A Vidente

Chapter 8

Nag-angat siya ng tingin sa propesor. "Gonçalo?"

"Isang lalaking sugatan na tinulungan ni Celtici at Baltasar. Walang maalala kaya kinupkop nila pero ayon sa talaarawan na 'yan. Isa itong mandirigma ng isang tribu na may masamang motibo kay Celtici. Isang mandirigma na ipinadala para patayin si Celtici."

"Gonçalo killed Celtici," mahina niyang usal.

"Na pinaniniwalaan ni Baltasar na siyang babalikan ni Celtici para patayin...Eu voltarei...iyon daw ang mga huling salitang binitawan ni Celtici habang itinatarak ni Gonçalo ang punyal sa dibdib ni Celtici. Nagbitaw si Celtici ng sumpa na babalikan niya ang mga pumatay sa kanya."

"Bakit nila pinatay si Celtici?"

"Hindi nasabi sa talaarawan. Pero marahil ay may kinalaman sa pagiging itim na diwata nito."

Manoela is also a fairy but her father was a warlock. She should ask Manoela about Celtici. Marahil ay may alam ito.

"Si Baltasar...posible po kayang reincarnation siya ng ancestor niyong si Baltasar?"

Bahagyang nangunot ang noo nito. "He's Baltazar...z. Ipinangalan ko lang siya. Ayaw pa ng anak ko na ipangalan siya sa ancestor namin. Nagagalit dahil sa sobrang obsession ko sa paghahanap sa labi ni Celtici na hindi naman sigurado kung totoo. But look..." He spread his arms proudly. "I found it...hindi lang ang labi ni Celtici kundi pati ang Celtici sa modernong panahon." Malakas itong humalakhak. Masayang halakhak.

"Bakit mo naitanong ang bagay na iyan? Bakit mo naisip na si Baltazar ang reincarnation ng ancestor namin?" Naisip nito na siya siya si Celtici dahil sa pagiging magkamukha nila pero bakit hindi si Baltazar? Unless wala itong ideya sa kung ano'ng itsura ni Baltasar.

"May larawan po ba kayo ni Baltasar?"

Umiling ito. "Wala. Kahit ang kapatid nitong siyang pinagmulan namin ay wala. Tanging ang painting, mapa ng Elysium at ang talaarawan ang siyang nagpapatunay ng existing ng ancestor namin." It's clear now.

Bumuntong-hininga si Beatrix. Niyuko niya ang hawak na talaarawan. Sinarado iyon at hinaplos ng kamay ang makapal na vintage cover.

"Maaari ko po bang hiramim ang diary na 'to. Gusto ko lang makilala pa si Celtici at Baltasar."

"Sige." Nagpaalam na rin siya kay propesor. Nangako naman ito sa kanya na welcome siyang bumalik kung meron siyang mga katanungan.

"Beatrix." Natigil siya sa tangkang pagpasok ng sasakyan nang tawagin siya ni Baltazar–with Z.

Sinulyapan niya si Sixto. Agad naman nitong nakuha ang mensahe niya. Muli nitong isinara ang pinto ng sasakyan at hindi na umangkas pa. Sumandal pang ito sa sasakyan at humalukipkip. Nalapitan niya si Baltazar habang kipkip ang talaarawan sa dibdib.

"Hey," he greeted her, and she returned his greeting with a small smile.

"Ang sabi ni lolo...ikaw raw ang reincarnation ng patay sa loob."

Nagkibit siya. "Do you believe in that?"

"Hindi ko rin alam...ano ba ang sign? May sign ka bang nararamdaman o nakita?"

"I saw Celtici and Baltasar in their previous incarnation, when I touched the dagger earlier. Kamukha ko si Celtici habang kamukha mo naman si Baltasar...that's why I mentioned your name even though I just met you."

"Wow!" He looks really shocked. Kitang-kita iyon sa namimilog na mga mga mata nito at bibig habang inuusal ang salitang 'wow'.

"For real? Akala ko kilala mo lang talaga ako. That was amazing." He jammed his hands into his short's pockets.