ﺍﻟﺘﻴﺎﺭ
ﺣﻠﻘﻪ 41
" ﺍﻧﺲ ﺑﺤﺖ ﻑ ﺭﻳﻬﺎﻡ ﺍﻟﻲ ﻛﺎﻧﺖ ﻻﺻﻘﻪ ﻑ ﺑﺎﺏ ﻭﺧﺎﻳﻔﻪ .. ﻛﻨﻚ ﺧﺎﻳﻔﻪ
ﺭﻳﻬﺎﻡ ﺯﻣﻄﺖ ﺭﻳﻘﻬﺎ ﻭﻗﻠﺒﻬﺎ ﻳﺪﻕ .. ﻻ ﻋﺎﺩﻱ
ﺍﻧﺲ .. ﻣﺎﺗﺨﺎﻓﻴﺶ ﺗﻮﺍ ﺑﻌﺪ ﻧﻮﺻﻠﻮ ﻧﺤﻜﻮﺍ ﺑﺎﻫﻲ
ﺭﻳﻬﺎﻡ ﻫﺰﺕ ﺭﺍﺳﻬﺎ ﺑﺲ ﻭﺻﻠﻮ ﻟﻠﺤﻮﺵ ﻭﻧﺰﻝ ﺍﻧﺲ ﻭﺭﻳﻬﺎﻡ ﻓﺘﺤﺖ ﺍﻟﺒﺎﺏ ﺟﺎﺀ ﻣﻦ ﺟﻴﻬﺘﻬﺎ ﻭﻧﺰﻟﻬﺎ ﻭﻫﻮ ﻣﺎﺳﻚ ﺍﻳﺪﻫﺎ
ﺧﺶ ﺑﻴﻬﺎ ﻟﺤﻮﺵ ﻭﺭﻛﺒﻮ ﻓﻮﻕ ﻟﺸﻘﻪ
ﺍﻧﺲ ﻓﺘﺢ ﺍﻟﺸﻘﻪ .. ﺍﻧﺴﺘﻲ ﺷﻘﺘﻚ ﺗﻔﻀﻠﻲ
ﺭﻳﻬﺎﻡ ﺑﺼﻮﺕ ﻭﺍﻃﻲ .. ﺍﻟﻠﻪ ﻳﻔﻀﻞ ﻋﻠﻴﻚ
ﺍﻧﺲ .. ﻏﻴﺮﻱ ﺩﺑﺸﻚ ﻭﺗﻌﺎﻟﻲ ﻧﺼﻠﻮ ﺑﻌﺪﻫﺎ ﻧﺘﻌﺸﻮ ﻭﻧﺤﻜﻮﺍ ﺑﺮﺍﺣﻪ
ﺭﻳﻬﺎﻡ ﺯﻣﻄﺖ ﺭﻳﻘﻬﺎ ﻭﺑﺤﺘﺖ ﻓﻴﻪ .. ﺑﺲ
ﺍﻧﺲ .. ﺷﻨﻮ ﻗﻮﻟﻲ ﻣﺎﺗﺤﺸﻤﻴﺶ ﺗﺒﻲ ﺣﺎﺟﻪ
ﺭﻳﻬﺎﻡ .. ﺍﻧﺎ ﺗﻮﺍ ﻳﻌﻨﻲ
ﺍﻧﺲ ﺍﺑﺘﺴﻢ .. ﻋﻠﻴﻚ ﺍﻟﻌﺬﺭ ﺍﻟﺸﺮﻋﻲ
ﺭﻳﻬﺎﻡ ﻫﺰﺕ ﺭﺍﺳﻬﺎ ﻭﻣﺘﺤﺸﻤﻪ
ﺍﻧﺲ .. ﺗﻤﺎﻡ ﺑﺎﻩ ﻏﻴﺮﻱ ﻭﺗﻌﺎﻟﻲ
ﺭﻳﻬﺎﻡ .. ﻭﻳﻦ ﺩﺍﺭ
ﺍﻧﺲ ﺷﻴﺮﻟﻬﺎ ﻋﻠﻴﻬﺎ .. ﺍﻫﻲ ﺧﺸﻲ
ﺭﻳﻬﺎﻡ .. ﺗﻤﺎﻡ ﺷﻜﺮﺍً
ﺧﺸﺖ ﺭﻳﻬﺎﻡ ﻟﺪﺍﺭ ﻭﺳﻠﺤﺖ ﻋﺒﺎﻳﻪ ﻭﺷﺎﺡ ﻭ ﻃﻠﻌﺖ ﺭﻭﺏ ﻃﻮﻳﻞ ﻟﻮﻧﻪ ﺍﺑﻴﺾ ﻛﺎﻥ ﻛﺖ ﻋﺎﺩﻱ ﻣﺎﻓﻴﺶ ﺍﻱ ﺣﺎﺟﻪ ﻭﻟﺒﺴﺖ ﻋﻠﻴﻪ ﻃﺮﻑ ﻛﻢ ﻭﺑﺮﺿﻮ ﻃﻮﻳﻞ ﻟﻔﺖ ﺷﻌﺮﻫﺎ ﻓﻮﻕ ﻭﻣﺴﺤﺖ ﺍﻟﻤﻜﻴﺎﺝ ﺍﻟﻲ ﻛﺎﻥ ﺑﺴﻴﻂ ﺑﻜﻞ ﻭﻃﻠﻌﺖ ﻟﻘﺖ ﺍﻧﺲ ﻳﺼﻠﻲ ﺣﻄﺖ ﺍﻳﺪﻫﺎ ﻉ ﺧﺪﻫﺎ ﻭﺗﺒﺤﺖ ﻓﻴﻪ
ﺍﻧﺲ .. ﺍﻟﺴﻼﻡ ﻋﻠﻴﻜﻢ ﺍﻟﺴﻼﻡ ﻋﻠﻴﻜﻢ
ﺑﺤﺖ ﻓﻴﻬﺎ ﻭﺍﺑﺘﺴﻢ
ﺭﻳﻬﺎﻡ ﺍﺑﺘﺴﻤﺖ ﺑﺸﻮﻳﺎ .. ﺗﻘﺒﻞ ﺍﻟﻠﻪ
ﺍﻧﺲ .. ﻣﻨﺎ ﻭﻣﻨﻚ ﺻﺎﻟﺢ ﺍﻻﻋﻤﺎﻝ ﻧﺘﻌﺸﻮ
ﺭﻳﻬﺎﻡ .. ﻣﺎﻋﻨﺪﻳﺶ ﻧﻴﻪ ﺗﺒﻲ ﺍﻧﺖ ﻧﺤﻄﻠﻚ
ﺍﻧﺲ .. ﺗﻌﺮﻓﻲ ﺣﺘﻰ ﺍﻧﺎ ﻣﺎﻋﻨﺪﻳﺶ ﻧﻴﻪ ﻧﺤﻄﻮ ﺣﺎﺟﻪ ﺑﺴﻴﻄﻪ
ﺭﻳﻬﺎﻡ .. ﻛﻴﻒ ﺷﻨﻮ ﺗﺒﻲ ﻧﺪﻳﺮﻟﻚ
ﺍﻧﺲ .. ﺗﻌﺎﻟﻲ ﻑ ﻣﻄﺒﺦ
ﺭﻳﻬﺎﻡ ﺻﺒﺖ ﻻﺣﻘﺎﺗﻪ
ﺍﻧﺲ .. ﻧﺪﻳﺮ ﻧﺴﻜﺎﻓﻲ
ﺭﻳﻬﺎﻡ .. ﺗﻮﺍ ﻧﺪﻳﺮﻩ
ﺍﻧﺲ .. ﻻﻻ ﺗﻮﺍ ﻧﺪﻳﺮﻩ ﺍﻧﺎ ﺗﻮﺍ ﺗﺤﺒﻴﻪ ﺍﻣﺘﺎﻋﻲ
ﺭﻳﻬﺎﻡ ﺍﺑﺘﺴﻤﺖ ﻭﻗﻤﻌﺰﺕ ﺗﺒﺤﺖ ﻓﻴﻪ .. ﺑﺎﻩ ﺗﺴﻠﻢ ﺍﻳﺪﻳﻚ
ﻗﻌﺪ ﺍﺩﻳﺮ ﻑ ﻧﺴﻜﺎﻓﻲ ﻭ ﻫﻴﺎ ﺗﺒﺤﺖ ﻓﻴﻪ ﻭﺳﺎﺭﺣﻪ ﻟﻴﻦ ﺣﻂ ﻛﺒﺎﻳﻪ ﻗﺪﺍﻣﻬﺎ
ﺍﻧﺲ .. ﺗﻔﻀﻠﻲ
ﺭﻳﻬﺎﻡ .. ﺷﻜﺮﺍً
ﺍﻧﺲ ﺑﺮﻡ ﻓﺘﺢ ﺗﻼﺟﻪ .. ﻋﻔﻮﺍً ﻭﻟﻮ
ﻃﻠﻊ ﺷﻜﻼﻃﻪ ﻭﻗﻤﻌﺰ ﻣﻘﺎﺑﻠﻬﺎ
ﺍﻧﺲ .. ﻧﺤﺐ ﺍﻟﺨﻔﻴﻒ ﻣﺎﻧﺤﺒﺶ ﻧﺜﻘﻞ ﻑ ﻟﻴﻞ
ﺭﻳﻬﺎﻡ .. ﺍﻫﺎ ﻣﺸﺎﺀ ﺍﻟﻠﻪ ﺟﺴﻤﻚ ﻭﺍﺿﺢ ﺍﻧﻚ ﻣﺤﺎﻓﻆ ﻋﻠﻴﻪ
ﺍﻧﺲ .. ﺍﻫﺎ ﺑﺲ ﺍﻧﺘﻲ ﺭﻗﻴﻘﻪ ﻭﺍﺟﺪ ﻉ ﺟﻴﺘﻚ ﻑ ﻣﺴﺘﺸﻔﻰ
ﺭﻳﻬﺎﻡ ﻧﺰﻟﺖ ﺭﺍﺳﻬﺎ ﻭﺳﻜﺘﺖ
ﺍﻧﺲ ﻗﺮﺏ ﺍﻳﺪﻩ ﻭﻣﺴﻚ ﺍﻳﺪﻫﺎ ﺭﻳﻬﺎﻡ ﺟﺴﻤﻬﺎ ﻛﻠﻪ ﺭﻋﺶ ﻣﻊ ﺑﻌﻀﻪ ﻭﺑﺤﺘﺖ ﻓﻴﻪ
ﺍﻧﺲ ﺍﺑﺘﺴﻢ .. ﻟﻴﺶ ﺳﻜﺘﻲ ﺍﻧﺎ ﻣﺘﻔﻬﻤﻚ ﻭﻣﺘﻔﻬﻢ ﻭﺿﻌﻚ ﻭﺍﻧﺎ ﺑﺮﻭﺣﻲ ﺧﺎﻳﻒ ﻋﻠﻴﻚ ﻭﻉ ﺷﻌﻮﺭﻙ ﻳﻌﻨﻲ ﻭﻣﺎﻧﺒﻴﻜﺶ ﺍﻻ ﺭﺍﺿﻴﻪ ﻣﺶ ﺣﻨﻜﻮﻥ ﺍﻧﺎﻧﻲ ﻭﻧﻘﻮﻟﻚ ﻫﻴﺎ ﺍﻧﺴﻲ ﺍﺳﺎﻣﻪ ﻭﺗﻘﺒﻠﻴﻨﻲ ﺑﻜﻞ ﺑﺴﺎﻃﻪ
ﺭﻳﻬﺎﻡ .. ﺍﻧﺎ ..
