اولًا بعتذر عن التأخير بالرد ولسه هشوف الكومتتس بتاعتكم اللي اكيد متشوقة ليها اوي..
ثانيًا رواية ظلام الذئاب بالأجزاء الثالثة خلصت خلاص وملهاش تكملة يا جماعة حتى الجزء الرابع ابطال جديدة لكن البطلة هتكون نفس مهنة ليان طبيبة نفسية والفكرة إلى حد ما مختلفة.. هبدأ فيها امتي مش عارفة. والله ♥
أما بقى رواية ظلام الذئاب أنا قاعدة الحمدلله سنة بكتب وفرحانة جدًا بوجودكم معايا فيها سوء اللي كان بينقد بالسلب او الايجابي فرحانة بظهور ناس بتعلق كانت بتتكسف وبقت تعلق معايا بجد انا لما بقرأ واشوف كلمكم ببقى فرحانة وفخورة اني عندي ناس بجمالكم وهطلب منكم طلب صغنن رأيكن بالرواية بقى من الأول اقعدوا كده ومعاكم كوباية شاي ومخمخوا في الكومنت خلاص يا جدعان مفيش فصل تاني وعايزة اشيل البوست دا للذكرى🙈♥ حقيقي بدعي متخذلونيش وتقولوا رأيكم♥
اما بقى ليه مهم لأني عايزة اتناقش في ابطال الرواية
ليان اكتر شخص اتعذب في الرواية من وفاة باباها لموت ابنها لتمثيل زياد لكتير اوي شافته وناس صبرت معها.. برضو ابتلاء ربنا لينا بيكون صعب ونبكي وبنزعل بس المهم في كل دا متفقدش الأمل في ربنا وحط في راسك ان اللي خلقك مش هيسيبك وهو احن عليك من أي حد بس قرب منه مش يمكن بيحب يسمع صوتك وأنت بتدعي♥♥
زياد شخص تعب مع ليان صحيح متحكم اوي لكن كان الراجل اللي يعتمد عليه حطيت عيوب في زياد مستفزة شوية بس عشان الحياة تمشي ليان كانت بتستحمل زي ما هو بيستحمل ولكن عشان ابين ان في عيوب فينا فلما اي بنوتة تختار تصلي استخارة وتقيس على النحو انه مش غدار وبخيل لو في الصفتين دول هتتعبي اوي وفي النهاية ربنا مقدملك هدية وهي صلاة الاستخارة بيقولك لو مش عارفة تختاري هختارلك ادعيني أنتِ او أنت♥♥♥🌸
وليد وندى قصتهم مؤلمة بس اللي عايزاه منها لو حياتك هتتصلح مع الشخص اللي اتجوزتيه او حتى يقرب ليكي بنسبة 1٪ بس جربي ومتخسريش شخص بسهولة اوي كده وخليكي متمسكة بيه♥ الدنيا مدة صغننة اوي هنعيشها سوا فخلينا نعيشها بسلام وحب مش في حقد وزعل وتفكير ازاي اخد حقي من دا.. ♥🌸🤗
أسيل واياد مثل لزوجة اللي لزمًا تحترم جوزها وتحكي ليه مواقفها عشان متتحطيش في خانة انها زوجة مذنبة او مش عارف يصدقها لانها هتلاقي صعاب كتيرة اوي عشان تخرج من المشكلة دي.. فخلوا بالكم♥
اما باقي الابطال زي هند وابراهيم دول اتنين واحدة اتظلمت بسبب عيب خلقي صغنن لو كانوا كشف على البنت قبلها كانت حياتها استقرت ومتعرضتتش للي بيحصلها في الرواية.. فخلوا بالكم من دا
الفيس مخلنيش اكمل معلش ♥😂
المهم قصة حنان وحمزة اللي هو جان طبعا كلنا اتشلنا عشان نجوزهم وسبحان اللي فرح حنان كان بيتأجل معايا في مرتين غصب عني لكن الحمدلله اتجوزت بس في النهاية تمسكهم ببعض وعدم شك الاتنين في بعض خلاهم يرتاحوا.. الشك وحش اوي فأحذروا منه إن بعد الظن اثم😌
وفي النهاية بجد بشكركم من قلبي على تحملكم ليا في كل اوقاتي ومتنسوش توزعوا الرواية وتقولوا رأيكم ليا وتنشرواها لصحابكم ويارب نتجمع في الرواية الجديدة بس عايزة اعملها حبكة حلوة تكون اعلى من ظلام الذئاب 🙈♥♥
أنت تقرأ
أسطورة الذئاب العاشقة ج3 من ظلام الذئاب قيد التعديل
Romanceعانق العشق قلبي، وبوحت بما تكنّه روحيّ، فذاب فؤادي بين ضلوعك يا اسطورة عشقي. البداية 22/1/2022
