(لي يحب صور اكثر compte Instagram: Alessandro Dellisola)
تنهدت و قاتلوا : وليدي دينا هذي صعيييبة و هذي محنة ربي بلاك بيها باه يختابر صبرك و اكيد ربي سبحانوا مراحش يخلي صبر 7 سنين يروح لكن أتكد راح يجي نهار و تتكافئ على صبرك و على حساب نيتك .. شوف للقدام أنسى ماضي لي فات مات اذا كانت حاجة نتع خير ربي راح يلاقيك بيها و اذا كانت نتع شر ربي يبعدها عليك بعد سماء على الأرض (نصيحة ليكم حتى انتم)
الياس : ان شاء الله يما ربي يخليك ليا
ياسمين : امين
الياس : انا نروح ندوش و نريح شوية
ياسمين : خود راحتك
سلم على جبينها و طلع لشومبرتوا حط تلفون يشرجي و دخل يدوش و من بعد كلا و رح رقد ديراكت
نهار جديد على أبطالنا و احداث جديدة..
ناضت ملاك كيما عادة نفس روتين نتع كل يوم كملت مجامعة فطرت و راحت تخدم لقات نصف خدامين تما تشوكات و سقسات لي كانت في لاكاس تعاود في غوجلاف : اسمعي واش كاين ليكيب راهي كامل يوم ؟؟
_راه جاي الياس **** صاحب ايوب ****
ملاك : ااااه ايوب هيه و شكون دا الياس
_ اوووف تقول مكيش عايشة هنا هذا اكبر رجل أعمال يعني هذي فاميلية معروفة بشركاتها و هذا حفيد ديالهم عندوا شركة مشتركة مع صاحبوا سما يتمشوا و يسيلوا بدراهم يا جدك
ملاك : مليح الله يكثر رزق شكون راح يتلهى بيه -راهي مخلطة حالة مش عارفة مزال متفاهموا شيرات
ملاك : هيا مالى انا ني فوق
_ منيتك مكيش باغية تشوفيه ؟؟
ملاك : واش راح ندير بيه مثلا جيت نخدم و نسترزق مشي نزوق روحي لعباد ربي باه يشوفوني اصلا هو مهش دايهة فيهم غير هما يترماو عليه
_ بببففف يخي مقعدة وقيل باباك مزيك كامل هكذا
ملاك : الله يرحموا
سكتت طفلة و قبل متحكي كانت ملاك طلعت فوق وين كاين سلعة و دايرينلهم بيت يبدلوا فيها جمعة في كرسي و بقات تبكي بصمت غير دموع يهبطوا معباتش كامل و غفات
تحس بيدين شيرة تنود فيها راح حاال
- نودي ملاك راح نغلقوا؟؟
ملاك ناضت مخلوعة : وشنوا شحال ساعة ؟؟
- سبعة
ملاك : اويليي لاه منوضتينيش
- باترون مكانش هنا جا غير قعد شوية مع الياس و راح
ملاك : هووف حمد لله
- غدوة متخدميش؟؟
ملاك : لالا نخدم تفاهمت معاه قتله نخدم يوم باه نهار خميس و جمعة منخدمش
- اااه اوك مهم هيا ريقلي روحك انا نروح نغلق باب كبير نخلي صغير باه نخرجوا
ملاك شوية و نلحقك
ريقلت ملاك روحها رشت شوية برفان و راحت لدار و كيما عادة قرات شوية و عاودت خديجة غسلت ماعين و رقدت ...
الياس صباح كي راح للبوتيك تلاقا شعب هايج هي صح حالة منظمة لكن عصبوا موقف لي تحط فيه سما بينوا و بين روحوا قال مرة جاية نجي بلا موعد
(اغلبكم قال راح نلاقيهم و كذا و يصرى بينهم موقف لكن نووووووو ماشي هكذا لازم شوية سوسبانس)
نرجعوا بثلاث ايام او اكثر (وقت سامي دا تلفون نتع احلام)
رسل ميساج لادم و صباح بكر و راح فروندمار بقا شي نصف ساعة وصلوا ميساج من عند ادم :احلام وينك ؟؟
دور راسه يشوف منا و منا معرفوش وينوا اكزاكت عيطلوا في تلفون غير شاف وحد جون حط تلفون في وذنه قرب عنده يتاكد اذا هو صح
ادم : الوا احلام ؟؟ وينك ؟؟ احلام الوو ....
