...بقه حاط راسه على چتفي وصار يشهك ويبجي بقوه وقهر اني هم ابجي وياه .. مااكدر الومه حقه زوجته وانوب ماتت كدام عيونه الله يعين گلبه يمكن اني لو بمكانه مااتحمل واموت. ..
...غمار ...بقه يبجي واني كاعد يمه وره شويه اندك الباب مال غرفه وطب منقذ شافنه كاعدين باوع عليه وكال..
...منقذ ..غمار ..روح جيب النسوان جيب امي ورفيف ومرتك واي واحد يريد يجي وياهم هله بي رح نسوي الفاتحه هنا ابيت ضرار واني انطيت خبر لگرايبنه كلهم رح يجون لهنا ..
...غمار ..باوعت على ضرار وباوعت على منقذ وكلتله..
...غمار...حالته كلش صعبه لتعوفه وحده ابد .
...منقذ ..ليضل بالك روح اني يمه ..
..غمار ..عفت منقذ يم ضرار وطلعت اخذت سيارة منقذ لان سيارتي بقت ابيت اهلي ورحت لبيت اهلي اخذت امي ورفيف ومناك رحت لبيت ام سالي اخذتهن كلهن اني منطي خبر لسالي تحضر نفسها .
.صعدوا كلهم بالسياره والنسوان تلطم وتبجي وسالي حاطه متيم بحضنها ودموعها تصب وتبجي
...اني بس اسوق مااعرف شسوي وشلون اواسيهن واواسي منو ..اذا حالتهن صعبه فحالة ضرار اصعب بهواي ..
...غمار ..وصلت لبيت ضرار نزلت النسوان ورحت صفيت السياره على صفحه لان شفت اكو سيارات بالباب معناهه اكو ناس جايين قبلي..
...غمار...طبيت للبيت وجان اسمع صياح وعركه مال زلم النسوان طبن جوه واني رحت اركض للصاله اريد اشوف شكو ...
...شفت احمد اخو رؤى لازم ضرار من ملابسه ويريد يضربه ومنقذ وحاتم واكفين يدافعون عن ضرار ركضت عليهم لزمت احمد ودفعته عن ضرار وگمت اصيح...
..غمار ...يمعوود استهدي بالله شبيك ..اذا هيه اختك فهيه زوجته وماتت كدام عينه كول ياالله هاي بدال متقرالها الفاتحه هيج تسوي ..؟
...صار يعيط علينه احمد وكال..
...احمد...اي طبعا تدافعله غير ابن عمك ..ولك اختي ماتت بسبب سوالفه المكسره راحت ضحيه لأفعال زوجها ابو النسوان السكير ابو الشرب هيج واحد المفروض هوه يموت مو رؤى .
.شنو ذنبها ولكم يااامة محمد بعدها زغيره عمرها كله 27 سنه شنو شافت بحياتها حته تموت هيج موته...حسبي الله ونعم الوكيل الله ياخذ حقها منك الله لايوفقك ياضرار...
...غمار ...صار يصيح ويلطم ويبجي ويدعي على ضرار وعافنه وطلع من البيت...منكدر نلومه هوه هم فقد اخته الوحيده ...الله يساعده صعبه حيل ...
....سالي ..خلصنه الفاتحه كلها لطم وبجي اصعب شي عليه چانت ذيج الايام رؤى صديقتي المقربه جانت تعرف كلشي عني حته ابسط الاشياء ...راحت ومن يومها ماصادقت اي بنيه غيرها...
...........
...غمار ..خلصت الدفنه والفاتحه وصار اسبوع على وفاة رؤى ..الكل راح لبيته بس اني ومنقذ واهلي بقينه يم ضرار
YOU ARE READING
رهان مقبوضه
Romanceقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
الحلقه 30
Start from the beginning