ﺍﻧﺲ .. ﻣﺎﺗﻘﻄﻌﻴﻨﻴﺶ ﺧﻠﻴﻨﻲ ﻧﻜﻤﻞ
ﺭﻳﻬﺎﻡ ﺑﺼﻮﺕ ﻭﺍﻃﻲ .. ﺍﺳﻔﻪ
ﺍﻧﺲ .. ﻻ ﻋﺎﺩﻱ ﻣﺶ ﻣﺸﻜﻠﻪ ﺑﺲ ﺍﻟﻲ ﺑﻨﻘﻮﻟﻪ ﻟﻜﻲ ﻧﺒﻴﻚ ﺗﺴﺎﻋﺪﻳﻨﻲ ﺑﻴﺶ ﺗﻌﻴﺸﻲ ﻣﻌﺎﻳﺎ ﺣﻴﺎﺀ ﺣﻠﻮﻩ ﺍﺳﺎﻣﻪ ﺍﻟﻠﻪ ﻳﺮﺣﻤﻪ ﻫﻮ ﻣﺶ ﻗﺎﻋﺪ ﻑ ﺣﻴﺎﺗﻚ ﺑﺲ ﻧﺒﻴﻚ ﺗﺬﻛﺮﻳﻪ ﻑ ﺻﻼﺗﻚ ﻭﺩﻋﺎﻙ ﻭﻫﻜﻲ ﺗﻜﻮﻧﻲ ﻣﺎﺣﺴﻴﺘﻴﺶ ﺑﺬﻧﺐ ﺍﻧﺘﻲ ﺻﺎﺡ
ﺭﻳﻬﺎﻡ ﺍﺑﺘﺴﻤﺖ ﻭﻫﺰﺕ ﺭﺍﺳﻬﺎ
ﺍﻧﺲ .. ﻻﺯﻡ ﺗﻜﻮﻥ ﻋﻼﻗﺘﻨﺎ ﻣﺒﻨﻴﻪ ﻉ ﻣﺤﺒﻪ ﻭﻣﻮﺩﻩ ﻭﺭﺣﻤﻪ ﻣﺎﻧﺒﻴﺶ ﺗﻜﻮﻥ ﺣﻴﺎﺀ ﻣﻤﻠﻪ ﺍﻧﺘﻲ ﺗﻮﺍ ﻉ ﺫﻣﺘﻲ ﻭﺍﻧﺎ ﻭﺍﺟﺒﻲ ﻧﺼﺒﻲ ﻣﻌﺎﻙ ﻑ ﻛﻞ ﺣﺎﺟﻪ ﻻﻧﻪ ﻧﺤﻦ ﺍﻻﺛﻨﻴﻦ ﻧﻜﻤﻠﻮ ﺑﻌﻀﻨﺎ ﻭﻣﺶ ﺍﻧﺎ ﺑﺲ ﺍﻟﻲ ﻗﻠﺖ ﻻﺯﻡ ﺗﻜﻮﻥ ﻋﻼﻗﺘﻨﺎ ﻓﻴﻬﺎ ﺣﺐ ﺣﺘﻰ ﺭﺑﻲ ﻗﺎﻝ
﴿ﻭَﻣِﻦْ ﺁَﻳَﺎﺗِﻪِ ﺃَﻥْ ﺧَﻠَﻖَ ﻟَﻜُﻢْ ﻣِﻦْ ﺃَﻧْﻔُﺴِﻜُﻢْ ﺃَﺯْﻭَﺍﺟﺎً ﻟِﺘَﺴْﻜُﻨُﻮﺍ ﺇِﻟَﻴْﻬَﺎ ﻭَﺟَﻌَﻞَ ﺑَﻴْﻨَﻜُﻢْ ﻣَﻮَﺩَّﺓً ﻭَﺭَﺣْﻤَﺔً ﺇِﻥَّ ﻓِﻲ ﺫَﻟِﻚَ ﻟَﺂَﻳَﺎﺕٍ ﻟِﻘَﻮْﻡٍ ﻳَﺘَﻔَﻜَّﺮُﻭﻥَ﴾
ﺭﻳﻬﺎﻡ ﺍﺑﺘﺴﻤﺖ .. ﻭﻧﻌﻢ ﺑﺎﻟﻠﻪ ﺍﻧﺎ ﺣﻨﺪﻳﺮ ﻛﻞ ﺍﻟﻲ ﻑ ﺍﻳﺪﻱ ﺑﻴﺶ ﻧﺴﻌﺪﻙ ﻭﺗﺴﻌﺪﻧﻲ
ﻣﺴﻜﺖ ﻑ ﺍﻳﺪﻳﻪ ﺍﻻﺛﻨﻴﻦ ﻭﺑﺤﺘﺖ ﻓﻴﻪ
ﺍﻧﺲ ﺍﺑﺘﺴﻢ .. ﺷﻨﻮ
ﺭﻳﻬﺎﻡ .. ﺷﻲ ﺑﺲ ﺗﺮﻳﺤﺖ ﻣﻌﺎﻙ ﻭﻣﻊ ﻛﻼﻣﻚ
ﺍﻧﺲ .. ﺑﺎﻩ ﺍﻟﺤﻤﺪ ﺍﻟﻠﻪ ﺍﻥ ﺷﺎﺀ ﺍﻟﻠﻪ ﺗﺮﻳﺤﻲ ﺩﻳﻤﺎ ﻣﻌﺎﻳﺎ
ﺭﻳﻬﺎﻡ ﻧﺰﻟﺖ ﺭﺍﺳﻬﺎ .. ﺍﻥ ﺷﺎﺀ ﺍﻟﻠﻪ
ﺍﻧﺲ .. ﺗﺨﺸﻲ ﻟﺪﺍﺭ
ﺭﻳﻬﺎﻡ .. ﻧﻌﺴﺖ ﺍﻧﺖ
ﺍﻧﺲ .. ﻳﻌﻨﻲ ﺑﺲ ﻧﺘﺮﻳﺤﻮ ﻑ ﺩﺍﺭ
ﺭﻳﻬﺎﻡ ﺳﻜﺘﺖ
ﺍﻧﺲ .. ﺗﻀﺎﻳﻘﻲ ﻣﻨﻲ ﻛﺎﻥ ﻩ ..
ﺭﻳﻬﺎﻡ .. ﻻﻻ ﻋﺎﺩﻱ ﺍﺭﻗﺪ ﻣﻌﺎﻳﺎ ﻣﺎﻓﻴﺶ ﻣﺸﻜﻠﻪ
ﺍﻧﺲ .. ﺻﺒﻲ ﻫﻴﺎ ﺧﻼﺹ ﺗﻮﺍ ﺑﻜﺮﺍ ﻧﻐﺴﻠﻮﻫﻦ
ﺭﻳﻬﺎﻡ ﺻﺒﺖ ﻭﺧﺸﺖ ﻗﺪﺍﻣﻪ ﻭﻣﺶ ﻭﺭﺍﻫﺎ ﺍﻧﺲ ﻗﻌﺪ ﻳﺤﻞ ﻑ ﺑﻄﻢ ﺳﻮﺭﻳﺎ ﻭﻫﻴﺎ ﻗﻤﻌﺰﺕ ﻉ ﺳﺮﻳﺮ ﻭﻣﻨﺰﻟﻪ ﺭﺍﺳﻬﺎ ﺳﻠﺢ ﺳﻮﺭﻳﺎ ﻭﻗﻌﺪ ﻳﺴﻠﺢ ﻑ ﺳﻴﺮ ﻭﺣﻮﻟﻪ
ﺭﻳﻬﺎﻡ ﻣﺮﻩ ﻣﺮﻩ ﺗﺴﺮﻕ ﻑ ﻧﻀﺮ ﻟﻪ ﻭﻗﻠﺒﻬﺎ ﻳﺪﻕ
ﺳﻠﺢ ﺳﺮﻭﺍﻝ ﻭﻟﺒﺲ ﺍﻟﺒﺠﺎﻣﻪ ﻭﺟﺎﺀ ﻗﻤﻌﺰ ﺗﻼﻫﺎ
ﺍﻧﺲ .. ﻧﺎﻋﺴﻪ
ﺭﻳﻬﺎﻡ ﺣﻠﺖ ﺷﻌﺮﻫﺎ .. ﻳﻌﻨﻲ ﻣﺶ ﻭﺍﺟﺪ
ﺍﻧﺲ .. ﺣﻮﻟﻴﻪ ﺍﻟﻄﺮﻑ ﻋﺎﺩﻱ ﺣﻤﻮ
ﺭﻳﻬﺎﻡ ﺣﻮﻟﺖ ﻃﺮﻑ ﻭﻋﺰﻗﺎﺗﻪ ﻉ ﻃﺮﻑ ﺍﻟﻲ ﻗﺪﺍﻡ ﺳﺮﻳﺮ ﻭ ﺭﻗﺪﺕ ﻣﻘﺎﺑﻠﻪ ﺍﻧﺲ
ﺍﻧﺲ ﻳﺒﺤﺖ ﻓﻴﻬﺎ ﻭﺭﻳﻬﺎﻡ ﺗﺒﺤﺖ
ﺍﻧﺲ .. ﺷﻦ ﺗﻘﺮﻱ
ﺭﻳﻬﺎﻡ .. ﻋﻠﻮﻡ
ﺍﻧﺲ .. ﺑﺎﻩ ﻛﻮﻳﺲ ﻗﺮﻳﺐ ﺗﻜﻤﻠﻲ
ﺭﻳﻬﺎﻡ .. ﺍﻫﺎ ﻗﺮﻳﺐ
ﺍﻧﺲ .. ﺗﻌﺎﻟﻲ ﻗﺮﺑﻲ ﻫﻨﺎ
ﺭﻳﻬﺎﻡ ﺳﻜﺘﺖ
ﺍﻧﺲ ﻓﺘﺢ ﺍﻳﺪﻩ ﻭﻣﺴﻚ ﺍﻳﺪﻫﺎ ﻭﻗﺮﺑﻬﺎ ﻣﻨﻪ ﺭﻳﻬﺎﻡ ﺣﻄﺖ ﺭﺍﺳﻬﺎ ﻉ ﺍﻳﺪﻩ ﻭﻏﻤﻀﺖ ﻋﻴﻮﻧﻬﺎ ﺑﻘﻮﻩ
ﺍﻧﺲ ﺑﺎﺱ ﺭﺍﺳﻬﺎ ﻭﻟﻒ ﺍﻳﺪﻩ ﻋﻠﻴﻬﺎ
ﺍﻧﺲ ﺍﺑﺘﺴﻢ .. ﺭﺑﻲ ﻳﻬﻨﻴﻨﻪ
ﺭﻳﻬﺎﻡ ﺍﺑﺘﺴﻤﺖ ﺑﺸﻮﻳﺎ .. ﺍﻣﻴﻦ
ﻏﻤﻀﺖ ﻋﻴﻮﻧﻬﺎ ﻭﺷﻮﻳﺎ ﻭﻏﻔﺖ ﻭﺍﻧﺲ ﻳﺒﺤﺖ ﻓﻴﻬﺎ "
" ﻣﺎﻣﺎ .. ﻳﻨﻌﻠﻴﺎ ﻋﺪﺕ ﺩﻣﻌﺘﻬﺎ ﻉ ﺧﺪﻫﺎ
ﺍﻧﺎ .. ﻣﺎﺗﺮﻋﺸﻴﺶ ﺭﻭﺣﻚ ﻳﺎﺍﻣﻲ ﺍﻧﺘﻲ ﺻﺎﺣﺒﻪ ﺳﻜﺮ ﻭﺿﻐﻆ
ﻣﺎﻣﺎ .. ﺧﺎﻳﻔﻪ ﻋﻠﻴﻬﺎ ﺍﻧﺎ
ﺭﺷﺎ .. ﻣﺎﺗﺨﺎﻓﻴﺶ ﺻﺪﻗﻴﻨﻲ ﺣﺘﻬﻨﻰ ﻣﻌﺎﻩ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ ﺍﻥ ﺷﺎﺀ ﺍﻟﻠﻪ
ﻋﻼﺀ ﺧﺶ .. ﻳﺎﻣﻴﺲ ﺍﻳﻬﻢ ﻳﺒﻴﻚ ﻑ ﺟﻨﺎﻥ
ﺍﻧﺎ .. ﻫﻴﺎ ﺣﺎﺿﺮ
ﻃﻠﻌﺘﻠﻪ ﻭﺍﻧﺎ ﻛﻨﺖ ﻻﺑﺴﻪ ﺍﻓﺮﻭﺍﻝ ﺩﻣﻲ ﻭﻻﻓﻪ ﺷﻌﺮﻱ ﻓﻮﻕ
ﺍﻧﺎ .. ﺧﻴﺮﺍﺕ ﺣﺒﻴﺒﻲ
ﺍﻳﻬﻢ .. ﺧﻴﺮ ﺷﻨﺠﻮ
ﺍﻧﺎ .. ﺗﻤﺎﻡ ﺍﻟﺤﻤﺪﺍﻟﻠﻪ ﻭﺍﻧﺖ
ﺍﻳﻬﻢ .. ﺍﻟﺤﻤﺪﺍﻟﻠﻪ ﻭﺳﻦ ﻭﻳﻦ ﻛﻴﻒ ﺣﺎﻟﻬﺎ
ﺍﻧﺎ ﺭﻓﻌﺖ ﺣﺎﺟﺒﻲ .. ﺗﻤﺎﻡ
ﺍﻳﻬﻢ ﺍﺑﺘﺴﻢ ﻉ ﺟﻨﺐ .. ﺷﻨﻮ
ﺍﻧﺎ .. ﺷﻲ ﻋﺎﺩﻱ ﻛﻮﻳﺴﻪ ﻭﺳﻦ ﻗﺎﻋﺪﻩ ﺗﺤﺲ ﻑ ﺍﻟﺜﻪ ﺍﻣﺘﺎﻋﻬﺎ ﻭﻣﻜﻤﻠﺘﻬﺎ ﻉ ﺍﻳﺪﻫﺎ ﻣﺶ ﻣﺎﺑﻴﺎ ﻟﻠﻌﻀﺎﺿﻪ
ﺍﻳﻬﻢ .. ﻳﺎﻋﻤﺮﻱ ﺗﺤﺲ ﻓﻴﻬﻦ
ﺍﻧﺎ .. ﺍﻫﺎ ﻭﺍﺿﺤﻪ ﺑﻜﻞ
ﺍﻳﻬﻢ ﺑﺤﺖ ﻓﻴﺎ ﻭﻣﺴﻚ ﺍﻳﺪﻱ .. ﺯﻋﻼﻧﻪ
ﺍﻧﺎ .. ﺷﻮﻱ ﻣﺘﻨﻜﺪﻩ ﻉ ﺭﻳﻬﺎﻡ
ﺍﻳﻬﻢ .. ﺭﺑﻲ ﻳﻬﻨﻴﻬﺎ ﺗﻮﺍ ﺗﻘﻌﺪ ﻛﻴﻔﻚ ﻭﻻ ﻻ
ﺍﻧﺎ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ ﺗﻬﻨﻰ ﻛﻴﻔﻲ
