تفاحه ادم

إقتباس

ليضحك يوسف مردفاً:: أتمنالك يا فهد أنك تفضل جنب رنا طوال العمر وأنك مش تتفرقوا أبدا تفضل تحبها وتفضل قدوتنا في الحب وأن كل واحد فينا بيتعلم منك ازاي يعامل مراته في المستقبل ،وإن كلنا فخورين بيك بسبب حبك لرنا اللي عمرك ما اتكسفت تبينه ليها قدامنا وخوفك عليها حتي لما قرأنا الروايه بتاعتكم لاقينا فعلا أنك عاشق لرنا يعني أنت قدوتنا في الحب وبسببك كلنا بنحب رنا وبنهتم بيها مش كأم لينا لا بل بيست فريند بتاعتنا وأنها بنتنا الصغيره لما أنت مش بتكون موجود إحنا اللي بنهتم بيها زي وجودك ،ومش عاوزك تزعل مني عشان ببوسها أو عشان هي بتحبني وبتقولك بتحبني أكتر منك بس ماما فعلا بتحبني لأن أنا نصك يا فهد من ساعه ما اتولدت وماما بتقول أني فوله واتقسمت نصين منك عشان كده ماما بتحبني عشانك أنت.

أدمعت عيناه ليردف بحب ::ربنا يعزك يا يوسف ،أنت ابني وأنا بحبك أنت أول فرحتي فعلا أنا ورنا أنت كنت بالنسبالنا معجزه لما فقدنا الأمل في الخلفه ،أنا اه بغير علي رنا منك اووي بس اللي مصبرني أنك بتحبها زيي .

بزات أنك بتتعصب لما بزعلها ،

عز وهو يبكي مصطنعا::كوشي وأرناف باللهجه المصريه يا خواتي

لينفجروا من الضحك ،ليشأر فهد بسبابته ::إتلم أحسنلك

أماء ليردف ::يا باشا اللي تؤمر بيه وجب !!بس يا أبو الفهود يا حبيبي يا غالي ياللي مشبرقني بحزامك وبالفلكه ،،طبعا أنا وأنت يخربيت كميه الحب اللي بينا مقطعه بعضينا من حبك فيا رنا إبقي أكتبلنا قصيده شعر

رنا ::عيوني
ليضحك ::نتكلم جد بقي ،أنا مش هقول أكتر من اللي يوسف قاله فعلاً بُسْ يا بابا حضرتك عمرك مقصرت معانا ولا أنت ولا ماما ولا عمركوا خلتونا نبص لبره وإننا مثلا نرتبط ونحب عشان مفيش إحتواء أو إهتمام بل بالعكس وأخواتي وصحابي كلهم عارفين إني مرتبط بأعظم شخص في الكون ده كله شخص عمره مهيسبني وهو الوحيد اللي بيحبني ولما بيقولي إنه بيحبني ،بصدق فعلا إنه بيحبني وهي روميه أم عيون عسليه ،وحضرتك أعظم قدوه لينا رسخت فينا الحب وحفظ القرآن ومحاضرات في الدين وصاحبنا برغم مزاجك المتغير بس أنت عظيم وكلنا بنحب نشوفك أنت وماما مبسوطين وديما منورين حياتنا

فهد ::بالله الولاا عز ده أول مره فحياته يقول حاجه عدله .

ليضحكوا ويردف ::بس بقي دمعت الله ..

حمزه بصياح ::باااااس دوري يا رغايين ،،أبو الفهود الجميل اللي ورثنا الجمال منه والعيون الزرق اللي مدوبه الحاجه أمي

ضربت علي صدرها ::الحاجه !!دأنا عندي ٣٠ سنه يا ابن ال

فهد ::ابن ال اي !

بلعت لعابها لتردف::ابن الموز

ليضحكوا ويهز الآخر رأسه يآسا ،ليستأنف حمزه ::كل سنه وأنت طيب يا حبيبي وأنت فحياتنا ويديمك لينا وتفضل موجود في حياتنا بعصبيتك وضربك فينا بس والله بنحبك أووي يا فهد أنت مآثر في حياه كل واحد فينا مش كأب لا كصديق جامد أووي كمان .