أسطورة الذئاب العاشقة ج3 من ظلام الذئاب قيد التعديل

الفصل العاشر

بسم الله الرحمن الرحيم

#سلسلة_عواصف_الغموض_والحب

الجزء_الثالث_بعنوان

#أسطورة_الذئاب_العاشقة

بقلم_سلمى_خالد_سماسيموو

#الفصل_العاشر

~.. وما عشقك سوى تَرَيَّقَ ليّ..~

صمتت تزيد من توتره، بينما شعر جان بتوتر شديد الممزوج بالقلق، ردد بصوتٍ حمل جانبًا كبير من القلق:

_ ما تخلصي يا حنان وقولي خبر إيه؟

ابتسمت بخبث ثم اجابته في سعادة بالغة:

_ خلاص ليان خفت وممكن نعمل الفرح!

:_ ابو شكلك يا شيخة، وقعتي قلبي من هبلك.

قالها في انفعال، يمتلأ قلبه بغيظ من برودها، بينما ضحكت حنان بشدة على صوته الغاضب، تهتف بنبرة ماكرة:

_ تؤ تؤ إيه الألفاظ دي يا جان مينفعش على فكرة كده عيب.

عض على شفتيه بغيظ، يقبض على يده بقوة، ثم أردف بهدوء ماكر:

_ أممم ألفاظ عيب، خلاص يا حنان بكرة هتشوفي العملي حلو وأنا بحبه ابقى قولي عيب براحتك.

صمتت حنان بعد ان تلون وجهها بخجل واضح، بينما ابتسم جان بخبث وقد علم كيف يخرسها، همس بصوتٍ ماكر:

_ قولتي بقى إن الدكتورة ليان تمام، يعني الفرح خلاص هيتعمل خلال يومين، يوم الحنة ويوم تجهزي فيه ويوم الفرح.. يعني بعد بعد بكرة، جهزي نفسك بقى يا حنون عشان اللي جاي هيكون عنب.

تهدجت انفاسها من فرطت الخجل، تحاول الحديث ولكن يحكمها حياؤها بالصمت، تنهر نفسها انها من بدأت اللعب معه، لِمَ الرجال هكذا يستمتعون في رؤية حياء أنثى، ضحك جان بقوة عندما لاحظ صوتها الخافت المبهم، ردد بصوتٍ يعلم جيدًا انها ستتحدث بعده:

_ أنا بقول نأجل الفرح بدل سد الحنك اللي أنتِ واكلاه.

اشتعلت عينيها بغضب مميت، تردف بصوتٍ متعصب:

_ نعم يا خويا.. عايز إيه.. تأجل هو أنت عايز تسبني بعد كل اللي شوفناه والقرف والتعب دا.. طب لو فكرت تعملها يا جان لأكون...

قاطعها جان متفاجئٍ بحديثها، يحدثها بصدمة:

_ إيه مسورة الردح اللي طفحت في وشي دي، خلاص ولما أقول حاجة تانية اتكلمي.

مدت أصبعها تعض اظافرها بعصبية، تهتف بصوتٍ منفعل:

_ كله إلا الفرح عشان المسورة دي متنفجرش المرة الجاية.

رفع جان حاجبه، يحدثها بصوتٍ ماكر:

_ مالك ماسكة في الفرح كده، اللي يشوف كده يقول بتحبيني!