احببت_متوحدا🌹

12

12
صباح جديد مرام حلت عيناها بشويا تلقاه مزال راقد تبسمت
-اااه و كان جيت لباس عليك رانا معا بعضنا راك تحس بلي نحس بيه اما نوعدك يا روحي نقعد معاك لين تبرأ و حتى كان قعدت هكا نتحدى العالم لكلو علا خاطرك اففف فاش تخرف يا مرام مش باش يحس بيك زايد
بعدت عليه بشويا خرجت عملت تولاتها عملت قهوتها و حطت فيروز خرجت لتراس قعدت علا كرسي و سرحت في الدنيا لي عايشتها ما كنتش مصدقة في المكتوب باش يجيبها لهنا و تحب واحد متوحد ميحسش باها ميفهمهاش مينجمش يعبرلها علا حبو باها مغير متشعر دمعتها هبططت و من دمعة ولاوا دموع
حل عينيه ملقهاش بحذاه هبل في مخوا خرج يجري يلوج علاها قول طفل صغير ضايع يلوج علا اموا دخل لبيتها لقهاش لقا الباب محلول خرج لقاها مشالها يجري فرحان خاتر لقاها يسمع في صوت بكا قرب لقاها تبكي مشالها يجري قعد بخذاها يخزرلها في خزرة متع سوالات تخزرلوا منجمتش تحكي خاتر عارفة مش بش يفهمها زادت علات في البكية قلبوا وجعوا حس لي اول مرة يوجعوا قلبوا علا خاطر عبد بحركة لا إرادية حملها خباها في صدروا حب ينطق يتكلم منجمش و هذا لي خلاه يبكي معاها فماش تفهموا لي هوا حاسس باها

هزت راسها تلقاه يبكي قلبها حن عليه مسحتلوا دموعوا و دخلتوا حطتوا فبيت لفطور جابتلوا قهوة شربتهالوا رجعتوا لبيتو و دخلت لبيتها لبست دبشها سيبت شعرها و قررت ليوم تمشي لطبيب نفسي لازم تلقا حل لحكايتو و تعاونوا قررت باش ترجعوا كيف ما كان قبل متخرج حلت تليفونها لوجت علا اسم طبيب باهي و اخيرا لقات اسم احسن طبيب في تونس كلمت سكريتار و خذات رنديفو معا 09.05 هزت ذهب لي عطاتهولها امها للصايغي باعتهم و تعدات لطبيب