احببت_متوحدا🌹

21

21
وصلوا لطبيبة خلاتهم وحدهم كالعادة و خرجت مشات قدام للبحر قعدت عالصخر تتامل فيه مازالت دايخة و تايهة اول مرة يقربلها كاك زعمة يحبها غمضت عينيها سرحت قعدت تتخيل هيا و اكرم مع بعضهم فالوقت هاكا كان اكرم يحكي لطبيبة بالاشارات و سعات يطير كلمات يحكيلها عالقاعد يصير فيه مع مرام و يستفسر الشعور متاعوا وقتها قررت الطبيبة تعلموا لكلمات لي لازموا يقولهم لمرام باش يعبر علا حبوا لاها
غزرت للمنڨالة تلقاه معادش بكري و عمل ساعتين عند الطبيبة مشات للكابيني دخلت تلقاه يستنا فاها خلصت سكريتار و خرجت جات شتاخذ تاكسي عاد قالها
-ن..ح..ب ن...م...شيوا كان يتكلم بصعوبة اما الشي هذا فرحها بدا يتسرح فالكلام شدها من يدها و قعدوا يتمشاوا لين وصلوا بطبيعتها الدار مش بعيد برشا علا الدار وصلوا بدلت دبشها دخلت طيبت مقرونة حضرت سلاطة و jus d orange و طيبت كوكيز حطت الطاولة عيطتلوا قعدت بحذاه بدا يأكل و سعات يوكلها كملوا كلاوا قعدوا في الصالة مشات جابت كوكيز و العصير و معاه شيبس و قطانيا حطوا فيلم يتفرجوا و ساعات يسرقوا نضرات لبعضهم المطر بدات تنكت و عمال تقوى مرام سمعت حس المطر تجبد فيه من يديه و تجري باش تخرج جات تحت المطر حلت يداها تستنشق حلت عيناها تلقاه واقف بحذا لباب مشاتلوا تجري و جبدتوا من يدوا و قعدت ادور بيه وقف اكرم لحضتها تفكر لي علمتهولوا الطبيبة و شلازموا يعملوا قعد علا ركبة و نص مرام مستغربة و بدأ يتكلم بصعوبة أما نجم يتكلم و يتفكر
-م...ر...ا..م..ي.ا.ر..و...ح..ي..ا...نت.ي ع..ي..نيا ...ن..ح.ب..ك ووقف مرام نڨزت عليه حملتوا تبكي و تشهق
-حتى اني يا حبي حتى اني نحبك انتي روحي و قطعة مني ملول نسخايلك مش بش تبادلني نفس الشعور حمد الله ياربي نحبك نحبك نحبك
قعد يدور باها و بعد هبطها قعدوا يغزروا لبعضهم نفسهم السخون يضرب في و جوهم و لمطر تجبد تحتهم
دخلوا للبيت حطتوا عالفرش مدت منشفة تشيحلوا في شعروا و مبعد جابت سشورتهولوا و هو يتأمل فاها يعبي في عينيه باها مدتلوا دبشوا بدلتلوا و قعدت شتشيح شعرها ترا فيه يقربلها خذا المنشفة من يدها نشفلها شعرها و عملها نفس لي عملتوا معاه حضرت قهاوي قعدوا قدام شوفاج حطت راسها على كتفوا و سرحوا لثنين في عينين بعضهم حستوا بدا يقربلها نفسهم تخلط مرام صدرها طالع هابط مش مصدقة لي قاعد يصير نفسها بدا يتقطع علاها بعد علاها شوية تكلمت بصوت واطي
-اكرم ياخي منين تعلمت هذا
-م...ن ...ط...ب. ي..ب
-شبيه تحسوا منحرف الطبيب ههههه 😂😂
نهارين تعداوا غاطسين في العسل سي زياد و مدام خديجة رجعوا لاحضوا فرق كبير في اكرم و لا يحكي خير من قبل و يدخل في روحوا بيناتهم ولا يخرج و عمل صحاب اموروا بدأت تتحسن