^^The last choice^^

အပိုင်း( ၃ )

wifi ပြန်ပိတ်ပြီး နာကျင်မှုကို ရင်ဝယ်ပိုက်ရင်း အိပ်ရာပေါ်လှဲချကာ မျက်လုံးတွေကို မှေးစေလိုက်တယ် အစ်မ ကိုလဲ ဘာစာမှမပြန်မိတော့သလို ဖေဖေနဲ့မေမေကိုလဲ ဖုန်း​မပြောဖြစ်ပဲ အိပ်စက်ခြင်းမှအိပ်ပျော်ခြင်းဆီဖြစ်သွားတော့သည် ကျေးဇူးပြုပြီး အိပ်မက်ထဲတော့မလာပါနဲ့ အစ်မ ရယ် အိပ်ပျော်ချိန်လေးမှာတော့ နာကျင်နေရတဲ့စိတ်နဲ့နှလုံးသားလေးကို အနားပေးချင်ပါရဲ့.......

alarmပေးနေကျ6:45am အချိန်  မမြည်ခင်မှာပင် မိုင်း နိုးလာလေသည် အပြင်ကို ကြည့်တော့ အလင်းလေးက ခပ်မှုံမှုံရယ် နာရီကြည့်လိုက်တော့ 5:39am  နိုင်း ရဲ့ စာကျက်သံကိုတော့ သဲ့သဲ့လေး ကြားနေရတယ် အောက်ထပ်မှာ မမကြီး က ထမင်းအိုးတည်ဖို့ဆန်ဆေးနေတဲ့အသံလားမသိဘူး အဲ့ဒါလဲ ကြားနေရတယ် ပုံမှန်ဆိူ ဒီချိန် မနိုးသေးတာ မိုင်း တစ်ယောက်ပဲ ရှိမယ် နိုးလဲပြန်အိပ်တာရယ် ဒီနေ့တော့ ထူးထူးခြားခြား ပြန်အိပ်မချင်နေဘူး ဖုန်းကိုင်ပြီး လိုင်းသုံးမယ်ကြံလိုက်ပေမယ့် လူနုံးသွားမှာဆိုးလို့ ထိုစိတ်ကူးအားဖျတ်၍ မျက်နှာသစ် သွားတိုက်ရန် အိပ်ရာမှ ထလိုက်တော့သည် ထထချင်းပဲ ဖုန်းဝင်လာလေသည်

- အာ ဘယ်သူလဲဟာ စောစောစီးစီး

ခေါင်းကို ခပ်ကြမ်းကြမ်းတစ်ချက်ကုတ်ပြီးဘယ်သူဘယ်ဝါကြည့်မနေတော့ပဲ ဖုန်းအားကိုင်လိုက်လေသည်

- ဟဲလို ဘယ်သူလဲ မသိဘူး

- မိုင်း ရောက်နေပြီလား အစ်မ ထွက်လာကြိုလှည့်မယ်လေ

- ဟာ စောစောစီးစီး ဘာတွေလာပြောနေတာလဲ မလာဘူးလို့ ပြောနေတယ်လေ အစ်မ က မိုင်းကို ဘာထင်နေတာလဲ အစ်မ မှာ ရည်းစားရှိနေရက်နဲ့ မိုင်း အစ်မအပေါ်မှာခံစားချက်ရှိနေသေးတာ သိနေရက်နဲ့ ဘာဖြစ်ချင်နေတာလဲ မိုင်း ဘဝ ကို အစ်မ စိတ်ကြိုက်ခြယ်လှယ်လို့ မဝနိုင်သေးဘူးလား ဘယ်ချိန်ထိ ဘယ်ချိန်ထိ........

မိုင်း လဲ မနက်စောစောစီးစီး စိတ်ကလဲမကြည် ညက အစ်မ acc က relationship ကြီးလည်း ခေါင်းထဲ ရောက်လာလို့ စိတ်တိုကာ စိတ်လွတ်ပြီး ပြောမိပြီးကာမှ လွန်များသွားလား ဆိုပြီး ပြန်ထိန်းလိုက်တော့သည် အစ်မ ကတော့ တိတ်ဆိတ်လျက် မိုင်းမမှားဘူး မိုင်း​ ပြောသင့်နေတာပြောလိုက်မိရုံပဲလို့ စိတ်ထဲတွေးမိပေမယ့် စိတ်မကောင်းတော့ဖြစ်နေမိသည်