"You know how long me wah finish me collection a jordan", brit say a eye me shoes dem
"Gyal move and tek you eye offa me shoes dem", me say
"So you madda no ask you nth wen she see you wid so much shoes?", she ask
"She suspect say me hv new boyfren but it no look like she ready fi question me", me say
"U mean new man", brit say mek me laugh
"U no eze eno, memba say the lady seh 1:00 she a rch ova alex yard and your head big it ago tek long fi install the hair", me say
We hv graduation tmrw so alex set appointment fi me and brit wid this bad hairstylist weh famous pon insta and kyle insist pon paying fimi hair all when me tell him say me can ask daddy fi the money. Me neva argue wid him tho cause me wudnt win.
"Alrite cme mek we go weh", she say
Me drive go to alex house inna me likkle fit and park it inna the yard. We exit the car and walk go inna the house. We spot we mn dem inna the living room a play game and brit tek seat inna alex lap and kyle walk up to me and me wrap me hand roun him waist. Him did smell good as always.
"Wah kinda perfume u use?", me ask and him look pon me confuse
"A because you always hv this one scent and it smell gud u fuck", me say a bury me face inna him chest.
"Oh if you want me can buy some fi you", him say.
Him and him spoiling
The hair dresser arrive and me and brit did a decide who fi go first. Me did waa go first cause me feel brit head did too big n me couldn't bother wid the long wait. N by the looks of tgs it did look like she neva ready fi get up out a alex lap.
"Me ago go first", me say.
Me whole seat infront a the hairdresser n wait fi she set up her area. Kyle tek seat near to we and the lady start blush wen she see him.
Lawd gad not another one me internally groan
A you wrong fi deh wid cute mn me subconscious say
Kyle see me face through the mirror and start smile. Me did look vex ofc. Like me haffi get used to the amount a wonan weh ago flirt wid him. A mean ano like him a pay dem no mind a me the boy want.
Me start smirk to meself and the feeling fi dun the gyal go weh. She start cornrow me hair and then she put on the cap and quick quick me hair did finish inna no time.
The wig did fit me and a the first mia wear one so me did nervous as to if it would a fit me.
Kyle and the lady go waa corner go talk it look him did a ask fi the lady banking info.
How you one so sure? Me subs say
A haffi that a cud a nth else
Him walk up to me wid wah smile and pat me head.
"This fit you eno", him say referring to the hair
"Thanks", me say smiling
"You ready?", him say mek me confuse
"Ready fi go where b?", me say
"Me mek appointment fi u nails do", him say juss as him phn start ring.
Me follow him go to di car and him open eh door fimi. Me wait pon him inna the car cause him did still a talk pon him phn so me tek eh time fi snap meself. Some a me classmate dem post them hairstyle frm early pon dem status but me neva waa stale out mine. Kyle enter the car minutes afta and drive we to waa plaza inna the town.
