A Vidente

Chapter 13

PINAGMASDAN  ni Romulus ang singsing na ibinigay niya kay Beatrix. Naiiwan nito sa nightstand. Naiwan. Iyon ang gusto niyang isipin. Pero paano kung sadyang iniwan. Mababaliw siya kakaisip. Cool off lang naman. Babalik din si Beatrix. Maybe a week. He'll wait. He'll wait for her. 

Kumurap si Romulus, nahugot mula sa malalim na daloy ng iniisip nang may malamig na bagay na dumikit sa kanyang pisngi. Tumaas ang kanyang tingin sa babae. Matamis itong ngumiti sa kanya. Inabot niya ang lata ng beer na inalok nito sa kanya. Isinuot niya ang singsing sa hinliliit, nasa ilalim ang diyamante. 

"Thanks, Aurora." Binuksan niya ang lata at deretsong ininom iyon. Nagyeyelo ang likido na dumaloy sa kanyang lalamunan pero hindi niyon napagaan ang bigat ng nararamdaman. 

"Beatrix needs some alone time. Don't act as if she'd break up with you permanently," Aurora advised him, walking  towards her husband, Axton. Sa pag-upo nito sa tabi ng asawa ay agad na ipinaikot ni Axton ang isang braso sa baywang ng asawa.  

"That's what we told him," Axton stated before taking a swig of his beer. Dumating si Luna at nagpatong ng pulutan sa mesa bago naupo sa tabi ni Fhergus na katulad ni Axton ay ipinaikot din ang braso sa baywang ni Luna. Kasalukuyan silang nasa compound ni Fhergus. Nag-iinuman habang nasa harapan ng firepit na may munting apoy lang. Their kinds weren't comfortable with the enormous fire, but Aurora was here, and Axton couldn't let Aurora suffer through the frizzy night, so they lit the fire pit.  Logan and Damon were here too. Dumating ang mga ito kanina lang. Marahil ay dahil sa kanya. Mabuti na lang at hindi kasama ang kanyang papa. 

"Hindi pa kayo niyan mate ni Beatrix, ah? Ano na lang kung naging mate pa kayo? Baka nagpatiwakal ka na  niyan," si Logan na isang  bote ng alak ang iniinom; ang klase ng alak na ginawa para da uri nila. Ito na iyong pinakamatamang.

"Ikaw nga wala ka pang karelasyon niyan pero daig mo pa ang broken-hearted." Natigil si Logan sa pagtungga ng alak. Bumusangot lang ito pero hindi sumagot sa sinabi niya. 

"Kung sakali mang makipaghiwalay nga sa 'yo si Beatrix dahil sa past lover nito…then ouch!" Nagkatawanan ang mga lalaki sa pang-aasar ni Axton. Sinita naman ito ni Aurora nang makitang hindi natutuwa si Romulus. 

"Pero seryoso, Romulus. Don't complicate things. Ang nakatakda ay nakatakda. Kung si Beatrix talaga at iyong Baltazar you have to accept that. Ibig sabihin may laan para sa 'yo." Romulus preferred the first comment of Axton over this one. Nagdagdag lang iyon sa prustasyon na nagpapahirap sa kanya.  

"Kung mawala kaya sainyo ang mga asawa niyo? Ano'ng mararamdaman niyo" seryosong tanong ni Romulus. Kahit imposibleng mawala ang mga asawa nitong parang bula sa tabi ng mga ito ay humigpit ang mga braso ng dalawa sa katawan ng mga asawa. Ang lalakas ng loob pangaralan siya pero ang mga ito mismo ay takot mawalan ng mga asawa.

"We're mates, Romulus," Fhergus defended. 

Romulus rose up and placed the empty can on the table. "I love her. That's more powerful than the ties mates experience." He turned away from them and began walking away.

"Saan ka pupunta?" habol na tanong ni Fhergus habang papalayo siya. 

"Kuha ng pulutan," tugon niya habang patungo sa bahay. Nang nasa main door na ay natigil si Romulus sa paghakbang nang makita ang sasakyan. Nilinga niya ang matatandang Lycan. Bumuntonghininga bago pumasok ng bahay. Deretso sa kuwarto, kinuha ang susi ng sasakyan sa ibabaw ng nightstand saka muling lumabas at deretsong sumakay sa kanyang sasakyan. Agad niya iyong pinaandar at inilabas sa compound.  Narinig niya ang pagsigaw ni Fhergus sa pangalan niya pero hindi niya ito pinansin. 

Makalipas ang dalawang oras ay natagpuan ni Romulus ang sariling nakaparada sa tagong bahagi kung saan tanaw ang bahay nina Beatrix. Mababaliw siya kapag hindi niya nakita si Beatrix. Tama sina Fhergus, hindi pa sila mates ni Beatrix pero may nakakabaliw na itong epekto sa kanya. Habang tumatagal palalim nang palalim ang nararamdaman niya para kay Beatrix. Parang inalipin na nito ng tuluyan hindi lang ang puso niya kundi pati ang isip at kaluluwa niya.