نحالوا تلفون من يدوا و خبطوا في ارض
شاف فيه ادم و قاله : واش بي ر** انت هااا
شده سامي من كول و قاله : شوف اخر مرة نشوفك دور باحلام اقسم برب كعبة لا نقتلك و انت حي
ادم : واش بيك ****** على ***
سامي رجع طيحلوا و خبطوا بدماغ لراس و
لصقت بيناتهم و بقاو مضاربين حتى بعدوهم
سامي : مرة جاية نقتلك و نشوفك دور بيها
ادم مسح دم من فموا و راح يجر في روحوا
تنهد سامي و رجع للحومة احلام كانت ترمي في زبل حشاكم شافته من بعيد تخبات باه ميشوفهاش
سامي : بلا متتخباي شفتك
خرجت راسها و تبسمت بتبهليل: سلام
سامي : على 10 نتع ليل نلقاك عند بلوك نتاعكم
شافت فيه و قاتله : علاه
سامي : دفي روحك برد يطيح في ليل
احلام: صحا
كي جا رايح عيطتلوا: سامي
دار شاف فيها : شبيك مجروح تعاركت !!
سامي : دخلي لدار برد راه درك تمرضي
دار رايح و هي بقات تشوف فيها حتى غاب على نظرها
طلعت لدارهم و دخلت لشومبرتها بلعت باب و قعدت مجمعة تخمم واش راح يقولها سامي
حتى زدمت عليها ليندة : اههه يا بقرة من صباح و انا نعيطلك
احلام : تلفون مراهش عندي
ليندة : ووووو لايكونوا فاقولك
احلام : هيه
ليندة : يااااحي واش قالولك
احلام: لا مش دارنا سامي
ليندة : سامي سامي جاركم ولد طاطا خديجة ؟؟
احلام : هيه
ليندة : واش دارلك
احلام : والوا دالي برك تلفون
ليندة : ان شاء الله ميسمعوش داركم والله غير يحبسوك قراية ياك قتلك خطيك من ادم و هذيك طريق و انت قصحتي راسك هااا نتائج مزية غير سامي يا بغلة بهلولة لي يجي يضحك عليك
احلام بقات غير ساكتة و خلاص عندها حق ليندة فواش قالت
ليندة : صحا نوضي تفطري
احلام : مهش في خاطري كولي انت
ليندة : صحا ني رايحة بايباي عشيية رواحي عندي
احلام : صحا درك نشوف
راحت ليندة لدراهم (باطيمة لي تسكن فيها احلام اونفاس ليها تسكن ليندة)
و احلام بقات تخمم غسلت ماعين نتع فطور و راحت لشومبرتها رقدت
ناضت حتى السبعة خمرت في بلاصتها تعشات و غسلت ماعين و بقات طل من تاقة تستنا في سامي
....يتبع
زعما واش راح يصرى بين احلام و سامي ؟؟
واش رايكم ندخل كوبل وحداخر (ليندة و صلاح خو ايوب 😬) قولولي تحت في كومونتار
حاليا راهم ثلاثة قلت نزيدهم يرجعوا ربعة 🤗 اعطولي رايكم
متنسوش فوت ثم فوت
#par ikrammmmmm
YOU ARE READING
تحت اضواء الحب ?❤
Romanceسلام عليكم حبيباتي راني رجعت و حبت معايا جديد ? كرونيك سادسة من تأليفي راح تسافر بيكم لعالم خيال عالم مليئ بالحب و عبر ، فراق ، وفاة ، حزن ، امل ، لقاء بعد سنوات عديدة ..الخ احداث مشوقة في انتظاركم ? #قراءة_ممتعة من كتاباتي : اكرام ❤
💫البارت 03💫
Start from the beginning
