သူ့စိတ်ကဗလာကျင်းနေတယ်၊ အခုချိန်မှာ ဘာမှအရေးမကြီးတော့ဘူး။
အသက်ရှင်သန်နိုင်ဖို့ကသာ အရေးကြီးဆုံးပါ။
"ဟဲဖန် အတင့်အရမ်းမရဲနဲ့နော်၊ ငါ့ကိုအားကုန်ထုတ်လာရအောင် ဖိအားမပေးနဲ့၊ "
အိုးဟူ ကြောက်လန့်တကြားနဲ့ အော်ဟစ်နေပါတယ်။
"ဟမ့် ငါ့ရဲ့ဂျူနီယာညီလေးက မင်းနဲ့ သာမန်စကားများတာမျိုးပဲရှိတာကို မင်းက ချက်ချင်းသတ်ပစ်လိုက်ရလားကွ"
ဟဲဖန်ရဲ့မျက်နှာက သူ့ရဲ့ပန်းတိုင်မရောက်မချင်းရပ်တန့်မယ့်ပုံမပေါ်ဘူး။
ချူးယွန်က ဟဲဖန်နဲ့ပတ်သတ်ပြီး ဆိုးရွားတဲ့အမြင်မရှိပါဘူး။အနည်းဆုံးတော့ သူက အိုးယွမ်ဂိုဏ်းတို့ အရှေ့အလင်းရောင်ခြည်ဂိုဏ်းက မဟုတ်ခဲ့ဘူးလေ။ဒီဂိုဏ်းနှစ်ခုနဲ့ သူတို့ဂိုဏ်းကလွဲပြီး ကျန်တာတွေက ဂိုဏ်းသေးသေးလေးတွေပါ။
သူ့ရဲ့ နက်နဲအဆင့်နှစ်သိုင်းဝိညာဉ်က ပါရမီရှင်တွေထက် အဆင့်တစ်ဆင့်ပိုမြင့်မားပါတယ်။ဒီလို ပါရမီရှင်မျိုးက ဘယ်ဂိုဏ်းကများ ပေါ်လာတာပါလိမ့်...
ရန်သူရဲ့ရန်သူက ငါ့မိတ်ဆွေပဲ။
အိုးဟူ ပြေးရင်းလွှားရင်း သူ့နဲ့နီးကပ်လာတာကိုမြင်တော့ ချူးယွန် ပြုံးလိုက်မိတယ်။
ဟဲဖန်နှလုံးသားထဲမှာ ဒေါသတွေနဲ့ ပြည့်နေပါတယ်။ဒီသာမန်လို့မြင်ရတဲ့သူက ဒီလောက်ထိ ကြောက်စရာကောင်းနေလိမ့်မယ် ထင်မထားခဲ့ဘူး။စီနီယာအကိုချောင်နန်ပဲ သူနဲ့ လက်ရည်တူတိုက်ခိုက်နိုင်လိမ့်မယ်။
ချီလင်ဂိုဏ်းက သာမန်ဂိုဏ်းလေးပါ၊ ဟဲဖန်လို အစွမ်းထက်တဲ့ လူတစ်ယောက်က ဘယ်လိုလုပ်ရောက်နေတာလဲ?
"အိုးဟူ ဘာလို့ ဒီလောက်ထိ လောနေရတာလဲဟ"
ချူးယွန် ပြုံးရွှင်စွာနဲ့ အိုးဟူကို ဆီးတားလိုက်တယ်။
"ဘာ"
"ချူးယွန်လား"
အိုးဟူ ထိတ်လန့်သွားတယ်၊ အခုလိုခက်ခဲနေချိန်မှာ ချူးယွန်နဲ့လာဆုံတွေ့ရလိမ့်မယ်မထင်ထားခဲ့ဘူး။
အခုချိန်မှာ သူက ချူးယွန်နဲ့ မီတာတစ်ရာလောက်သာ ဝေးတော့တယ်။သူက လမ်းကြောင်းထပ်ပြောင်းဖို့ပြင်လိုက်ရင် ဟဲဖန်က အမြန်ရောက်လာလိမ့်မယ်။ဒါကြောင့် ချူးယွန်ကိုဖိနှိမ်တိုက်ခိုက်ပြီး အမြန်ဆုံးပြေးတာပိုကောင်းတယ်။
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၁ Uni&Zaw ေကာင္းကင္စစ္ဝိညာဥ္(ခ်ဴးယြန္)အတြဲ-၁
Actionအပိုင်း ၁ မှ ၁၉၆ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွားခ...
အပိုင်း 93 ချီလင်ဂိုဏ်းဟဲဖန်
Start from the beginning
