شاهينة نذر الحوافي

البارت 34

جيهان بعدم تصديق : ايي انتَ حاقد لأن كلام جدي صحح

فر ركبته .. جلال : كلام ايش؟ هاااا

جيهان : انتَ السبب بموت طلال وساعتها كلنا حملناك السبب
مو بس جدددي لجن سكتنا من شفنا حالتك جدي الوحيد الصارحك

تخبل ودفر الميز

جلال : اييي اوووك انه السبب وانه الكتلته وانه الاخذ ثاره هم ..
رفع ايده بأستسلام .. عندج شي بعد؟

هلال : جلااااال جيهاااان شبيكم تخبلتوووا؟

جيهان : ماتخبلت لا .. بس هو الي جان يدري بزواج ابونا
وضم علينا وهسة يتهم جدي الي ربينا بحضنه؏ اساس ضام
علينا ابن ابونا .. انتَ مقتنع بكلامه؟

هلال : محد يتصرف بدون مايعرف شي

جيهان : لااا جلال بنفس طيشه يتصرف ويشك مثل مايريد
..باوعتله ..مو صح ؟

.. رفع حاجب وعض شفته بخيبة

هلال : لاتمسلتين زايد .. جا ليش مانشك بيه لجدج ؟

جيهان : بكل سهولة هو الربينا بحضنه واهتم بينا من مات ابونا
ولزم عمامي حدهم من رادوا يزوجون امي وخلالنا مكانه بين
احفاااده وفضلنا عليهم كلهم

ضحك جلال وهز راسه : صحيح وهو نفسه الطردج خلالها مكانه
جيهان : لاتوكفله ؏ خطأ واحدد وتنسى كل افضاله

صاح بصوت فززني : لججج افضال شنو؟ احنا لحمه طبعاً
يحمينا من كالواحد .. ليش؟ سألي ليش؟

جيهان : ليش؟

جلال : إذا واحد من عمامج تزوج امج حصة ابوج تروح الهم
من توافق .. وماخله امي تروح بكل بساطة
احنا 3 ولد وبنية حصة جبيررة ليش تروح لخوالنا
ماسألتي ليش احنا لهسة ماأخذنا الورث هااا .. ما سألتي ليش ماأعترف بفراس او ليش ماخله ابوي يعترررف بيه حتى لتروح
فلوسه لناس مايريدهم

جيهان بتبرير : بَس هو ميدري يجوز

جلال : ومايسأل ابوي شعندك جاي رايح البغداد كل هالمدة
وكلنا نعرف
شگد ابوي جان مطيع اله ..

جيهان : شغله هنا

ضحك بستهزاء : صحيح شغل ابوي بغداد هو الي عرفه
؏ مرا الجابت النا اخو .. ويبقي ابوي مسوؤل ؏ شغل هنا وهو
يدري كلب ابوي هناا معلك بالرغم من زواجه بأمي !
.. بابا يدري
بزواجه يدرري متأكد مثل اسمي .. لا تبررين زايد
وحتى بفراس يدري حافظه بظهر غيب مايفوته هيج شي
ودام يدري بزواجه يعرف بالطلاك والا ليش فجأة رجل ابوي نگطعت من بغداد ومن جابت رجع هيج هم يعرف بفراس
.. وبعدها صلته انتهت بيها لبغداد لا شغل ولا مرا والابن أمن عليه
يم اخوه وصاحبه وبقى يمنا مجبوور مايرادلها تفكيير وعقدة
.. تقبلي هذا مو الرباج لسواد عيونج رباج لخاطر جم فلس
باجر عكبه يرجعن الج بالقانون او بالشرع .. فَ يحتفظ بيج ويوكف
حياتج يمه ويخلي الفلوس اله .. ليش رفض زواجي بشاهينة مفكرتي ؟ ليش يدفعها الثمن ؟ او ليش حقدت مثل متگولين؟