ﺍﻳﻬﻢ ﺗﻨﻬﺪ .. ﺑﺎﻩ ﻉ ﻣﻬﻢ ﺍﻃﻤﻨﺖ ﻋﻠﻴﻜﻢ ﺍﻧﻜﻢ ﻛﻮﻳﺴﻴﻦ ﻭﺧﻼﺹ
ﺍﻧﺎ .. ﻣﻌﻠﻴﺶ ﺣﺒﻴﺒﻲ ﻣﻘﺼﺮﻩ ﻣﻌﺎﻙ ﺑﺲ ﺑﻜﺮﺍ ﺗﻮﺍ ﻧﺮﻭﺡ
ﺍﻳﻬﻢ .. ﻻ ﻋﺎﺩﻱ ﻣﺎﻓﻴﻬﺎ ﺷﻲ ﻫﺬﺍ ﻋﺮﺱ ﺍﺧﺘﻚ ﺷﻨﻮ ﺑﻨﻘﻮﻟﻚ ﻣﺎﺗﻘﻌﺪﻳﺶ ﺍﻧﺎ ﺟﻮﻱ ﺗﻤﺎﻡ
ﺍﻧﺎ .. ﻭﻳﻦ ﺗﺒﺎﺕ
ﺍﻳﻬﻢ .. ﻟﻮﻃﻪ ﻑ ﺩﺍﺭﻱ ﻣﺎﻗﺪﺭﺗﺶ ﻧﺨﺶ ﻟﺸﻘﻪ ﻧﻀﺎﻳﻖ ﺑﻌﺪ ﻧﺨﺸﻠﻬﺎ ﻧﻘﻌﺪ ﻣﻜﺴﺪ ﺑﺮﻭﺣﻲ
ﺍﻧﺎ ﺍﺑﺘﺴﻤﺖ .. ﻳﺎﺭﺏ ﻣﺎﺗﺨﺘﺒﺮﻧﻴﺶ ﻑ ﺍﻳﻬﻢ
ﺍﻳﻬﻢ .. ﻭﻻ ﻳﺨﺘﺒﺮﻧﻲ ﻓﻴﻚ ﻳﺎﻗﻠﺒﻲ ﺧﻼﺹ ﺍﻧﺎ ﺑﻨﻌﺪﻱ
ﺍﻧﺎ .. ﺍﻭﻛﻲ ﺣﺒﻴﺒﻲ ﺭﺩ ﺑﺎﻟﻚ ﻣﻦ ﺭﻭﺣﻚ ﺑﻜﺮﺍ ﺗﻮﺍ ﻧﻜﻠﻤﻚ ﺑﻌﺪ ﻧﻜﻤﻠﻮ ﺣﻮﺳﻪ
ﺍﻳﻬﻢ .. ﺍﻭﻛﻲ ﺣﺎﺿﺮ ﻫﻴﺎ ﺳﻼﻡ
ﻃﻠﻊ ﺍﻳﻬﻢ ﻭﺍﻧﺎ ﺧﺸﻴﺖ ﺟﻮﺍ ﻟﻘﻴﺖ ﺑﻨﺎﺕ ﺑﺎﺩﻳﺎﺕ ﻑ ﺍﻟﻀﻢ ﻗﻌﺪﺕ ﻧﻀﻢ ﻣﻌﺎﻫﻦ ﻭﺧﺸﺖ ﻣﺎﻣﺎ ﺭﻗﺪﺕ ﺑﺪﺭﻱ ﻭﻧﺤﻦ ﺭﻗﺪﻧﺎ ﻉ ﺳﺮﺍﻳﺮﻧﺎ
ﺭﺣﺎﺏ .. ﺍﺯﻋﻤﻚ ﺷﻦ ﺻﺎﺭ ﻣﻌﺎﻫﺎ
ﺭﺷﺎ .. ﻫﻴﺎ ﺍﺻﻼً ﻋﻠﻴﻬﺎ ﺍﻝ $&$
ﺍﻧﺎ .. ﺻﺎﺡ ﺑﻌﺪﻳﻦ ﻣﺎﺍﻋﺘﻘﺪﺵ ﻛﺎﻧﺖ ﻟﻴﻠﻪ ﺣﺘﺼﻴﺮ ﺣﺎﺟﻪ ﺑﻴﻨﻬﻢ
ﺭﺷﺎ .. ﻣﻤﻜﻦ ﻭﻳﻦ ﺗﻨﺪﺭﻥ ﺑﺲ ﺍﻥ ﺷﺎﺀ ﺍﻟﻠﻪ ﺗﻬﻨﻰ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﺭﺷﺎ .. ﺭﺍﻳﻔﺖ ﻉ ﻣﺤﻤﺪ
ﺍﻧﺎﺿﺤﻜﺖ .. ﺍﻭﻝ ﻣﺮﻩ ﻃﻮﻟﻲ ﻋﻠﻴﻪ
ﺭﺷﺎ .. ﺍﻫﺎ ﺍﻭﻝ ﻣﺮﻩ
ﺭﺣﺎﺏ .. ﻳﺎ ﻋﻤﺮﻱ ﺍﻧﺎ ﺧﻠﻴﻪ ﻳﺮﺍﻳﻒ
ﺭﺷﺎ ﺿﺤﻜﺖ .. ﻣﺮﺍﻳﻒ ﻣﺎﻧﺤﻜﻴﻠﻚ
ﺭﺣﺎﺏ .. ﺭﺑﻲ ﻳﺨﻠﻴﻜﻢ ﻟﺒﻌﻀﻜﻢ
ﺭﺷﺎ .. ﺍﻥ ﺷﺎﺀ ﺍﻟﻠﻪ
ﻫﺪﺭﺯﻧﺎ ﺷﻮﻳﺎ ﻭﺭﻗﺪﻧﺎ "
" ﺭﻳﻬﺎﻡ ﻧﺎﺿﺖ ﺑﺪﺭﻱ ﻟﻘﺖ ﺭﻭﺣﻬﺎ ﺭﺍﻗﺪﻩ ﻋﺎﻃﻴﻪ ﺍﻧﺲ ﺑﻀﻬﺮ ﻭﻫﻮ ﺣﺎﻁ ﺍﻳﺪﻩ ﻉ ﺧﺼﺮﻫﺎ ﺣﻮﻟﺘﻬﺎ ﺑﺸﻮﻳﺎ ﻭﺻﺒﺖ ﺧﺸﺖ ﻟﺤﻤﺎﻡ ﻭﻃﻠﻌﺖ ﻟﻜﻮﺟﻴﻨﻪ ﻏﺴﻠﺖ ﻛﺒﺎﺑﻲ ﻭﻗﻌﺪﺕ ﺗﻮﺗﻲ ﻑ ﺍﻟﻔﻄﻮﺭ
ﺍﻧﺲ .. ﻫﺎﺍﺣﻢ ﺻﺒﺎﺡ ﺍﻟﻮﺭﺩ
ﺭﻳﻬﺎﻡ ﺑﺮﻣﺖ ﻋﻠﻴﻪ .. ﺻﺒﺎﺡ ﺍﻟﻴﺎﺳﻤﻴﻦ
ﺍﻧﺲ .. ﻛﻨﻚ ﺩﻳﺮﻱ ﻑ ﻓﻄﻮﺭ ﺍﻛﻴﺪﻩ ﻫﻠﻲ ﺗﻮﺍ ﻳﺪﺯﻭ
ﺭﻳﻬﺎﻡ .. ﻋﺎﺩﻱ ﻣﺶ ﻣﺸﻜﻠﻪ ﺍﻫﻮ ﺑﺪﻳﺖ ﻓﻴﻪ
ﺍﻧﺲ .. ﺑﺎﻩ ﻳﻌﻄﻴﻚ ﺍﻟﻌﺎﻓﻴﻪ
ﺭﻳﻬﺎﻡ ﺑﺮﻣﺖ ﻋﻠﻴﻪ ﻭﻗﻌﺪﺕ ﺗﺒﺤﺖ ﻑ ﺷﻜﻠﻪ ﻭﺍﺑﺘﺴﻤﺖ
ﺍﻧﺲ ﻳﺎﻛﻞ ﻑ ﻃﺮﻑ ﺧﻴﺎﺭ .. ﻛﻨﻚ
ﺭﻳﻬﺎﻡ .. ﻣﻨﻀﺮﻙ ﻳﻀﺤﻚ ﺷﻌﺮﻙ ﻣﺸﺘﺸﺖ ﻭﺗﻌﻤﺶ ﻭﺍﺟﺪ ﻋﻴﻮﻧﻚ ﻣﺶ ﺑﺎﻳﻨﺎﺕ
ﺍﻧﺲ ﺿﺤﻚ .. ﺻﻐﻴﺮﺍﺕ ﻷﻧﻬﻦ ﻣﺶ ﻛﻴﻔﻲ ﺍﻧﺘﻲ ﻻ ﻗﻮﻩ ﺍﻻ ﺑﺎﻟﻠﻪ ﻋﻴﻮﻧﻚ
ﺭﻳﻬﺎﻡ ﺍﺑﺘﺴﻤﺖ .. ﺗﺴﻠﻢ
ﺣﻄﺖ ﺍﻟﺤﻠﻴﺐ ﻭﻗﻬﻮﻩ ﻭﻗﻤﻌﺰﺕ ﺗﻼﻩ
ﺍﻧﺲ ﻳﻌﻤﺶ .. ﺻﺒﻴﻠﻲ ﺣﻠﻴﺐ
ﺭﻳﻬﺎﻡ .. ﺣﻮﻝ ﺷﻌﺮﻙ ﻣﻦ ﻉ ﻋﻴﻮﻧﻚ
ﺍﻧﺲ .. ﺧﻠﻴﻪ ﻟﻴﻦ ﻧﻤﺸﻄﻪ
ﺭﻳﻬﺎﻡ ﺭﻓﻌﺎﺗﻪ ﺑﻄﺮﻳﻘﻪ ﻋﻔﻮﻳﻪ .. ﻫﻜﻲ ﺑﺎﻥ ﻣﻨﻀﺮﻙ ﺑﺲ ﻋﻴﻮﻧﻚ ﻣﺰﺍﻝ
ﺍﻧﺲ ﻳﻀﺤﻚ .. ﻗﺘﻠﻚ ﺻﻐﻴﺮﺍﺕ ﻣﺎﻩ
ﺭﻳﻬﺎﻡ .. ﺑﺲ ﻣﺎﺷﻴﺎﺕ ﻣﻌﺎﻙ
ﺻﺒﺘﻠﻪ ﺍﻟﺤﻠﻴﺐ ﻭﺣﻄﺎﺗﻪ ﻗﺪﺍﻣﻪ
ﺭﻳﻬﺎﻡ .. ﺻﺤﻪ ﻭﻋﺎﻓﻴﻪ
ﺍﻧﺲ .. ﺗﺴﻠﻤﻲ
ﻗﻌﺪﻭ ﻳﻔﻄﺮﻭ ﻭﺻﺒﺖ ﺭﻳﻬﺎﻡ ﺗﻠﻢ ﻓﻲ ﻃﺎﻭﻟﻪ ﻭﺍﻧﺲ ﻳﺤﻮﻝ ﻣﻌﺎﻫﺎ
ﺭﻳﻬﺎﻡ .. ﺧﻠﻲ ﻋﺎﺩﻱ
ﺍﻧﺲ .. ﻋﺎﺩﻱ ﺑﺎﻟﺠﻮ ﺟﺖ ﻣﺎﻧﺤﺒﺶ ﺗﺪﻗﻴﻖ ﻭﺍﺟﺪ ﺍﻧﺎ
ﺭﻳﻬﺎﻡ .. ﺍﻧﺖ ﺩﻛﺘﻮﺭ ﻛﻴﻒ ﻣﺎﺩﻗﻘﺶ ﻏﺮﻳﺒﻪ
ﺍﻧﺲ ﺑﺤﺖ ﻓﻴﻬﺎ ﺯﻳﻦ .. ﻻ ﻉ ﺍﻟﻤﺮﺿﻪ ﺍﻣﺘﺎﻋﻲ ﺍﻛﻴﺪﻩ ﺑﻨﺪﻗﻖ ﻻﻧﻪ ﺷﻐﻠﻲ ﻭﻣﺮﺍﺕ ﻳﻌﻨﻲ
ﺭﻳﻬﺎﻡ ﺗﺒﺤﺖ ﻓﻴﻪ ﻭﺗﺮﺍﺟﻲ ﻓﻴﻪ ﻳﻜﻤﻞ
ﺍﻧﺲ .. ﻭﻣﺮﺍﺕ ﻳﻌﻨﻲ ﻣﺎﻳﻘﻌﺪﻭﺵ ﻣﺠﺮﺩ ﻣﺮﺿﻪ ﺑﺲ ﻛﻴﻔﻚ ﻫﻜﻲ
ﺭﻳﻬﺎﻡ ﻧﺤﺮﺟﺖ ﻭﻧﺰﻟﺖ ﺭﺍﺳﻬﺎ
ﺍﻧﺲ .. ﻣﻦ ﺍﻭﻝ ﻣﺎﺧﺶ ﺑﻴﻚ ﻋﺰﻭ ﺑﻴﻦ ﺍﻳﺪﻳﻪ ﻭﺍﻧﺎ ﻋﻴﻨﻲ ﻋﻠﻴﻚ ﻭﺳﺘﻠﻤﺖ ﺣﺎﻟﺘﻚ ﻣﻊ ﺍﻧﻪ ﻛﻨﺖ ﺑﻨﻄﻠﻊ
ﺭﻳﻬﺎﻡ .. ﻋﻠﻴﺶ ﺷﻦ ﻓﻴﺎ ﻣﻦ ﺯﺍﻳﺪ
ﺍﻧﺲ .. ﻣﺶ ﻋﺎﺭﻑ ﻛﻞ ﺷﻲ ﻳﺼﻴﺮ ﻑ ﺩﻧﻴﺎ ﻫﺬﻱ ﻛﻠﻬﺎ ﻣﻦ ﺭﺑﻲ ﺍﺣﻴﺎﻧﺎً ﺍﻟﻠﻪ ﻳﺪﺯﻟﻚ ﺭﺳﺎﻝ ﻓﻴﻬﻦ ﺣﺎﺟﺎﺕ ﻭﺍﺟﺪﻩ ﺑﺲ ﺍﻧﺖ ﻣﺎﺗﺮﻛﺰﺵ
ﺭﻳﻬﺎﻡ .. ﻣﺘﻘﺮﺏ ﻣﻦ ﺭﺑﻲ ﻭﺍﺟﺪ ﻣﺸﺎﺀﺍﻟﻠﻪ ﻋﻠﻴﻚ
ﺍﻧﺲ .. ﺍﻟﺤﻤﺪ ﺍﻟﻠﻪ ﻧﻌﻤﻪ ﻭﻓﻀﻞ ﺍﻧﺎ ﻣﺶ ﻣﻠﺘﺰﻡ ﺑﺲ ﻣﺘﺤﻔﻆ
ﺭﻳﻬﺎﻡ .. ﺍﻫﺎ
ﺍﻧﺲ .. ﺑﻌﺪﻳﻦ ﻧﻄﻠﻌﻮ ﻣﺎﺟﺮ ﺷﺎﻟﻴﻪ
ﺭﻳﻬﺎﻡ .. ﺻﺎﺡ ﺑﺎﻩ ﻧﻐﻴﺮﻭ ﺟﻮ
ﺍﻧﺲ ﺍﺑﺘﺴﻢ .. ﺍﻥ ﺷﺎﺀ ﺍﻟﻠﻪ ﻧﻐﻴﺮﻭ ﺟﻮﻧﺎ "
" ﻉ ﺍﻟﻐﺪﺍﺀ ..
