ဂျင်ရန်ကတော့ ဒီလိုမျိုးအတွေ့အကြုံလဲမရှိတာကြောင့် ရင်ဟန်ဝမ် ရဲ့ ရည်မှန်းချက်ပန်းတိုင်က ဘာလဲဆိုတာသူမ မမြင်နိုင်ခဲ့ပါဘူး။ဒါပေမယ့် သူမမြင်နိုင်လို့ ချူးယွန်လဲမမြင်နိုင်ဘူးလို့တော့ မဆိုလိုဘူးလေ။
"ဒီအတွေ့အကြုံလေ့လာခြင်းက ကျွန်တော်တိုးတက်လာစေဖို့ အခွင့်အရေးတစ်ခုပဲလေ၊ ဒါကြောင့်မို့လဲ ငါဝင်ပြိုင်မှာပါ"
ချူးယွန်က အေးအေးဆေးဆေးပြောလိုက်ပြီး ဂျင်ရန်ကိုပြုံးပြလိုက်တယ်။
"စီနီယာအမဂျင်ရန်၊မင်းရဲ့စေတနာတွေအတွက်တော့ ကျေးဇူးတင်ပါတယ်"
"ချူးယွန်...နင်...."
ဂျင်ရန်လဲ အလွန်အံ့အားသင့်သွားခဲ့ရတယ်၊ ချူးယွန်က ရုတ်တရက်ကြီး ဘာကြောင့် ဒီလိုပြောလာခဲ့တာလဲဆိုတာ သူမ လုံးဝနားမလည်ခဲ့ဘူး။ ဒါက သူ့အခွင့်အရေးမဟုတ်ပဲ အကြီးအကဲစူးဇီလက်စားချေနိုင်ဖို့ အခွင့်အရေးရှာပေးသလိုဖြစ်နေတယ်ဆိုတာ သူမသိဘူးလား?
ဒီလိုဖိအားနဲ့အခြေအနေတွေကြောင့် ချူးယွန်က အတင်းအကျပ်ကိုယ့်ကိုကိုယ်ဖိအားပေးပြီးထွက်လာခဲ့တာများလား?
ရင်ဟန်ဝမ်ရဲ့မျက်လုံးတွေကလဲ ကျဉ်းမြောင်းသွားပြီးနောက် သူက ချက်ချင်းပဲ တုံ့ပြန်ပြောဆိုလိုက်တယ်။
"မဆိုးဘူးကောင်လေး၊ မင်းက သတ္တိရှိသားပဲ"
"ဟားဟား....မင်းကြားလိုက်လား! သူက အခု အတွေ့အကြုံလေ့လာခြင်းမှာပါဝင်ဖို့ ဆုံးဖြတ်ပြီးသွားပြီ၊ သိပ်လဲမစိုးရိမ်ပါနဲ့....ဟဲဟဲ"
ချူးယွန်ပြောတာကိုကြားရတဲ့အခါမှာတော့ အတင်းဖိနှမ်ထားရတဲ့ ချူးယွန်ကို လက်စားချေလိုတဲ့စိတ်တွေက ချက်ချင်းထွက်ပေါ်လာပြီး အားရပါးရ ရယ်မောလိုက်ပါတယ်။
ဂျင်ရန် ဒေါသတကြီးနဲ့ ခြေဆောင့်နင်းလိုက်မိတယ်။ချူးယွန်ဘာလုပ်ဖို့ကြံနေတယ်ဆိုတာ သူမ လုံးဝနားမလည်ခဲ့ဘူး။
ချူးယွန် အတွေ့အကြုံလေ့လာခြင်းမှာ ပါဝင်ဖို့သဘောတူခဲ့တာကို ကြားလိုက်ရတဲ့အခါမှာတော့ ဇွန်ရင်းရဲ့ ခဲဆွဲထားသလိုလေးလံနေတဲ့နှလုံးသားဟာ အေးအေးချမ်းချမ်းဖြစ်သွားပြီး သူ့နှုပ်ခမ်းထောင့်တွေကတော့ ကျေနပ်မှုတွေအပြည့်နဲ့ ပြုံးလိုက်သည်။
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၁ Uni&Zaw ေကာင္းကင္စစ္ဝိညာဥ္(ခ်ဴးယြန္)အတြဲ-၁
Actionအပိုင်း ၁ မှ ၁၉၆ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွားခ...
အပိုင်း 27 အတွေ့အကြုံလေ့လာခြင်း(သို့)သားရဲချူပ်လှောင်ခြင်းခန်းမ
Start from the beginning
