مريم : وربي سلامه راضيه اشتغل أي شغله بس لاقي لي شغل
سلامه : مدام على طاري الاي شي في كوفي معروف هني بعد الجامعه بعشر دقايق شوفيه اذا يبون باريستا وانتي جوج هالاشياء الكوفي وجي شوفيهم
مريم : هي والله كيف راح عن بالي هالمكان يلا يلا قومي نروح
سلامه : يلا
يتبع...