ﻣﺎﻣﺎ .. ﻫﺎ ﻳﺎﻋﺰﻭ ﺍﻣﺘﻰ ﺍﻟﺒﻴﺎﻥ ﻛﻠﻪ ﺣﺎﺟﻪ ﻭﺍﺗﻴﻪ ﺭﺍﻩ ﻣﺎﻓﻴﺶ ﺩﺍﻋﻲ ﻟﺘﺎﺟﻴﻞ
ﻋﺰﻭ .. ﺑﻌﺪ ﺑﻜﺮﺍ ﻛﻮﻳﺲ
ﺍﻧﺎ ﺍﺑﺘﺴﻤﺖ .. ﺍﻫﺎ ﺑﻌﺪ ﺑﻜﺮﺍ ﻳﻮﻡ ﺣﻠﻮ
ﻋﺰﻭ .. ﻋﻠﻴﺶ ﺷﻦ ﻓﻴﻪ ﻣﻦ ﺯﺍﻳﺪ
ﺭﺣﺎﺏ ﺗﻀﺤﻚ ﻻﻧﻬﺎ ﻓﻬﻤﺖ ﻗﺼﺪﻱ
ﺍﻧﺎ .. ﺗﻲ ﻣﺎ ﻓﻴﻪ ﺷﻲ ﺑﺲ ﺧﻠﻴﻪ ﺑﻌﺪ ﺑﻜﺮﺍ ﺍﺣﺴﻦ ﺑﺪﺍﻳﻪ ﺍﻟﺸﻬﺮ
ﻋﺰﻭ ﻫﺰ ﺭﺍﺳﻪ .. ﺗﻤﺎﻡ ﺑﻌﺪ ﺑﻜﺮﺍ ﺗﻮﺍ ﻧﻘﻮﻟﻠﻬﺎ ﻭﺍﻧﺘﻲ ﻛﻠﻤﻲ ﻫﻠﻬﺎ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ
ﺗﻐﺪﻳﻨﺎ ﻭﻣﺸﻴﻦ ﺍﻟﺒﻨﺎﺕ ﻟﻜﻮﺟﻴﻨﻪ ﻭﺍﻧﺎ ﻗﻤﻌﺰﺕ ﺗﻼ ﻣﺎﻣﺎ
ﺍﻧﺎ .. ﻣﺎﻣﺎ ﻗﺘﻠﻚ ﺟﺎﻳﺒﻪ ﻓﻠﻮﺱ ﺍﻟﻲ ﻋﻄﺎﻫﻦ ﻟﻴﺎ ﻋﻼﺀ ﻣﻦ ﺷﻘﺘﻨﺎ ﻑ ﺣﻮﺵ ﺧﻮﺍﻟﻲ ﻭﺣﻮﺵ ﻋﻤﺎﻣﻲ
ﻣﺎﻣﺎ .. ﺷﻦ ﺗﺒﻴﻨﻲ ﻧﺪﻳﺮ ﺑﻴﻬﻦ
ﺍﻧﺎ .. ﻋﻼﺀ ﺟﺎﺑﻬﻦ ﻭﻗﺘﻠﻪ ﻣﺎﻧﺒﻴﺶ ﺗﻮﺍ ﻧﺎﺧﺬ ﺑﻴﻬﻦ ﺻﺎﻟﻮﻥ ﻟﺤﻮﺷﻨﺎ ﻫﻨﺎ ﺑﺲ ﻣﺎﺳﺨﺮﺵ ﺭﺑﻲ ﻗﻠﺖ ﻧﺪﺳﻬﻦ ﻟﻌﺮﺱ ﺧﻮﺗﻲ ﻋﺎﺭﻓﺘﻚ ﺗﻮﺍ ﺗﺼﺮﻓﻴﻬﻦ
ﻣﺎﻣﺎ ﺍﺑﺘﺴﻤﺖ .. ﺍﻟﻠﻪ ﻳﻨﻬﻀﻚ ﺩﻧﻴﺎ ﻭﺍﺧﻴﺮﻩ
ﺍﻧﺎ ﺍﺑﺘﺴﻤﺖ ﺑﺸﻮﻳﺎ .. ﻧﺒﻲ ﺩﻋﻮﺍﺗﻚ ﺑﺲ ﻉ ﻣﻬﻢ ﺍﻧﺎ ﺣﻄﻴﺘﻬﻦ ﻑ ﺩﻭﻻﺑﻚ ﺭﺍﻩ
ﻣﺎﻣﺎ .. ﺑﺎﻩ ﺗﻤﺎﻡ
ﺍﻧﺎ . ﻧﺼﺒﻲ ﻧﺸﻮﻑ ﺍﻟﺒﻨﺎﺕ
ﺻﺒﻴﺖ ﺧﺸﻴﺖ ﻟﻜﻮﺟﻴﻨﻪ
ﺭﺣﺎﺏ .. ﻋﻴﺪ ﺟﻮﺍﺯﻙ ﺑﻌﺪ ﺑﻜﺮﺍ
ﺭﺷﺎ .. ﺣﻲ ﺻﺎﺡ ﺑﺲ ﻛﻴﻒ ﺗﺒﻲ ﺩﻳﺮﻱ ﻭﻧﺤﻦ ﻧﻘﻌﺪﻭ ﻻﻫﻴﻦ
ﺍﻧﺎ .. ﺍﺣﺴﻦ ﺑﺎﻟﻌﻜﺲ ﺑﺎﻟﻤﺮﻩ ﻧﻘﻌﺪ ﺑﺎﺭﻣﻪ ﻉ ﺭﻭﺣﻲ ﻭﻧﺮﻭﺡ ﻉ ﻃﻮﻝ
ﺭﺷﺎ .. ﻳﻨﻌﻠﻴﺎ ﺭﺑﻲ ﻳﻬﻨﻴﻜﻢ
ﺍﻧﺎ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﺑﻌﺪ ﺍﻟﻐﺪﺍﺀ ﺟﺎﻧﻲ ﺍﻳﻬﻢ ﻭﺭﻭﺣﺖ "
" ﻋﺰﻭ .. ﺍﻳﻮﻩ ﺧﻴﺮﺍﺕ
ﺍﻣﻴﺮﻩ .. ﺧﻴﺮ ﺣﺒﻴﺒﻲ ﺷﻦ ﺟﻮ
ﻋﺰﻭ .. ﺗﻤﺎﻡ ﻭﻳﻦ ﺍﻧﺘﻲ
ﺍﻣﻴﺮﻩ .. ﻑ ﺳﻮﻕ ﻗﺎﻋﺪﻩ
ﻋﺰﻭ .. ﻑ ﺳﻮﻕ ﺻﺎﺭ
ﺍﻣﻴﺮﻩ .. ﺍﻫﺎ ﻣﺎﻩ ﻧﻮﺗﻲ ﻟﻌﺮﺱ
ﻋﺰﻭ .. ﺑﺎﻩ ﻗﻠﺘﻲ ﻟﻠﻜﻠﺐ ﺍﻟﻲ ﺧﺎﻃﺒﻚ
ﺍﻣﻴﺮ ﺳﻜﺘﺖ
ﻋﺰﻭ .. ﻧﺤﻜﻲ ﻣﻌﺎﻙ ﺗﻬﻴﺎﻟﻲ ﺍﻧﺎ
ﺍﻣﻴﺮﻩ .. ﻣﺎﻩ ﺍﺻﻼً ..
