انجبرت على وصله

(نظرات راشد )

مريم : ياخي قسم بالله لاعت كبدي صدق
سلامه : امشي بس خليها على الله
,,,
نهيان : ياخي احس هالاثنتين مروا في وايد أشياء بسبتنا وربي فيني تأنيب ضمير
راشد : مو بسببنا بسبب الي حولنا
نهيان : هي صح ياخي شو نسوي خلها على ربك
اليوم الثاني
مريم : صباح الخير دكتوره شحالج
الدكتوره : يا هلا مريم صباح النور
سلامه : صباحوو نحن اول الحاضرين حمدالله
الدكتوره : ياين من وقت ها كفو عليكم صراحه
سلامه ومريم : شرايج بس دكتوره ههههههههه
,,,,
نهيان : تحسهن مداومات
راشد : سلامه تاكل الكتب اكيد مداومه
نهيان : انا بسالك لانك صادمني من متى انت جي وايد مهتم ف بنت احيدك يومين وخلاص تسحب عليها
راشد : ياخي بلا اسالتك الخايسه مشينا بنتاخر
نهيان : هههههه استحيت ها
راشد : اونه استحيت حد قالك اني احبها
نهيان : انا قلت قلت انك حبيتها ؟ بروحك قلت
راشد : ياخي شو تبي انت فكنا امش
نهيان : هههااييي
نهيان وراشد : سلام عليكم
الدكتوره : وعليكم السلام تفضلوا
مريم وسلامه : ما عينا خير
نهيان : سمعتج ترا
راشد : صباح الخير سلامه
سلامه :........(ساكته)
راشد : انزين ردي بل
سلامه : صباح النور
راشد : زين حسيتي
نهيان : مريم
مريم : هلا
نهيان : بعد المحاضره قابليني بالكوفي
مريم : شو عندك
نهيان : موضوع مهم
مريم : يصير خير
(بعد المحاضره )

بالكوفي :
نهيان : مريم أبا اقولج شي بس اسمعيني عدل لا تفهميني غلط
مريم : شو فيك ؟ شو بتقول
نهيان : حمدان
مريم : خلاص عرفت ما يحتاي تكمل
نهيان : اويه خليني اكمل
مريم : شو فيه بعد
نهيان : حمدان يعتذر منج
مريم : لا والله ؟
نهيان : هي والله
مريم : ليش مو هو الي ياه ؟ ابكيه الرعاعه صدق
نهيان : مسامحته ولا
مريم : هي هي خلاص عندك شي بتقوله
نهيان : سلامتج
مريم : مع السلامه
نهيان : مريم
مريم : (تلف عليه ) هلا
نهيان : انتبهي لج
مريم : اوك
مريم : هذا شو يبا مني صدق
نهيان : شفيني مسوي فيها اونه انتبهي لج انا المفروض انتبه لنفسي
مريم : غريب هالانسان امسات كان ما يدانيني واليوم انتبهي لج حلوه هاي
نهيان : الله يعين
مريم : الله يعين
فالبيت :

