انجبرت على وصله

مريم

فجر اليوم الثاني توجهن مريم وسلامه للجامعه ومريم كلها افكار مشوشه ما بين نمر وبين تصرفات نهيان ما قامت تستوعب وحست انها ما تبا تستوعب :
— انا خلاص وربي تعبت كل شوي طالعين لنا بمشكله ياخي خلاص ابا اتخرج بسلام من ظهرو هايل ونحن ما عينا خير
— حو حو شفيج هدي اوكيه امس كان يوم صعب بس تذكري انه ماشي غير هالجامعه ولا تبينا نروح نتشرد ما فهمت يعني؟ ولا تبين ترجعين حق امج الظالمه؟
— سلامه !!!! شو ظالمه شو هالكلام
— حبيبتي ها الصدق هاذو خلص علاجها وخلصت عمليتها دقت لج؟ قالت لج شي؟ لا صح؟ خلاص عيل واضح انها ما تبا غير غايتها منج افهمي خلي عندج كرامه شوي !!
— اقول انا ما بناقشج وايد النقاش وياج ميت انتي خلاص امشي
— برايج والله بس ها الصدق !
من بعيد بدا نمر يسمع صوت مريم :
— صباح الخيرر
— يمه بسم الله نمر هههه صباح النور
— صباح النور هي اسمعي انا بدخل والحقيني
— تمامم (كملت حديث ويا نمر ) ايوه نمر ماشاءالله مالك حس من وين طلعت خوفتني
— ( قرب منها وقال ) خوفتك؟
— ( مريم بتوتر وهي تبعد ) ههههه امزح معاك
— (وهو يقرب اكثر ) قولي الصدق خوفتك؟ يعني انتي تخافين مني؟
— (مريم بخوف وهي تبعد ) هههه نمر مو وقت المزاح انا بروح يلا مع السلامه
( قبلها بيوم )
— ايوه حصلتها؟
— اي يا رجال ما تغيرت تخيل!!!
— اي والله اني داري انها مزه من وهي صغيره
— طيب اسمع الخطه كالتالي تراها هي مستلطفتني وكذا يعني مره لطيفه معي وانا بحاول اجذبها اكثر ( قاطع كلامه مهند الي هو خوي نمر )
— دقيقه قبل لا تكمل انت بعدك تحبها؟
— وش جاب الطاري !!! ذي كانت بنت سواقنا وش احب فيها؟؟
— اي طيب؟ وليش تبي تخطفها اجل؟
— ياخي كيف اقولك ياخي حتى لو قلت اني احبها وابيها بنهايه هي ما تبيني وش اسوي يعني!
— يا نمر لا تستهبل على راسي ! حاول تقنع البنت لا تصير حقير كذا وتستغل ثقتها فيك وتسوي فيها كذا !! خطف! خطف مره وحده !!
— اي طيب يعني انا ما بخطفها وبعذبها يعني بس بوديها بيتي وهناك بحاول فيها
— يا خوي صل على النبي بيتك الي باخر الدنيا بنص الغابه تستهبل انت خاف الله بالبنت!!
— يا خوي فكني بس تبي تساعدني ولالا
— اسمع بساعدك بس بشرط لا اشوفك تاذيها اعرفك تصير زق احيانا
— طيب طيب مثل ما قلت لك انا بجيبها لذاك المكان وانت تعال وجيب الجمس معك طيب؟ ايي اسمع جيب المخدر بعد
— وشء وشش؟؟ مخدر وشش!!
— يا خوي ذا ذا ذا الي بايدي جيبه معك ذا شوي بشممها اياه وبتدوخ حق ساعه
— يا خوي انت تبي تصير مجرم؟
— ماني قاتل حد وش فيكك انتي تبي تجنني!!
***
خلصت مريم المحاضره قبل سلامه وطلعت قعدت على الكراسي تحتري سلامه :
— اوه مريم
— ( مريم بتوتر ) اوهء اوهه نمر يا هلا والله
— ايي مريم ما قلت لك في مكان جديد فاتحينه شرايك تجين نروح؟
— الحين؟ والله ما اقدر خلها مره ثانيه
— يلا عاد مريم لا تخلينها بخاطريي
— ( حست مريم لاول مره بعدم الراحه مع نمر )
— يلا عادد تكفين لا تخليني اتوسلك اكثر
— ( ما كان في حل الا انها توافق وتخلص بسرعه ) ايي اي طيب بس خلني اقول لسلامه بس
— لالا ماله داعي ما بنطول
— اي ادري لازم اخبرها
— طيب يلا تخبرينها بالسياره
ركبو مريم ونمر السياره وطلعت مريم فونها تدق حق سلامه:
— الو سلامه اسمعي انا رحت مع نمر حق....
( مسكها نمر وغطى خشمها بالمخدر وطاحت مريم بين حضنه وسكر الخط )
— الو ؟ الوووو؟؟؟؟ مريممم؟؟ مريمم الوو تسمعيني الووو يا ويلي شفيها هايي!!! الووو مريممم نمر نمرررر نمر الله ياخذهه الله يعلم شو سوا بها يا ربي شو اسوي يا ربي مريم يا روحيي
( انهارت سلامه بنص الجامعه على الارض بدت تصيح )
شافوها نهيان وراشد من بعيد :
— ولد ولدددد ها سلامه شفيهااا !!!
— سس س س سلامههه شفيجج تصيحين شو فيج؟؟؟
— نهيان راشدد م م مريمم مريمم نمررر
— شو ؟؟ شو فيها مريم (هتف نهيان )
— سلامه اهدي اهدي وقولي شفيها مريم ومنو ها نمر
(هدت سلامه وبدت تتكلم )
— دقت لي مريم قالت لي انها مع نمر وتوها بتقول لي وين بتروح الفون طاح على الارض مادري شو صار فيه بس سمعت صرخة مريم وانا متاكده هو سوا بها شي تكفونن تكفوننن خلونا نروح ندورها تكفوننن
يتبع ..