ﻋﺰﻭ .. ﺍﺻﻼً ﺷﻨﻮ
ﺍﻣﻴﺮﻩ .. ﻧﺴﻴﺖ ﺑﺲ
ﻋﺰﻭ .. ﺑﺎﻩ ﺗﻤﺎﻡ ﺧﻠﻴﻚ ﺩﻳﻤﺎ ﻧﺎﺳﻴﻪ ﺍﻧﺎ ﻣﻜﻠﻢ ﺑﻨﻘﻮﻟﻚ ﺍﻟﺒﻴﺎﻥ ﺑﻌﺪ ﺑﻜﺮﺍ ﻫﻴﺎ ﺍﻭﻛﻲ
ﺍﻣﻴﺮﻩ .. ﻋﺰﻭ ﺍﺳﻤﻊ
ﺻﻜﺮ ﻉ ﻭﺟﻬﺎ ﻗﻌﺪﺕ ﺗﺮﻥ ﻗﻔﻞ ﻣﻮﺑﺎﻳﻞ ﻭﺭﻛﺐ ﺳﻴﺎﺭﺗﻪ ﻭﻃﻠﻊ "
" ﺭﺷﺎ ﺗﺴﻠﺢ ﻑ ﻋﺒﺎﻳﺘﻬﺎ ﺟﺎﺀ ﻣﺤﻤﺪ ﻭﺣﻀﻨﻬﺎ
ﻣﺤﻤﺪ .. ﺭﺍﻳﻔﺖ ﻋﻠﻴﻚ
ﺭﺷﺎ ﺍﺑﺘﺴﻤﺖ .. ﺣﺘﻰ ﺍﻧﺎ ﺣﺒﻴﺒﻲ
ﻣﺤﻤﺪ .. ﻣﻌﺶ ﺗﻐﻴﺒﻲ ﻋﻠﻴﺎ
ﺭﺷﺎ .. ﺍﻥ ﺷﺎﺀ ﺍﻟﻠﻪ ﻳﺎ ﻋﻤﺮﻱ
ﻣﺤﻤﺪ .. ﺗﻌﺎﻟﻲ ﻣﺎﺗﻘﺮﺑﻴﺶ ﺷﻲ ﺧﻠﻴﻨﺎ ﻧﻬﺪﺭﺯﻭ
ﺭﺷﺎ .. ﺧﻠﻴﻨﻲ ﻧﺒﺮﻡ ﻉ ﺷﻘﻪ ﺑﺲ
ﻣﺤﻤﺪ .. ﻻﻻ ﺧﻠﻴﻚ ﻧﻬﺪﺭﺯﻭ
ﺭﺷﺎ .. ﺑﻌﺪ ﺑﻜﺮﺍ ﺑﻴﺎﻥ ﻋﺰﻭ
ﻣﺤﻤﺪ .. ﺗﺒﻲ ﺗﺒﺎﺗﻲ ﻗﺼﺪﻙ
ﺭﺷﺎ .. ﻻ ﻻ ﺑﻴﺎﻥ ﻣﺎﺗﺨﺎﻓﺶ ﻋﻨﺪﻫﻢ ﻫﻤﺎ ﺍﻟﺤﻮﺳﻪ ﻣﺶ ﺷﻮﺭﻧﺎ
ﻣﺤﻤﺪ .. ﺧﻮﻓﺘﻴﻨﻲ ﻣﺶ ﻧﺎﻗﺼﻨﻲ
ﺭﺷﺎ ﺣﻀﻨﺎﺗﻪ ﻭﺗﻨﻬﺪﺕ .. ﺭﺑﻲ ﻳﺨﻠﻴﻨﺎ ﻟﺒﻌﻀﻨﺎ
ﻣﺤﻤﺪ .. ﺍﻧﺸﺎﺀ ﺍﻟﻠﻪ ﻳﺎﻋﻤﺮﻱ
ﻗﻤﻌﺰﻭ ﻉ ﺻﺎﻟﻮﻥ ﻭﺭﺷﺎ ﺭﺍﻗﺪﻩ ﻉ ﺻﺪﺭﻩ
ﺭﺷﺎ .. ﺗﻌﺮﻑ ﻓﻴﺶ ﺧﺎﻃﺮﻱ ﻳﺎﺍﺣﻤﻴﺪﺍ
ﻣﺤﻤﺪ .. ﻑ ﺷﻨﻮ ﺧﺎﻃﺮﻙ
ﺭﺷﺎ .. ﻧﺤﻤﻞ ﺑﺘﻮﺃﻡ ﺗﻬﻴﺎﻟﻲ ﻗﻠﺘﻬﺎ ﻟﻜﻲ ﻣﻦ ﻗﺒﻞ
ﻣﺤﻤﺪ ﺍﺑﺘﺴﻢ .. ﺍﻫﺎ ﻗﻠﺘﻴﻬﺎ ﻟﻴﺎ ﺑﺲ ﻋﻨﺪﻛﻢ ﻭﺭﺍﺛﻪ
ﺭﺷﺎ .. ﺍﻫﺎ ﻋﻤﺎﻣﻲ
ﻣﺤﻤﺪ .. ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺮﺯﻗﻨﺎ
ﺭﺷﺎ .. ﺍﻥ ﺷﺎﺀ ﺍﻟﻠﻪ ﺣﺒﻴﺒﻲ
ﻣﺤﻤﺪ .. ﻳﺎﻋﻤﺮﻱ ﺍﻧﺘﻲ ﻧﺠﻴﻬﺎ ﺍﻟﻲ ﺗﺒﻲ ﺍﻋﻴﺎﻝ ﻣﻦ ﺣﺒﻴﺒﻬﺎ
ﺭﺷﺎ ﺿﺤﻜﺖ .. ﻭﻛﻨﻲ ﻣﺎﻧﺒﻲ ﺍﻛﻴﺪﻩ ﻧﺒﻲ ﻣﻨﻚ ﺍﻋﻴﺎﻝ ﺛﻤﺮﻩ ﺣﺒﻨﺎ ﻫﺬﻳﻤﺎ
ﻣﺤﻤﺪ .. ﺍﻟﺤﻤﺪﺍﻟﻠﻪ ﻣﻦ ﺍﻭﻝ ﻛﺎﻥ ﺣﺐ ﺻﺎﻓﻲ ﻭﻧﻈﻴﻒ ﺭﺑﻲ ﻋﺎﺭﻑ ﻧﻴﺘﻨﺎ
ﺭﺷﺎ .. ﺭﺑﻲ ﻳﻔﺮﺣﻨﺎ ﺑﻌﻀﻨﺎ ﺧﻠﻴﻨﻲ ﻧﺼﺒﻲ ﺑﺎﻟﻠﻪ ﻧﻠﻢ ﺣﻮﺳﺘﻲ
ﻣﺤﻤﺪ ﺑﺎﺱ ﺭﺍﺳﻬﺎ .. ﻋﺪﻱ ﺑﺎﻩ ﺑﺲ ﻗﺒﻠﻬﺎ ﻋﺎﻃﻴﻨﻲ ﺑﻮﺳﻪ ﻃﻮﻭﻭﻳﻠﻪ
ﺭﺷﺎ ﺿﺤﻜﺖ ﻭﺑﺎﺳﺘﻪ ﻉ ﺧﺪﻩ .. ﻫﻜﻲ ﺗﻤﺎﻡ
ﻣﺤﻤﺪ ﺍﺑﺘﺴﻢ .. ﻧﺠﻚ ﻟﻴﺎ ﻋﺴﻞ "
" ﺑﻌﺪ ﻳﻮﻡ ﻑ ﺍﻟﺼﺒﺢ ﺍﻧﺎ ﻧﺤﻂ ﻑ ﺩﺑﺶ ﻑ ﺷﻨﻄﻪ ﻭﺍﻳﻬﻢ ﺣﺎﺿﻨﻲ ﻣﻦ ﻻﻭﺭﻩ
ﺍﻳﻬﻢ ﻳﺘﻨﻬﺪ .. ﻛﻴﻒ ﺍﻟﻴﻮﻡ ﻫﺬﺍ ﻗﻌﺪﻧﺎ ﻣﻜﺘﻮﺑﻴﻦ ﻟﺒﻌﻀﻨﺎ ﻭﻭﺍﻭﻭﻭ ﻳﺎﻣﻴﺴﻮ ﻟﻨﺎ ﺳﻨﻪ ﻣﻊ ﺑﻌﻀﻨﺎ ﺍﻻﻳﺎﻡ ﻳﺠﺮﻥ
ﺍﻧﺎ ﺍﺑﺘﺴﻤﺖ .. ﺑﺲ ﻣﺤﻼﻫﻦ ﻋﻠﻴﻚ ﺍﻳﺎﻡ ﺳﻮﺍﺀ ﺑﺤﻠﻮﻫﻦ ﻭﻻ ﺑﻤﺮﻫﻦ ﻛﻠﻬﻦ ﺣﻠﻮﺍﺕ
ﺍﻳﻬﻢ ﺍﺑﺘﺴﻢ .. ﺯﻳﻚ ﻣﺶ ﺣﻨﻠﻘﻰ ﻟﻮ ﻛﺎﻥ ﻧﻔﺘﺶ ﺍﻟﻌﺎﻟﻢ ﻛﻠﻪ
ﺍﻧﺎ .. ﻭﻧﻔﺲ ﻛﻞ ﻣﺮﻩ ﺣﻨﻘﻮﻝ ﺭﺑﻲ ﻣﺎﺗﺨﺘﺒﺮﻧﻴﺶ ﻑ ﺍﻳﻬﻢ
ﺍﻳﻬﻢ .. ﺗﻌﺮﻓﻲ ﺍﻧﻲ ﻧﺤﺒﻬﺎ ﺩﻋﻮﻩ ﻫﺬﻱ
ﺍﻧﺎ ﺍﺑﺘﺴﻤﺖ .. ﻧﺠﻚ ﻟﻴﺎ ﻭﺧﻼﺹ
ﺍﻳﻬﻢ .. ﻧﺨﻠﻴﻚ ﺗﻜﻤﻠﻲ ﺗﻮﺍ
ﺍﻧﺎ .. ﺑﺎﻩ
ﺣﻄﻴﺖ ﺩﺑﺸﻲ ﻛﻠﻪ ﻭﻟﺒﺴﺖ ﻋﺒﺎﻳﺘﻲ ﻭﺣﻄﻴﺖ ﻭﺳﻦ ﻑ ﻗﻌﺎﺩ ﻭﻃﻠﻌﺖ ﻟﻲ ﺍﻳﻬﻢ
ﺍﻳﻬﻢ .. ﻫﺎﺗﻴﻬﺎ ﺍﻟﻤﻜﻠﺒﺰﻩ
ﺍﻧﺎ .. ﻛﻠﺒﻮﺯﻩ ﺑﻜﻞ
ﺍﻳﻬﻢ .. ﺍﺣﻠﻰ ﺣﺎﺟﻪ ﺟﺪﻭﻗﻬﺎ ﺑﻨﺎﻛﻠﻬﻦ ﺷﻨﻮ ﺍﻟﻌﺴﻞ ﻫﺬﺍ
ﺍﻧﺎ ﻧﺎﺯﻟﻪ ﻣﻦ ﺩﺭﻭﺝ ﻭﻧﺒﺤﺖ ﻑ ﺍﻳﻬﻢ .. ﺗﺘﺎﻛﻞ ﻭﺣﻘﺮﺑﻲ
ﻧﺰﻟﻨﺎ ﻭﺧﺸﻴﻨﺎ ﻟﺤﻮﺵ ﻋﻤﻲ
ﺍﻳﻬﻢ .. ﺍﻣﻴﻲ ﻭﻳﻨﻚ
ﺳﻠﻴﻤﻪ .. ﺍﻫﻼ ﻭﺳﻬﻼ ﻧﻮﺭ ﺍﻟﺤﻮﺵ ﺑﻴﻬﺎ ﻧﺠﻴﻬﺎ
ﺍﻳﻬﻢ .. ﻣﻨﻮﺭ ﺑﻮﺟﻮﺩﻙ ﻳﺎﺍﻣﻲ
ﺍﻧﺎ .. ﻛﻴﻒ ﺣﺎﻟﻚ ﻳﺎﺍﻋﻤﻴﻤﻪ
ﺳﻠﻴﻤﻪ .. ﺍﻟﺤﻤﺪﺍﻟﻞﻩ ﻣﺒﺮﻭﻙ ﻣﺎﺗﻌﻮﻟﻮ
ﺍﻧﺎ .. ﺳﻠﻤﻚ ﻋﻘﺒﺎﻝ ﻟﺘﺴﻨﻴﻢ
ﺳﻠﻴﻤﻪ .. ﺍﻥ ﺷﺎﺀ ﺍﻟﻠﻪ ﻫﺎﺗﻬﺎ ﻳﺎﺍﻳﻬﻢ
ﺍﻧﺎ .. ﺭﺍﺿﻌﻪ ﺭﺍﻩ ﻭﻣﻐﻴﺮﺗﻠﻬﺎ ﺟﻮﻫﺎ ﺗﻤﺎﻡ
ﺳﻠﻴﻤﻪ .. ﺗﻤﺎﻡ ﻋﺪﻱ ﻭﺍﻧﺘﻲ ﻣﺘﻬﻨﻴﻪ ﻭﻣﺒﺮﻭﻙ ﻋﻠﻲ ﺧﻴﻚ
ﺍﻧﺎ .. ﺍﻟﻠﻪ ﻳﺒﺎﺭﻙ ﻓﻴﻚ ﺗﺴﻠﻤﻲ
ﻃﻠﻌﻨﺎ ﻣﻦ ﺣﻮﺵ ﻭﺭﻛﺒﻨﺎ ﻑ ﺳﻴﺎﺭﻩ ﻭﻣﺎﺷﻴﻦ ﺷﻮﺭ ﺍﻟﻜﻮﺍﻓﻴﺮ
ﺍﻳﻬﻢ .. ﺑﻌﺪ ﺗﻠﺒﺴﻲ ﺍﺭﻗﻲ ﺭﻭﺣﻚ ﺑﺎﻫﻲ
