احببت_متوحدا🌹

07

7
-مش قتلك خويا اسمو اكرم مريض بالتوحد ملي هوا صغير
-يعني تولد بيه
-يا لحكاية بدأت ملي عمرو 6 سنين اول مدخل للمدرسة صحابو لكل يكرهوه و ديما حاقرينوا و يتمنيكوا عليه يروح لامي يبكي أما ماما عطاتهاش أهمية لحكاية ولا في الكلاس ديما وحدوا في الدار و سعات يولي يعيط و يكسر لي قداموا و امي باقي مش عاطية أهمية للحكاية و بشويا بشويا ولا ديما في بيتو و لقراية معادش يعفسها ديما وحدوا و كي هزوه للطبيب قال فما امل ولدك ينجم يرجع لباس عليه كي يتأثر بشخص و فما إمكانية يرجع لباس عليه زادا أما صعيب برشا يتأثر بشخص و قد امي حاولت حاولت نجمتش لين صنعتلوا عالمو الخاص تحكي و تبكي بشهقة مرام سخفت عليه ياسر قلبها وجعها تبكي و تحكي
-تعرف يا مرام نتمنى نرا خويا يحكي و يضحك معانا عبارة مش موجود في الدار كي نسمعوه يبكي و لا يكسر و لا يعيط ولات حاجة عادية حتى من محمد ولا معاش يحب يجي باش ميشوفوش بالحالة هاكي
-بربي قولي يا مرام طفل عمرو 22 سنا ميخرجش م يصوحبش مدفون بالحياة يا ناري علا وخي
ولاو زوز يبكيوا مرام تبكي عليه نتعرش علاه ساخفة عليه و رانية خاتر اختو تحس بيه
-ايا نخليك كسرتلك كرايمك لحديثي نمشي نرتاح اني شوية
-لا و راس اختي بالعكس حاسة بيك على كل حال لازم العبد يحمد ربي
-اي ايا باي نخرجوا لعشية كان تحب
-يا و شخص نحب نشري دبش لقراية مزاللها جمعتين
-باهي يا روحي
رانية بربي عندك حاجة نلبسها كان نتحبش ميسالش
-لا ياح ايجا حضر روحك معايا بعد
-باهي موااااااه
خرجت رانية قعدت مرام تخمم في اكرم تبكي مغير متشعر بروحها لين هزها النوم هي أكاك و تسمع في الباب تحل ترا في جهامة عبد واقف قدامها هزت راسها تلقا اكرم قدامها تفجعت تنطرت مالفرش جا قدامها و قعد علا ركايبوا و عملها إشارة متع سامحني قليل باش يفهمومها أما مرام فهمتها بحكم تتفرج علا مسلسلات تبسمتلوا و قعدت علا ركايبها قعدت تغزرلوا تشجعت و هزت يدها مسحتلوا علا لحيتو و قربت باستو من خدو في لخضة هاكي دزها و خرج قعدت باهتة فيه أما مستغربتش خاتروا مش فايق بروحوا خارج يجري في اللحظة هاكي مدام خديجة راتوا خارج من بيت مرا مشاتلها تجري
-يااا شومي يطلعش عمل سبة في الطفلة أمانة عندنا
دخلت لها تجري
-يااا بنتي عملك حاجة تقليش ضربك
-لا طاطا عملي شي شبيك خايفة اكرم مش غوووول راو
-لا ردبالك منو هاني وصيتك بنيتي و زيد كيفاه عرفت اسمو