امنيه في ظلام الليل

Part 15

-انچبي

-حچت عفراء:- شنو تروحله غير تطلعلنا بأيدها طفل ههههاااااييييي..

-انداريت عليها لگيتهن حاطاتها ع الچربايه ووتارساتها ماسكات..

-ضحگت وگتلها باچر البسه هذا..

-عفتها ورحت لبست ملابسي وطلعت يمهن مر الوگت بين ضحك وسوالف عفراء وضحگها..

-لحد ثاني يوم گعدنا من الصبح البيت مخبوص سوولها گوشه حلوه وميز هم حلو..

-صبينا الغده للناس الجايه.. ورحت للمطبخ اجيب الخبز والتفتت ع صوت منى:-

-چانت تحچي همس بس تسمعني:-

-والله ياربي انوب الدخيلات صارن ينحسبن النا ومن البيت ويشتغلن عود.. ولو هي گالوها حظ الـ*** گاعد

-اني بقيت اسمعها ومصغره عيوني شلت الخبز والتفتت عليها:-

-هاي ويامن الحچي؟؟

-باوعتلي بطرف عيونها واخذت الماعون وگالت:-

-والله للي سمع.. وع گولتهم الي بعبه صخل يمعمع

-بقيت فاتحه عيوني ورحت للهول انطيتهم الخبز وداروح صاحتني ام عزام:-

-وين رايحه امي تعاي اكلي اليوم هواي اشتغلتي..

-صعدت بايه وجاوبتها بدون مالتفت:-

-خاله مجوعانه، عفتها وصعدت فوگ..

-ودخلت بدوامه من التفكير..

-يجوز صدك حچيها واني فارضه روحي عليهم ويجوز محد رايدني وحتى عزام هم بس مجبورين يتحملوني لأن انطوا حچايه لعشيرتي..

-رجف حلگي وعيوني رجفت بس مينزلن دموعي:- هسه اني لو حالي حال باقي البنات اوكي امي ميته بس احضى بأب زين مرت اب زينه شگد اشوف مسلسلات وهم امهات ميتات بس زوجات ابوهن حبابات الا اني!!

-لو مو هاي مرت ابويه چان هذا مو حالي ولو مو هذا ابويه چان اني اسعد انسانه صرت بس هذا الواقع الاليم..

-گمت استحي من نفسي احس اني عبئ عليهم..

-حتى احس واهسي راح من الحفله والتبديل هفف..

-البنات كلهن راحن للصالون مبقت وحده بس اني عزام مقبل اروح وياهم..

-مهتميت ولا حتى ضجت گمت غسلت وجهي ورحت ع ميز لمرايه وفتحت المجرات..