ﺍﻧﺎ .. ﺣﺎﺿﺮ ﻳﺎ ﺭﻭﺣﻲ
ﺍﻳﻬﻢ .. ﺟﺒﺘﻲ ﺍﺧﻤﺎﺭﻙ
ﺍﻧﺎ .. ﺟﺒﺘﻪ ﻣﻌﺎﻳﺎ ﻣﺎﺗﺨﺎﻓﺶ
ﺍﻳﻬﻢ .. ﺑﺎﻩ ﻛﻮﻳﺲ ﺍﻧﺰﻟﻲ ﻫﻴﺎ ﺗﻮﺍ ﻧﺠﻴﺒﻠﻚ ﻏﺪﺍﺀ
ﺍﻧﺎ .. ﻣﺎﺗﻌﺒﺶ ﺭﻭﺣﻚ
ﺍﻳﻬﻢ .. ﺗﻲ ﺍﻧﺰﻟﻲ ﺭﺍﻩ ﺧﻴﺮﻟﻚ
ﺍﻧﺎ ﺿﺤﻜﺖ .. ﺣﺎﺿﺮ ﺑﺎﻱ
ﺍﻳﻬﻢ ﻫﺰ ﺭﺍﺳﻪ .. ﺍﻭﻛﻲ
ﻧﺰﻟﺖ ﻭﺧﺸﻴﺖ ﻟﻜﻮﺍﻓﻴﺮ ﻭﻟﻘﻴﺖ ﻋﻨﺪﻫﺎ ﺻﺒﺎﻳﺎ ﻭﻗﻌﺪﺕ ﻧﺮﺍﺟﻲ ﻑ ﺩﻭﺭﻱ "
" ﺭﺣﺎﺏ .. ﻣﺶ ﻫﺬﻱ ﺍﺣﻠﻰ ﻳﺎﻋﺰﻭ
ﻋﺰﻭ ﻳﺒﺤﺖ ﻑ ﻣﻮﺑﺎﻳﻠﻪ ﻛﺎﻧﺖ ﺗﺮﻥ ﻋﻠﻴﻪ ﺍﻣﻴﺮﻩ ﻭﻫﻮ ﻳﻔﺼﻞ ﻋﻠﻴﻬﺎ
ﺭﺣﺎﺏ .. ﻳﺎﺯﻳﺰﻭ ﺑﺤﺖ
ﻋﺰﻭ .. ﻣﺶ ﻗﺘﻠﻚ ﻓﻜﻴﻨﻲ ﻣﻨﺎ ﺯﻳﺰﻭ ﻋﻨﺠﺪ ﺯﻳﺰﻭ ﺭﺍﻧﻲ ﻃﻮﻳﻞ ﻋﺮﻳﺾ ﻭﺗﻘﻮﻟﻴﻠﻲ ﺯﻳﺰﻭ
ﺭﺣﺎﺏ ﺿﺤﻜﺖ .. ﺑﺎﻩ ﻳﺎﻋﺰﻭ ﻣﺶ ﻫﺬﻱ ﺍﺣﻠﻰ ﺍﻋﻠﻴﻮﻩ ﻗﺎﻟﻲ ﻫﺬﻱ
ﻋﺰﻭ .. ﻋﺎﺩﻱ ﻣﺶ ﻣﺸﻜﻠﻪ ﺍﻧﺎ ﻣﺎﻧﺒﻴﻬﺶ ﻫﺎﻟﻘﺮﻭﺍﻃﻪ ﻏﻴﺮ ﺍﻣﻴﺮﻩ ﺯﻧﺖ ﻋﻠﻴﻬﺎ ﻛﺎﻥ ﻫﺬﺍ ﻧﻘﻮﻟﻚ ﻣﺎﻧﻴﺶ ﻻﺑﺴﻪ ﻓﻜﻴﻨﻲ ﻣﻨﻬﺎ
ﺭﺣﺎﺏ .. ﺣﺮﺍﻡ ﻋﻠﻴﻚ ﻳﺎﻋﺰﻭ ﺗﻜﺴﺮ ﺑﺨﺎﻃﺮﻫﺎ ﻫﻴﺎ ﻫﺎﻟﺪﻗﺎﺋﻖ ﺍﻟﻲ ﺗﺒﻲ ﺗﻘﻌﺪﻫﻦ ﺑﻌﺪﻫﺎ ﺣﻮﻟﻬﺎ
ﻋﺰﻭ .. ﺑﺎﻩ ﺣﻄﻴﻠﻲ ﺍﻟﺤﻤﺮﺍ ﺗﺒﻴﻬﺎ ﺣﺘﻰ ﻫﻴﺎ
ﺭﺣﺎﺏ .. ﺣﻲ ﻧﻔﺲ ﺍﺧﺘﻴﺎﺭﻱ ﺧﻼﺹ ﺍﻫﻮ ﻭﺗﻴﺘﻪ ﻟﻜﻲ ﺩﺑﺸﻚ
ﻋﺰﻭ .. ﺗﻢ ﻣﻨﻮﺭﻩ
ﺭﺣﺎﺏ ﻃﻠﻌﺖ ﻭﻋﺰﻭ ﻗﻌﺪ ﻳﺸﻮﻑ ﻑ ﺭﻧﺎﺕ ﻓﻮﻕ ﻣﻦ 10 ﻣﻜﺎﻟﻤﺎﺕ ﺑﺤﺖ ﻑ ﻣﻮﺑﺎﻳﻞ ﻭﻗﻔﻠﻪ ﻭﺻﺒﻰ ﻳﺪﻭﺵ "
" ﺑﺪﺕ ﻓﻴﺎ ﺍﻟﻜﻮﺍﻓﻴﺮ ﻭﻫﻴﺎ ﺩﻳﺮﻟﻲ ﻑ ﺷﻌﺮﻱ ﺭﻥ ﺍﻳﻬﻢ
ﺍﻧﺎ .. ﻣﻌﻠﻴﺶ ﺷﻮﻳﺎ ﺍﻳﻮﺍﻩ ﺍﻳﻬﻢ
ﺍﻳﻬﻢ .. ﺑﺮﺍ ﺍﻧﺎ ﺗﻌﺎﻟﻲ ﺧﻮﺫﻱ ﻣﻨﻲ
ﺍﻧﺎ .. ﺑﺎﻩ ﺣﺎﺿﺮ
ﻃﻠﻌﺘﻠﻪ
ﺍﻳﻬﻢ .. ﻣﺰﺍﻟﺘﻲ
ﺍﻧﺎ .. ﻛﻴﻒ ﺑﺪﻳﺖ ﻫﺎﺕ ﺗﺴﻠﻢ ﺍﻳﺪﻳﻚ
ﺍﻳﻬﻢ .. ﺳﻠﻤﻚ ﻧﺒﻴﻚ ﻣﻠﻜﻪ ﺍﻟﻴﻮﻡ
ﺍﻧﺎ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ
ﻋﺪﺍ ﺍﻳﻬﻢ ﻭﺍﻧﺎ ﺧﺸﻴﺖ ﻋﺰﻣﺖ ﻋﻠﻲ ﻗﺎﻋﺪﺍﺕ ﻛﺎﻧﺖ ﻑ ﺯﺑﻮﻧﻪ ﻭﺣﺪﻩ ﻭﺍﻣﺘﺎﻋﺎﺕ ﻛﻮﺍﻓﻴﺮ ﺧﺬﻥ ﻃﺸﻪ ﻭﺗﺤﺸﻤﻦ
ﺍﻟﺒﻨﺖ ﺍﻟﻲ ﻗﺎﻋﺪﻩ .. ﺧﻄﻴﺒﻚ ﺷﻜﻠﻪ
ﺍﻧﺎ ﺿﺤﻜﺖ .. ﻫﻬﻪ ﻻﻻ ﺭﺍﺟﻠﻲ
ﺍﻟﺒﻨﺖ .. ﻧﺤﺴﺎﺑﻪ ﺧﻄﻴﺒﻚ ﻭﺍﻟﻴﻮﻡ ﺑﻴﺎﻧﻚ
ﺍﻧﺎ ... ﻻ ﺭﺍﺟﻠﻲ ﻭﻛﻴﻒ ﺍﻟﻴﻮﻡ ﻧﺼﻜﺮﻭ ﺳﻨﻪ
ﺍﻟﺒﻨﺖ .. ﺍﻫﺎ ﺑﺎﻳﻨﻪ ﺻﻐﻴﺮﻩ ﺷﻜﻠﻜﻢ ﻋﻼﻗﻪ
ﺍﻧﺎ ﺍﺑﺘﺴﻤﺖ .. ﻻ ﻻ ﻣﺶ ﻋﻼﻗﻪ ﺭﻭﺍﺩﻩ
ﺍﻟﺒﻨﺖ .. ﺭﺑﻲ ﻳﻬﻨﻴﻜﻢ ﺷﻜﻠﻪ ﻳﺤﺒﻚ ﺍﻟﻲ ﺟﺎﻳﺒﻚ ﻟﻜﻮﺍﻓﻴﺮ ﻉ ﺳﺒﻪ ﻋﻴﺪ ﺟﻮﺍﺯﻛﻢ
ﺍﻧﺎ .. ﺗﺴﻠﻤﻲ ﻋﻘﺒﺎﻟﻚ
ﺍﻟﺒﻨﺖ .. ﺍﻥ ﺷﺎﺀ ﺍﻟﻠﻪ
ﺍﻧﺎ ﻓﺘﺤﺖ ﻣﻮﺑﺎﻳﻠﻲ ﻭﻛﺎﻧﺖ ﺧﻠﻔﻴﺘﻲ ﺻﻮﺭﺗﻪ ﻭﺭﻳﺘﻬﺎ ﻟﻬﺎ .. ﺍﻫﻮ
ﺍﻟﺒﻨﺖ .. ﻣﺸﺎﺀ ﺍﻟﻠﻪ ﺧﺎﻳﻠﻴﻦ ﻉ ﺑﻌﻀﻜﻢ ﺭﺑﻲ ﻳﺤﻔﻈﻜﻢ
ﺍﻧﺎ .. ﺍﻥ ﺷﺎﺀ ﺍﻟﻠﻪ
ﺗﻐﺪﻳﺖ ﻭﻛﻤﻠﺖ ﺑﺎﻗﻲ ﺣﺎﺟﺎﺗﻲ ﻉ ﺳﺎﻋﻪ ﺍﺭﺑﻌﻪ ﻛﻤﻠﺖ ﻭﺟﺎﻧﻲ ﺍﻳﻬﻢ
ﺍﻳﻬﻢ .. ﺧﺎﻃﺮﻱ ﻧﺒﺮﻡ ﻭﻧﺮﺩ ﻟﺸﻘﻪ
ﺍﻧﺎ ﺿﺤﻜﺖ .. ﺍﺻﺒﺮ ﺣﺒﻴﺒﻲ ﻛﻨﻚ ﻋﺎﺩ
ﺍﻳﻬﻢ .. ﺗﻲ ﻣﺶ ﻗﺎﺩﺭ ﻧﺼﺒﺮ ﺍﺯﻑ
ﺍﻧﺎ .. ﺧﻼﺹ ﻧﺤﻦ ﻣﺶ ﺣﻨﻄﻮﻟﻮ ﺍﺻﻼً
ﺍﻳﻬﻢ ﻣﺴﻚ ﺍﻳﺪﻱ ﻭﺑﺎﺳﻬﺎ .. ﺑﺎﻩ ﺗﻤﺎﻡ ﻫﻴﺎ ﺍﻧﺰﻟﻲ
ﻧﺰﻟﺖ ﻭﺧﺸﻴﺖ ﺟﻮﺍ ﻛﺎﻧﻮ ﺟﺎﻳﻦ ﺧﻮﺍﻟﻲ ﻭﺑﻨﺎﺕ ﺳﻴﺪ ﻣﺎﻣﺎ ﻛﺎﻧﻦ ﻗﺮﻳﺒﺎﺕ ﻣﻨﺎ ﺷﻮﻳﺎ
ﺭﺷﺎ .. ﻭﺭﻳﻨﻲ ﺗﺮﺍ ﺍﻟﻔﺴﺘﺎﻥ
ﺍﻧﺎ ﺳﻠﺤﺖ ﻭﺭﻳﺘﻬﺎ ﻛﺎﻥ ﻓﺴﺘﺎﻧﻲ ﻟﻮﻧﻪ ﺳﻤﺎﺋﻲ ﺗﻮﺏ ﻭﺗﻮﺏ ﺍﻣﺘﺎﻋﻪ ﻉ ﺷﻜﻞ ﻗﻠﺐ ﻧﺎﺯﻝ ﻉ ﺻﺪﺭ ﻭﻓﻴﻪ ﻧﻘﻂ ﺳﻮﺩ ﻭﻫﻮ ﻃﻮﻳﻞ ﺿﺎﺑﻂ ﻉ ﺟﺴﻢ ﻭ ﻣﺨﺼﺮ ﻭﻣﺮﺷﺮﺵ ﺑﺎﻟﻔﻀﻲ
ﺭﺷﺎ .. ﺣﻠﻮﻭﻭﻭ ﺑﻜﻞ ﻭﺗﺴﺮﻳﺤﻪ ﺳﻨﺒﻞ ﺑﻜﻞ
ﺭﺣﺎﺏ .. ﺍﻟﻤﻜﻴﺎﺝ ﺇﺑﺪﺍﻉ ﻧﻔﺴﻬﺎ ﺍﻟﻲ ﻋﺪﻳﺘﻠﻬﺎ ﺍﻧﺘﻲ ﻭﺭﺷﺎ
ﺍﻧﺎ .. ﺍﻫﺎ ﻧﻔﺴﻬﺎ
ﺭﺣﺎﺏ .. ﻣﺸﺎﺀ ﺍﻟﻠﻪ ﺭﺑﻲ ﻳﺤﻔﻈﻚ
ﺍﻧﺎ .. ﺗﺴﻠﻤﻦ ﻳﺎﺧﻴﻪ
ﺭﺷﺎ .. ﻗﺎﻟﻮ ﻫﻴﺎ
