Today a did me last exam and me did really happy. Me inna me car ago home and have Malie ft Starr doll - Unfair games pon full blast.
Me deeven ago 3 chat Me a fuck couple gyal till me knee nock But everytime when me cheat you go cheat back You no know wah you do to gee don, me deeven ago 3 chat Me a fuck couple gyal till me knee Song have a buzz and ano like mia get bun weh me know of. But me feel like a this fi be me anthem nah mek no likkle bwoii play wid me so again.
You can call name, caz everybody knw who you a drop word fahme subconscious say
Me ignore har caz me nah mek she spoil me mood.
"Done tell you if you cheat me ago cheat back, done tell you if you dweetmia go dweet back!", me sing out. People dem pon eh roadside muss a wonder if a mad mia mad.
Me hear the song stop and me phone start ring and kyle name come up pon screen and me ansa.
"You no reach in yet?", him ask
"No mia tek me time, me almost reach tho", me say
"A wahm?", me say wen him go silent.
"Mi a fawud fi yuh lata, so pack wah bag", him say. Him sound like him did a drive so him no talk long.
Just as him heng up the phone me reach a me yard gate. Me enter the house and see me mada and fada siddung ina the living room a watch show pon netflix.
"Evening", me say as me go siddung a look pon wah them a watch.
"Sarah me pay the graduation package, so next week you can go collect the receipt and the sumn dem weh dem a give you", daddy say a refer to eh gown and cap.
Me madda get up a walk go inna the kitchen and me walk behind a har cause me did feel thirsty.
"You ago deh yah fi the weekend?", mommy ask me wen she open eh fridge
"No a wah?"
"Sunday a you likkle cousin graduation and har madda did invite we", she say and then me remember.
"Brit nah go vex wid you if you come home early", she say and me no say nothing. Me wah tell har say ano brit yard mia go but me fraid she ago have problem wid kyle age. Probably all tell daddy and him mek a big deal to. As bad as me be me neva yet sleep a chris yard a him eva come yah. And it probably too early fi tell mommy say mia talk to somebody else.
Me leff dem downstairs cause dem did have work fi go and me did waa go bathe before kyle come fimi. After me bathe and put on deodorant. Me look fi clothes fi put inna wah bag and sumn nice fi put on.
Oops! This image does not follow our content guidelines. To continue publishing, please remove it or upload a different image.
The house did empty when kyle car pull up a me gate and him text me say him outside. Me quickly lock up eh house and go inna him car. While mia put on me seatbelt him lips dem caught me by surprise.
