احببت_متوحدا🌹

05

5
مرام قعدت حالة فمها في الدار اول مرة تجيها دار كبيرة و متحفنة دورتها رانية فالدار كان بيت برك مخلتهاش تتدخللها ستغربت مراام اما فيسع نساتها فرحانة ببيتها الجديدة كبيرة و بيرو و فرش كبير و مرتاح حطت دبشها و تكات قعدت تخمم في البيت لمسكرة حتى لين هزها النوم فاقت معا المغرب و تعشات قعدت تسهر هيا و رانية دارتلها تسال فاها
-رنيوش شفاها لبيت هاكي و ياخي مش قتلي عندك خووك اسمو اكرم فينوا
-اوفففف مرام يزي مالاسئلة خنتفرج
مرام بهتت كيفاه و جها تقلب ولا الوان و الي زاد صدمها كيفاه عيطتت علاها عاودت سالتها
-باهي وين عبير
-هوكي في بيتها مشات سلمت علاها عبير اكبر من مرام بعامين حدها حد روخها د يما في بيتها عكس رانية قعدوا يحكيوا عالقراية بعد رجعت مرام لبيتها خطر عبير شترقد و زيد خرجت لقات لحس بايت لكل راقدين دخلت ختت الغنا بشويا هيا كاك و تسمع في خسس بكا عمال و يزيد و يقوى
خرجت من بيتها و قعدت تبع في حس لبكا قاعدة تقرب لبيت لمسكرة و حس لبكا عمال يقوى صوت خشين رجولي حس بكا بحرقة قاعدة تقرب حتت يدها عال كوبة
-مراااااام
تلفتت مفجوعة تلقا رانية عيناها حمر بالغش
-ياهي شقتلك اني شقتلك اااه مش قتلك تقربهاش البيت هاكي
مرام قعدت مصدومة نجمتش تتكلم اول مرة ترا صاحبتها بالحالة هاكي سي زياد سمع صوت رانية عمال يقوى خرج يلقاهم قدام البيت مرام تبكي و رانية عمال تزيد تعلي في صوتها
عيط علاها
-رانييييية شبيك تعيط على اختك
-يا بابا كانت شتدخل للبيت
مرام سمعت كلامها سطل ما هبط علاها هاذي صاحبتها من وقتاه تخبي علاه
-مراااااام عيش بنتي ارجع لبيتك
-يا عمي والله سمعت حس بكا حبيت نعرف
-باهي بنتي مفما شي مرا جاية تسمع حتى عياط و لا تكسير ميهمكش فاها شد بيتك و اسكت
-باهي عمي
رجعت لبيتها مصدومة اول مرا سي زياد يحكي معاها هكا