ﻟﺒﺴﺖ ﻭﻃﻠﻌﻨﺎ ﻃﺒﻌﺎً ﻛﺎﻥ ﻣﺤﻤﺪ ﻭﺍﻳﻬﻢ ﻗﺎﻋﺪﻳﻦ ﻭﻳﻮﺳﻒ ﻭﻣﺮﻭﺍﻥ ﺑﺲ ﻃﺎﺭﻕ ﻭﺳﻔﻴﺎﻥ ﻣﺶ ﻗﺎﻋﺪﻳﻦ ﻭﻋﻼﺀ ﻭﻋﺰﻭ
ﻃﻠﻌﻨﺎ ﺭﻛﺒﻨﺎ ﻓﻲ ﺳﻴﺎﺭﺍﺕ ﻭﻣﺸﻴﻨﺎ ﻟﺤﻮﺵ ﻫﻞ ﺍﻣﻴﺮﻩ ﻭﻧﺰﻟﻨﺎ ﺧﺸﻴﻨﺎ
ﺭﺷﺎ .. ﻟﻮﻭﻭﻭﻭﻭﻭﻭﻭﻭﻭﻭﻟﻴﻴﻴﻴﻴﻲ
ﺍﻣﻬﺎ .. ﻣﺮﺣﺒﺘﻴﻦ ﺑﻴﻜﻢ ﻣﺮﺣﺒﺘﻴﻦ
ﻣﺎﻣﺎ .. ﺍﻟﻠﻪ ﻳﺮﺣﺐ ﺑﻴﻚ
ﺳﻠﻤﻨﺎ ﻋﻠﻴﻬﻢ ﻭﺳﻠﺤﻨﺎ ﻋﺒﺎﻳﺘﻨﺎ ﻭﻗﻤﻌﺰﻧﺎ ﻭﺟﺖ ﺗﻘﻤﻌﻴﺰﺗﻲ ﺗﻼ ﺍﻣﻴﺮﻩ
ﺍﻧﺎ ﺍﺑﺘﺴﻤﺘﻠﻬﺎ .. ﻣﺒﺮﻭﻙ ﻋﻠﻴﻜﻢ
ﺍﻣﻴﺮﻩ ﺍﺑﺘﺴﻤﺖ .. ﺍﻟﻠﻪ ﻳﺒﺎﺭﻙ ﻓﻴﻚ ﻣﻴﺲ ﻭﻻ ﺭﺣﺎﺏ
ﺍﻧﺎ ﺿﺤﻜﺖ .. ﻣﻴﺲ ﺍﻧﺎ ﺍﻫﻲ ﺭﺣﺎﺏ
ﺃﻣﻴﺮﻩ ﺑﺤﺘﺖ ﻓﻴﻬﺎ .. ﻫﻮ ﺍﻧﺘﻲ ﺭﺣﺎﺏ
ﺭﺣﺎﺏ ﺿﺤﻜﺖ .. ﺍﻫﺎ ﺍﻧﺎ ﻋﻠﻴﺶ
ﺍﻣﻴﺮﻩ ﺍﺑﺘﺴﻤﺖ .. ﺩﻟﻮﻋﻪ ﻋﺰﻭ
ﺭﺣﺎﺏ ﺍﺑﺘﺴﻤﺖ ﻭﺳﻜﺘﺖ
ﺍﻧﺎ .. ﺣﻜﺎﻳﻠﻚ ﻋﻠﻴﻬﺎ ﺍﻣﻼ
ﺍﻣﻴﺮﻩ .. ﺣﺎﻛﻴﻠﻲ ﻋﻠﻴﻜﻢ ﻛﻠﻜﻢ ﻭﻳﻦ ﺍﻟﻌﺮﻭﺱ
ﺍﻧﺎ .. ﺍﻳﻦ ﻭﺣﺪﻩ ﺭﺷﺎ ﻣﺎﻟﻬﺶ ﺷﻬﺮﻳﻦ ﻭﺭﻳﻬﺎﻡ ﻳﻮﻣﻴﻦ ﺑﺲ
ﺍﻣﻴﺮﻩ .. ﺭﻳﻬﺎﻡ
ﺍﻧﺎ .. ﺍﻫﺎ ﺭﻳﻬﺎﻡ ﻃﺎﻟﻌﻪ ﻣﻊ ﺭﺍﺟﻠﻬﺎ ﺗﻐﻴﺮ ﺟﻮ
ﺍﻣﻴﺮﻩ .. ﺑﺎﻩ ﺭﺑﻲ ﻳﻬﻨﻴﻬﺎ
ﺍﻧﺎ .. ﺗﺴﻠﻤﻲ ﻭﻳﻬﻨﻴﻚ ﺍﻧﺘﻲ ﻭﻋﺰﻭ ﺣﺎﻓﻈﻲ ﻋﻠﻴﻪ ﻋﺰﻭ ﻣﺎﻓﻴﺶ ﻛﻴﻒ ﺣﻨﻴﺘﻪ ﻭﻃﻴﺎﺑﺘﻪ
ﺍﻣﻴﺮﻩ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ
ﺿﻴﻮﻓﻨﺎ ﻭﺭﻥ ﻋﺰﻭ ﻋﻠﻴﺎ
ﻋﺰﻭ .. ﺑﻨﺨﺶ ﻫﻴﺎ ﺍﻃﻠﻌﻴﻠﻲ
ﺍﻧﺎ .. ﺑﺎﻫﻲ ﺗﻤﺎﻡ
ﺍﻧﺎ ﺑﺮﻣﺖ ﻉ ﻣﺎﻣﺎ .. ﻋﺰﻭ ﺑﻴﺨﺶ ﺍﻃﻠﻌﻲ ﻣﻌﺎﻳﺎ
ﻗﻨﺎﻟﻬﻢ ﺍﻧﻪ ﺑﻴﺨﺶ ﻭﻃﻠﻌﺘﻠﻪ ﺍﻧﺎ ﻭﻣﺎﻣﺎ ﻛﺎﻥ ﻻﺑﺲ ﺳﺮﻭﺍﻝ ﺟﻴﻨﺰ ﻭﺻﻮﺭﻳﺎ ﺑﻴﻀﻪ ﻭﻗﺮﻭﺍﻃﻪ ﺻﻐﻴﺮﻩ ﻉ ﺷﻜﻞ ﻭﺭﺩﻩ ﻟﻮﻧﻬﺎ ﺍﺣﻤﺮ ﻭﺟﺎﻛﻪ ﺑﻴﺞ ﻭﻛﻮﻳﺶ ﺍﺣﻤﺮ
ﺍﻧﺎ .. ﻣﺸﺎﺀﺍﻟﻠﻪ ﺭﺑﻲ ﻳﺤﻔﻈﻚ ﻫﻴﺎ ﺗﻌﺎﻝ
ﻋﺰﻭ .. ﻣﺘﺎﻛﺪﻩ ﺷﻌﺮﻱ ﻭﻟﺤﻴﻪ ﻣﺴﻮﺍﻳﺎ
ﻣﺎﻣﺎ .. ﻣﺸﺎﺀ ﺍﻟﻠﻪ ﻏﺰﺍﻝ ﻣﺼﻮﺭ ﻫﻴﺎ ﺧﺶ
ﺧﺸﻴﻨﺎ ﻣﻌﺎﻩ ﻭﻧﻘﻠﺒﺖ ﻣﺮﺑﻮﻋﻪ ﺯﻏﺎﺭﻳﺖ ﻭﺍﻣﻴﺮﻩ ﺗﺒﺤﺖ ﻓﻴﻪ ﻭﻣﺘﻮﺗﺮﻩ ﻗﺮﺏ ﻣﻨﻬﺎ ﻭﺳﻠﻢ ﻋﻠﻴﻬﺎ ﺑﺎﻟﺨﺪ
ﺍﻣﻴﺮﻩ ﺍﺑﺘﺴﻤﺖ .. ﻣﺒﺮﻭﻙ ﻋﻠﻴﻨﺎ
ﻋﺰﻭ .. ﺍﻟﻠﻪ ﻳﺒﺎﺭﻙ ﻓﻴﻚ
ﺭﺷﺎ ﻣﺎﺳﻜﻪ ﺩﺑﻞ
ﻋﺰﻭ ﻗﻌﺪ ﻳﺒﺤﺖ ﻓﻴﻬﺎ ﻭﺳﺎﻛﺖ
ﺍﻧﺎ .. ﻫﻴﺎ ﻋﺰﻭ ﺩﺑﻞ
ﻋﺰﻭ ﻓﻄﻦ .. ﺍﻫﺎ ﻫﻴﺎ ﻫﻲ
ﻟﺒﺴﻬﺎ ﺩﺑﻠﻪ ﻭﻫﻴﺎ ﻻﺑﺴﺘﻪ
ﻋﺰﻭ ﻗﺎﺭﻥ ﺣﻮﺍﺟﺒﻪ ﻭﻳﻠﺒﺲ ﻓﻴﻬﺎ ﻑ ﻃﺎﻗﻢ
ﺍﻣﻴﺮﻩ ﺗﺒﺤﺖ ﻓﻴﻪ ﻭﺧﻨﻘﺘﻬﺎ ﺍﻟﻌﺒﺮﻩ .. ﺍﻓﺮﺩ ﻭﺟﻚ ﻗﺪﺍﻡ ﺍﻟﻨﺎﺱ
ﻋﺰﻭ .. ﻣﺰﺍﻟﺖ ﺭﺍﻗﻴﻠﻲ ﺭﺍﻩ ﺑﺲ ﻣﺎﻗﺪﺭﺗﺶ ﻧﻜﺴﺮ ﺑﺨﺎﻃﺮﻙ ﻭﻣﺎﻧﺨﺸﺶ
ﺍﻣﻴﺮﻩ .. ﺍﻧﺖ ﻣﺎﺧﻠﺘﻠﻴﺶ ﻣﺠﺎﻝ ﺣﺘﻰ ﻧﺤﻜﻲ ﻭﻧﺮﺍﺿﻴﻚ ﻣﺎﻛﻨﺘﺶ ﻧﺒﻲ ﺑﻴﺎﻧﻪ ﻳﺠﻲ ﺑﻄﺮﻳﻘﻪ ﻫﺬﻱ ﻧﺒﻴﻚ ﻓﺮﺣﺎﻥ
ﻋﺰﻭ .. ﺣﺘﻰ ﻭﻛﻨﺖ ﺯﻋﻼﻥ ﻣﻨﻚ ﺑﺲ ﺍﻧﺎ ﻓﺮﺣﺎﻥ
ﺍﻣﻴﺮﻩ ﺍﺑﺘﺴﻤﺖ .. ﺭﺑﻲ ﻳﺨﻠﻴﻚ ﻟﻴﺎ
ﻋﺰﻭ ﺑﺤﺖ ﻓﻴﻬﺎ ﻣﻦ ﺟﻨﺐ .. ﻣﺰﺍﻟﺖ ﺯﻋﻼﻥ ﻧﺒﻴﻚ ﺗﺮﺍﺿﻴﻨﻲ
ﺍﻣﻴﺮﻩ .. ﻗﺪﺍﻣﻬﻢ ﻋﺎﺩ ﻣﺎﻧﻌﺮﻓﺶ ﻧﺎﺧﺬ ﺭﺍﺣﺘﻲ
ﻋﺰﻭ .. ﻗﻮﻟﻲ ﻟﻲ ﻫﻠﻚ ﺑﻨﺼﻮﺭﻭ ﻭﻧﺎﺧﺬﻭ ﺭﺍﺣﺘﻨﺎ ﻳﺨﻠﻮﻧﺎ ﻑ ﻣﻜﺎﻥ ﺑﺮﻭﺣﻨﺎ
ﺍﻣﻴﺮﻩ .. ﺑﺎﻩ ﺗﻤﺎﻡ ﺣﺎﺿﺮ ﻉ ﻣﻬﻢ ﺗﺮﺿﻲ ﻳﺎﻋﻤﺮﻱ
ﺍﻣﻴﺮﻩ ﺩﻭﺕ ﻟﻲ ﺍﺧﺘﻬﺎ ﻭﻃﻠﻌﺘﻬﻢ ﻑ ﻣﺮﺑﻮﻋﻪ ﺧﺎﺭﺟﻴﻪ
ﺍﻣﻴﺮﻩ ﺑﺮﻣﺖ ﻋﻠﻴﻪ .. ﻋﺰﻭ ﺍﺳﻔﻪ ﺣﺒﻴﺒﻲ ﻣﻌﺶ ﺗﻜﺮﺭ ﻧﺤﻦ ﺍﻟﻴﻠﻪ ﺧﻄﻮﺑﺘﻨﺎ ﻻﺯﻡ ﺍﻭﻝ ﻣﻨﺎﺳﺒﻪ ﻟﻨﺎ ﺗﻜﻮﻥ ﺑﺪﺍﻳﺘﻬﺎ ﺣﻠﻮﻩ
ﻋﺰﻭ ﺍﺑﺘﺴﻢ .. ﺍﻟﻠﻪ ﻏﺎﻟﺐ ﻧﺤﺒﻚ
ﺍﻣﻴﺮﻩ .. ﻗﻌﺪﺕ ﻣﺸﻜﻠﻪ ﺣﺒﻲ ﻟﻜﻲ
ﻋﺰﻭ ﺗﻨﻬﺪ .. ﻭﺍﺣﻠﻰ ﻣﺸﻜﻠﻪ ﻳﺎﺳﻤﺤﻪ
ﺍﻣﻴﺮﻩ .. ﺗﻲ ﻋﺰﻭ ﻑ ﺃﻧﻮﺍﻉ ﻏﺰﻝ ﺣﻠﻮﻩ ﻟﻴﺶ ﺩﻳﻤﺎ ﺗﻘﻮﻟﻲ ﻳﺎﺳﻤﺤﻪ
ﻋﺰﻭ .. ﺑﺎﻩ ﻧﺤﻜﻲ ﻑ ﺣﻘﻴﻘﻪ ﻭ ﺍﻧﺘﻲ ﺗﻜﺮﻫﻲ ﺣﺪ ﻳﻘﻮﻟﻚ ﻳﺎﺳﻤﺤﻪ
ﺍﻣﻴﺮﻩ .. ﺑﺎﻩ ﻋﺎﺭﻓﻪ ﺑﺲ ﺩﻳﻤﺎ ﻗﻮﻟﻲ ﺣﺎﺟﻪ ﺍﺣﻠﻰ
ﻋﺰﻭ .. ﺣﺒﻴﺘﻬﺎ ﻣﺎﺣﺒﻴﺘﻬﺶ ﺍﻧﺎ ﻣﺶ ﻗﺎﻳﻞ ﺍﻻ ﻳﺎﺳﻤﺤﻪ