نهيان : سلام عليكم ابويه
بو نهيان : عليكم السلام نهيان راد من وقت اليوم اشوفك
نهيان : هي ابويه ما كان عندي شغل وايد اليوم
بو نهيان : انزين تعال اييلس بقولك شي
نهيان : تفضل
بو نهيان : اسمع يا نهيان انا الحين وصلت لعمر ما اروم امسك الشركه زياده والي ابي منك انت تمسك عن الشركه
نهيان : ابويه بس انا عندي جامعه
بو نهيان : م عليه يا ولدي وفر وقت للشركة كله اربع ساعات باليوم ما بتخسر شي
نهيان : ان شاءالله ابوي الي تشوفه
بو نهيان : بس بشرط يا ولدي
نهيان : سم ابوي
بو نهيان : انه لازم ادور بنت الحلال
نهيان : ابوي عاد انا مطول لا تستهبل
بو نهيان : ادري انك مطول بس ما تروم تمسك الشركه بدون حرمه
نهيان : ان شاءالله خير الله يكتب فيه الخير ابوي يلا عيل انا بترخص
بونهيان : يلا رخصك وياك ابوي
(حوار داخلي)
نهيان : شو الي اتزوج يا هي حاله الحين انا الحين من وين بحصل لي بنت
(فجاء يت ف باله مريم )
نهيان : خييييرر وينن يالسين رد رد حق عقلك قال مريم قال اعوذ بالله من الشيطان الرجيم
(اليوم الثاني )
راشد : صباح الخير نهاينو
نهيان : صباح الخير خير ان شاءالله شفيك مستانس من صباح الله خير
راشد : حشى واحد م يستانس يدامك
نهيان : امزح امزح مشينا بنتاخر
راشد : صباح الخير دكتور محمد
الدكتور : صباح النور راشد
نهيان : شحالك دكتور
الدكتور : بخير ابشرك وانت
نهيان : يسرك
(دخلت مريم وسلامه )
مريم : انزيين وها الي صار اقولج مت من الضحك وربي
سلامه : الله يقطعج اسكتي ههههههههههههه
مريم : صباح الخير دكتور
سلامه : صباح الخير دكتور
الدكتور : صباح الخير يا بنات
راشد : احلى صباح يا ريال
نهيان : انت ما بتصطلب شو
راشد : انزين ليش معرق انت الجو برد
نهيان : معرق في عينك اسكت
راشد : لا تقولي !!!
نهيان : شو شو فيك شو لا تقولي شو تألف انت
راشد : لا يكون متوتر لانه مريم هني
نهيان : شو يخصه ويا هالراس
الدكتور : هدوء يا طلاب بنبدا الشرح
(حوار داخلي)
نهيان : ياخي شفيني من امس انا ويا هاي مريم مب قادر اطلعها من راسي
راشد : شش شش وين رحت حوو الدكتور يزقرك
نهيان : ها ها ياخي شو فيك
راشد : وين سرحان انت
الدكتور : ركز وياي يا نهيان
نهيان : ان شاءالله , الله يخس العدو وين مخي انا
مريم : هذا شفيه مخه مب معاه
الدكتور : وجي نكون خلصنا أتمنى تسليم الاسايمنت الأسبوع الياي والي يتاخر بينقص أتمنى محد يتاخر
( كل الطلاب : انشاءالله دكتور )
مريم : أقول سلامه انا بروح اشتري شي اكله لاني يوعانه وايد
سلامه : زين بترياج بالمكتبه
راشد : اقولك انا بروح المكتبه
نهيان : ها حق شو بعد
راشد : عندي كم شغله
نهيان : كم شغله ولا عشان سلامه بتروح
راشد : يلا بينا ها
××
راشد : سلام عليج سلامه
سلامه : وعليكم السلام راشد
راشد : شالخبار من زمان عنج ياخي
سلامه : ترا قبل شوي طالعين من نفس المحاضرة
راشد : هي والله بس قلت اسلم وايي اراجع وياج
سلامه : لا شكرا راشد براجع بروحي
راشد : عشان خاطري يلا عاد في وايد أشياء مب فاهمنها
سلامه : زين تمام يلا اييلس بفهمك وبروح مستعيله
××
ع لسان سلامه
بديت افتح الصفحات وابدا اقرا لراشد عشان افهمه وطول ما انا اقرا واشرح حسيت انه ما خوز عيونه عني مادري كيف قدرت اني ما اطالع عيونه بس في شي كان يقولي لا تلفين عليه احسن لج عشان جي ماا لفيت ولا طالعته رغم انه م شل عيونه ولا ثانيه وكل ثانيه كنت احس بتوتر اكثر واكثر وحسيت بعدم الراحة .
**
سلامه : ايوه راشد جي خلصنا الدرس ان شاءالله قدرت افهمك يعني
راشد : اوه خلصنا هي فهمت ما عليج مشكوره و ماقصرتي
سلامه : يلا راشد اترخصك انا بروح
راشد : وين سلامه يالسين
سلامه : يالسين ؟؟؟ تراني مب واحد من ربعك
راشد : زين مسكي هالمبلغ على تعبج
سلامه : اقولك انته شو تتحراني؟ اونه امسكي هالمبلغ!
راشد : أتمنى ما قلت شي غلط بس يعني عشان تعبج
سلامه : وفره ياخوي انا درستك لوجهه الله مو عشان فلوسك توكل بس
راشد : شفيج انتي حسستني سبيج ؟؟
سلامه : المهم راشد انا بتوكل عنك
**
طلعت سلامه من المكتبه وهي متنرفزه من كل شي صار
يتبع...