ـــ فــي الـمـسـتـشـفـى ـــ
غادر الجميع وبقيت تارا مع هدى وشيرين بينما خرج عُدي من الغرفة بعد أن أخبر تارا بأنه سيعود بعد قليل .. تأملت تارا طفلتها بحُب واضح وهي تلمس يدها الصغيرة بأصابعها برقة وتبتسم
تحدثت إلى هدى بنبرة هادئة وهي تسألها :
ـ شبه عُدي صح يا طنط؟!ضحكت هدى وأجابت :
ـ هي لسه ليها شبه يا تارا دلوقتي!! .. اصبري شويةتارا باعتراض هادئ وهي لا تزال تتأمل طفلتها :
ـ تؤ.. شبههعلقت شيرين بإبتسامة :
ـ انتي يستي اللي بتحبيه أوي وشايفاه فيهاابتسمت تارا وقالت :
ـ شبهه يا جماعة بجدضحكت شيرين فنظرت إليها تارا وسألتها :
ـ متعرفيش عُدي راح فين؟ .. قالي شوية وراجع وبقاله كتير أويأجابت شيرين :
ـ لا مش عارفة بصراحة.. يمكن راح يشوف حساب المستشفى أو يشوف الدكتورة أو يمكن حتى يكون راح يجيب حاجة كان ناسيها ما انتوا جيتوا على ملا وشكماومأت تارا ثم تذكرت لحظة الألم التي مرت بها وضحكت لا إرادياً وقالت :
ـ ياعيني كان دخل ياخد شاور وانا فزعته في الحمام بصريخي..ضحكت شيرين بشدة وكذلك هدى فقالت تارا :
ـ ده كويس ان الشنطة اللي فيها هدومي وحاجتي الضرورية وهدوم البيبي كنا سايبينها في العربية علشان لو حصل حاجة زي دي منتلبخش..علقت شيرين وهي تضحك :
ـ عُدي اخويا ده موعود بكل خضة وخضة!ضحكت تارا ليدخل عُدي إلى الغرفة فجأة وهو يحمل باقة وروود ضخمة بيده وردية اللون
نظرت إليه تارا وابتسمت فاقترب ووضع الورود على ساقيها قائلاً :
ـ الف مبروك يا حُبي.. م الصبح عمال اقولك مبروك أورديحي سامحيني.. انا جاي م البانيو ع المستشفى عِدل ملحقتش اجيب حاجةضحكت وقالت :
ـ يا عُدي تعبت نفسك يعني انت خرجت علشان تجيبلي ورد! .. وبعدين كل ده بوكيه!!جلس أمامها قائلاً بلطف :
ـ يختي والنبي ما مقامك.. وبعدين انا كنت بجيب حاجة كمان غير الورد .. وكلمت منال كمان تظبط شوية حاجات كده على ما نروح وتعملك أكل يرم عضمك ويقوّتك كده
YOU ARE READING
قلب تائه
Romanceأهو القاسي ذو القلب المتحجر أم العاشق المُحب المُضحي! أهو البارد غير المُبالي أم الذي يكترث لأمر الجميع! لم يعلم يوماً ماذا يريد .. أيبقى وينعم بالسعادة التي وجدها أخيراً بعد أن عاش في ظلال ماضي بقسوة ماضيه.. أم يرحل ويحكم على نفسه بألام الفراق خش...