ﺍﻣﻴﺮﻩ ﺿﺤﻜﺖ .. ﻗﻮﻝ ﻳﺎﻏﺰﺍﻟﻲ ﺍﻧﺖ
ﻋﺰﻭ ﺍﺑﺘﺴﻢ ﻭﺳﻜﺖ
ﺍﻣﻴﺮﻩ ﻗﺮﺑﺖ ﻭﻣﺴﻜﺖ ﺍﻳﺪﻩ .. ﺣﺒﻴﺒﻲ ﺭﺿﻴﺖ
ﻋﺰﻭ ﺭﻓﻊ ﺍﻳﺪﻫﺎ ﻭﺧﻼﻫﺎ ﻉ ﺻﺪﺭﻩ .. ﺭﺿﻴﺖ ﺑﺲ ﻣﻌﺶ ﺗﻌﺎﻭﺩﻳﻬﺎ
ﺍﻣﻴﺮﻩ ﺍﺑﺘﺴﻤﺖ .. ﺣﺎﺿﺮ ﻭﺍﻧﺖ ﻣﻌﺶ ﺗﻘﻔﻠﻪ
ﻋﺰﻭ .. ﺗﻲ ﺧﺎﻳﻒ ﻧﻀﻌﻒ ﻭﻧﺤﻜﻲ ﻣﻌﺎﻙ ﺗﺮﻳﺢ ﺟﺪ ﺍﻡ ﻫﻴﺒﻪ ﻭﺍﻟﻮﻋﺎﺭﻩ ﺍﻟﻲ ﺩﺍﻳﺮﻫﺎ
ﺍﻣﻴﺮﻩ .. ﺑﺘﻘﻌﺪ ﻭﺍﻋﺮ ﻋﻠﻴﺎ ﻗﺼﺪﻙ
ﻋﺰﻭ ﺗﻨﻬﺪ ﻭﺑﺤﺖ ﻓﻴﻬﺎ .. ﺗﻮﺍ ﺑﺎﻟﻠﻪ ﻋﻠﻴﻚ ﺍﻧﺎ ﻭﺍﻋﺮ ﻭﻻ ﻋﺼﺒﻲ
ﺍﻣﻴﺮﻩ ﻫﺰﺕ ﺭﺍﺳﻬﺎ ﺏ ﻻﻻ .. ﺍﻧﺖ ﻋﺴﻞ ﻭﺷﺨﺼﻴﻪ ﺣﻠﻮﻩ
ﻋﺰﻭ ﻗﻌﺪ ﻳﺒﺤﺖ ﻓﻴﻬﺎ ﻭﻣﺒﺘﺴﻢ ﺑﻌﺪﻫﺎ ﺻﺒﻰ .. ﺧﻼﺹ ﺑﻨﻄﻠﻊ ﻣﻌﺶ ﻧﻘﺪﺭ ﻧﻘﻌﺪ ﻭﺍﻧﺎ ﻣﻌﺎﻫﺪ ﺭﻭﺣﻲ ﻣﺎﻧﻠﻤﺴﺶ ﻣﻨﻚ ﺷﻌﺮﻩ ﺍﻻ ﺑﺎﻟﺤﻼﻝ
ﺍﻣﻴﺮﻩ ﺗﻨﻬﺪﺕ ﺗﻨﻬﻴﺪﻩ ﻃﻮﻳﻠﻪ .. ﻧﺤﺐ ﻓﻴﻚ ﺭﺟﻮﻟﺘﻚ ﻫﺬﻱ
ﻋﺰﻭ ﺍﺑﺘﺴﻢ .. ﻧﺤﺒﻚ
ﻭﻃﻠﻊ ﻭﺍﻣﻴﺮﻩ ﺷﻮﻳﺎ ﻭﺟﺘﻨﺎ ﻻﺑﺴﻪ ﻓﺴﺘﺎﻧﺎ ﺍﻟﻲ ﺟﺒﺎﻧﻪ ﻟﻬﺎ ﻭﻧﺤﻦ ﻃﺸﻪ ﻭﺭﻭﺣﻨﺎ ﻣﻦ ﺍﻭﻝ ﻣﺎﺭﻛﺒﺖ ﻣﻊ ﺍﻳﻬﻢ ﻭﻫﻮ ﺩﺍﻳﺮ ﺳﻴﺎﺭﻩ ﻃﻴﺎﺭﻩ ﻫﺎﻟﻤﺮﻩ ﻣﺎﻓﻴﺶ ﺣﺪ ﺭﻛﺐ ﻣﻌﺎﻧﺎ ﻭﺭﻭﺡ ﺑﻴﺎ ﻉ ﺷﻘﻪ ﻉ ﻃﻮﻝ
ﺍﻳﻬﻢ ﻓﺘﺢ ﺑﺎﺏ ﺣﻮﺷﻬﻢ ﻭﻣﺎﺳﻚ ﺍﻳﺪﻱ
ﺍﻧﺎ .. ﺍﺻﺒﺮ ﻭﺳﻦ
ﺍﻳﻬﻢ .. ﻓﻮﺗﻴﻬﺎ ﻫﻴﺎﺍ ﺑﺴﺴﺲ
ﻗﻌﺪ ﻳﺮﻛﺐ ﺑﻴﺎ ﻭﻛﻌﺐ ﺍﺩﻳﺮ ﻑ ﺻﻮﺕ ﺍﻧﺎ ﻛﺮﻳﺖ ﺍﻳﺪﻩ ﻭﻗﻔﺘﻪ
ﺍﻧﺎ .. ﺍﺻﺒﺮ ﺑﺲ
ﺳﻠﺤﺖ ﻛﻌﺐ ﻭﻗﻌﺪﺕ ﻧﺠﺮﻱ ﻣﻌﺎﻩ ﻟﻴﻦ ﻭﺻﻠﻨﺎ ﻟﺸﻘﻪ ﻓﺘﺢ ﺍﻟﺒﺎﺏ ﻛﺎﻧﺖ ﻃﺎﻓﻴﺎ ﻭﺿﻲ ﻣﻨﻈﻮﻣﻪ ﺑﺲ ﻭﺍﻟﻊ
ﺍﻳﻬﻢ ﻳﺒﺤﺖ ﻓﻴﺎ ﻭﻣﺒﺘﺴﻢ ﻧﺰﻝ ﻗﻌﺪ ﻳﺤﻠﻲ ﻑ ﺍﻟﻌﺒﺎﻳﻪ ﻭﺍﻧﺎ ﺳﻠﺤﺘﻬﺎ ﻉ ﻭﻃﻰ ﻭﺣﻮﻟﺖ ﻭﺷﺎﺡ
ﻭﻛﺎﻧﺖ ﺗﺴﺮﻳﺤﺘﻲ ﻧﺎﺯﻟﻪ ﻣﻨﻬﺎ ﺧﺼﻼﺕ ﻉ ﺭﻗﺒﺘﻲ
ﺍﻳﻬﻢ ﺗﻨﻬﺪ ﻭﺑﺤﺖ ﻓﻴﺎ .. ﺷﻦ ﻧﻘﻮﻝ
ﺍﻧﺎ ﻣﺒﺘﺴﻤﻪ .. ﺍﻟﻲ ﺗﺒﻴﻪ
ﺍﻳﻬﻢ .. ﻧﻘﻮﻟﻚ ﻧﺤﺒﻚ ﻭﻻ ﻧﻌﺸﻘﻚ ﻭﻻ ﻣﺘﻴﻢ ﻓﻴﻚ ﻭﻻ ﻣﻠﻜﺘﻴﻨﻲ ﻭﻻ ﻓﺮﺻﺘﻲ ﻑ ﺍﻟﺤﻴﺎﺀ ﻭﻻ ﺩﻋﻮﺍﺕ ﺍﻣﻲ ﻟﻴﺎ ﻭﻻ ﺷﻨﻮ ﺑﻀﺒﻂ
ﺍﻧﺎ ﻧﺴﻤﻊ ﻓﻴﻪ ﻭﻧﺒﺤﺖ ﻓﻴﻪ
ﺍﻳﻬﻢ ﺭﻣﺸﻠﻲ ﻋﻴﻮﻧﻪ ﻭﺍﺑﺘﺴﻢ .. ﻭﻻ ﻧﻘﻮﻟﻚ ﺍﻧﺘﻲ ﻛﻠﻬﻦ ﺍﺻﻼً
ﺍﻧﺎ ﺳﺎﻛﺘﻪ ﻭﻣﺒﺘﺴﻤﻪ
ﺍﻳﻬﻢ .. ﺗﻲ ﺍﺣﻜﻲ ﻛﻨﻚ ﺳﺎﻛﺘﻪ
ﺍﻧﺎ ﺣﻀﻨﺘﻪ ﻭﺗﻨﻬﺪﺕ .. ﺍﻧﺖ ﺍﺣﻠﻰ ﺍﻧﺴﺎﻥ ﻑ ﺍﻟﻌﺎﻟﻢ ﺍﻧﺖ ﺑﻄﻠﻲ ﺍﻧﺎ ﻭﻋﻤﺮﻱ ﻭﺣﺒﻴﺒﻲ ﻭﺭﺍﺟﻠﻲ ﻭﺧﻮﻳﺎ ﻭﺑﺎﺑﺎ ﺍﻧﺖ ﺍﻹﻧﺴﺎﻥ ﺍﻟﻲ ﻣﺼﺒﻲ ﻣﻌﺎﻳﺎ ﻭﻗﺖ ﻣﺎﻧﺒﻴﻚ ﺍﻧﺎ ﻧﺤﺒﻚ ﻻﻧﻲ ﻋﺎﺭﻓﺘﻚ ﻣﺶ ﺑﺲ ﺗﺤﺒﻨﻲ ﻟﺸﻬﻮﻩ ﻭﺣﺎﺟﺎﺕ ﺃﺧﺮﻯ ﺍﻧﺖ ﺣﺒﻴﺘﻨﻲ ﺑﻘﻠﺐ ﻧﻈﻴﻒ ﻭﺍﻧﺎ ﺣﺒﻴﺘﻚ ﻛﺎﻧﻚ ﺑﻄﻠﻲ ﺟﺪ
ﺍﻳﻬﻢ ﻣﺒﺘﺴﻢ
ﺍﻧﺎ ﺿﺤﻜﺖ .. ﻭﺍﻧﺎ ﻧﺤﺒﻚ ﺍﻟﺤﺎﺟﺎﺕ ﻣﺶ ﺍﻟﺤﺎﺟﻪ ﺑﺲ
ﺍﻳﻬﻢ ﺿﺤﻚ .. ﻛﻼﻣﻚ ﺣﻠﻮ ﻧﺤﺒﻪ
ﺍﻧﺎ ﺍﺑﺘﺴﻤﺖ .. ﻭﺍﻧﺖ ﺍﺣﻦ ﻋﺼﺒﻲ ﻑ ﺩﻧﻴﺎ
ﺍﻳﻬﻢ ﺍﺑﺘﺴﻢ ﻭﺑﺎﺱ ﺭﺍﺳﻲ ﺑﻌﺪﻫﺎ ﺑﺤﺖ ﻑ ﺭﻗﺒﺘﻲ ﻛﺎﻧﻦ ﺗﺤﺖ ﻭﺫﻧﻲ ﻓﻲ ﺷﺎﻣﺘﻴﻦ ﺟﺎﻳﺎﺕ ﺑﻄﺮﻳﻘﻪ ﺣﻠﻮﻩ
ﺍﻳﻬﻢ ﺣﻂ ﺍﻳﺪﻩ ﻋﻠﻴﻬﻦ ﻭﻃﺒﺲ ﺑﺎﺳﻬﻦ .. ﺭﺑﻲ ﻳﺤﻤﻴﻚ ﻳﺎﺻﻐﻴﺮﺗﻲ
ﺍﻧﺎ .. ﺍﻟﺼﻐﻴﺮﻩ ﻫﺬﻱ ﺗﺤﺒﻚ ﺣﺐ ﻣﺶ ﺣﺘﻼﻗﻬﻰ ﻋﻨﺪ ﻭﺣﺪﻩ ﻛﺒﻴﺮﻩ ﻭﻧﺎﺿﺠﻪ
ﺍﻳﻬﻢ ﻣﺎﺳﻚ ﺧﺼﺮﻱ .. ﻧﺠﻚ ﻟﻴﺎ
ﺍﻧﺎ ﺷﻴﺮﺕ ﻉ ﻣﻨﻈﻮﻣﻪ ﺑﻌﻴﻮﻧﻲ .. ﺷﻦ ﺗﺒﻲ ﺗﺴﻤﻌﻨﻲ
ﺍﻳﻬﻢ .. ﻧﺴﻴﺘﻬﺎ ﺑﻜﻞ
ﺑﺮﻡ ﻋﻠﻴﻬﺎ ﻭﻟﻌﻬﺎ ﻭﻛﺎﻧﺖ ﺍﻏﻨﻴﻪ ﻫﺎﺩﻳﻪ ﻟﻴﻦ ﺑﻜﻞ ﺣﻀﻨﻲ ﺑﻘﻮﻩ ﻭﺍﻧﺎ ﻗﻌﺪﺕ ﻉ ﺻﺪﺭﻩ
ﻳﺎﻗﻠﺒﻲ ﺍﻟﺤﻆ ﻧﺎﺩﻱ ﻋﻠﻴﻪ ﻭﺟﺎﺑﻬﺎ ﻟﻚ ﺯﻱ ﻣﺎﺍﻟﺤﻠﻢ ﻛﺎﻥ ﺑﻴﻘﻮﻝ ﺣﻘﻴﻘﻪ ﺑﺠﺪ ﻣﺶ ﻣﻌﻘﻮﻝ ﺩﻱ ﻫﻴﺎ ﺣﺒﻴﺒﺘﻲ ﺑﺎﺍﻻﻭﺻﺎﻑ ﺣﻘﻴﻘﻪ ﻭﺍﺣﻠﻰ ﻣﻦ ﺗﺸﺎﻑ ﺩﻱ ﺟﺎﻳﻠﻚ ﻭﺍﻧﺴﻰ ﻳﺎﻗﻠﺒﻲ ﺛﺎﻧﻲ ﺗﺨﺎﻑ ﻳﺎﻗﻠﺒﻲ ﺩﻧﻴﺎ ﺭﺍﺿﻴﻪ ﻋﻠﻴﻚ ﻭ ﻋﺎﻳﺰﺍ ﻟﻚ ﺗﻌﻮﺽ ﻛﻞ ﺣﻠﻢ ﻭﺭﺍﺡ
ﻭﺟﺎﻟﻚ ﻳﻮﻡ ﻋﺸﺎﻥ ﺗﺮﺗﺎﺡ ﻭﺗﻠﻘﻰ ﺍﻟﻠﻰ ﺇﻧﺖ ﻣﺴﺘﻨﻴﻪ
ﻣﻊ ