🤴🗿أمير في عصرنا3🤴
🌼🦅العُقَابُ الأسطوري🦅🌼
للكاتبة✒: Victoria Kaelin
💜📖الجزء 1📖💜▪︎مملكة كينتاريا - القصر الملكي▪︎
"كينتاريا" أو مملكة المشعوذين المتواجدة فالمغرب داخل غابة مايمكنش لحتاشي بشري يشوفها بعينيه ولا يحط رجلو حدا أسوارها و فقصرها الملكي كانت ملكتها منغمسة فأعمالها حتى تسمع الدقان فباب مكتبها...
كوثر: تفضلي
تمات داخلة امرأة صهباء فالخمسينات تتبان باقة شادة فراسها لابسة فستان طويل بالكمام فالأخضر الملكي مع قبعة مخملية فوق راسها فنفس اللون تتبين مرتبتها العالية وسط الخدم و لي هي رئيستهم..انحنت احتراما و إجلالا للملكة و بقات واقفة ضامة يديها فإنتظار الأوامر...
بهار: طلبتي حضوري جلالتك
كوثر حطات الريشة لي كانت مغمسة فالحبر و جبدات كتاب سميك صفحاتو كثيرة: فين وصلتي مزال فالبحث على البنات؟
بهار: قصدك الجواري ا جلالتك؟..قلبت على كاع الشابات فكاع العائلات النبيلة فالمملكة للأسف كانو قلال بزااف بعدد رؤوس أصابعي
كوثر بإستغراب: لهاد الدرجة؟ مملكة على قدها؟! و مافيهاش شابات عازبات؟؟؟!
بهار بتوتر: الأغلبية ا مولاتي مزوجين ولا باقيين صغارات مزال مابلغوش و كيفما هو معروف لازم نلقاو البنت البكر من كل عائلة نبيلة فمملكتنا و لكن للأسف مالقيتش العدد المطلوب درت جهدي كاملو ولكن جيل الأمير شيرزاد قلال بناتو و حتى الجيل لي موراه بناتو صغارات على الإرتباط و الزواج
بقات الملكة كوثر ساهية تتفكر حتى جاتها فكرة ذهبية قادرة تحل بيها هاد المشكلة!...
كوثر: اش بان ليك نشوفو العائلات النبيلة لي انتاقلو من المملكة و عاشو وسط البشر!! اكيد غيكونو بزاف عندهم بنات للزواج خصوصا و انه البشريات ديال هاد الجيل متيفكروش ابدا فالزواج بااغيين يقراو و يسافرو و يخدمو...
بهار هزات راسها بإنبهار: فكرة ممتازة جلالتك كيف متوقع ديما من ملكتنا الإستثنائية!
ناضت كوثر من كرسيها حتى وقفات قدام بهار و حطات يديها بجوج فوق كتافها بإبتسامة: غتمشي تواصلي ليا مع كاع العائلات لي عندهم بنات عازبات و تسيفطي ليهم الدعوات..ااه و حاجة اخرى إسم "الجواري" غيتبدل ماعرفتش شكون هاد الملك أو الملكة فالسابق لي سماوهم هكاك...
بهار بفضول: واخا مولاتي..و شنو غتسميهم؟
كوثر طلقات منها عاطياها بالضهر: غنسميهم "المحظوظات" لأنهم أولا محظوظات حيت تم إختيارهم لولدي الأمير شيرزاد و ثانيا حيت تختارو فالوقت لي المملكة عندها نقص من الشابات المناسبات!
YOU ARE READING
🦅🌼العُقَابُ الأسطوري🌼🦅| مكتملة✨️ (باللهجة المغربية)
Fantasy⛔ممنوووووع الإقتباااس جميع الأفكاار و الأحداااث من مخييلتي الخاصة⛔ رجعت ليكم مرة اخرى بالجيل الثالث و الأخير من قصتنا الخيالية الرومانسية "أمير في عصرنا" أحفاد الأمير البشري بيجاد و النصف مشعوذة هاجر..أولاد ملك المشعوذين شاه و ملكة المشعوذين كوثر م...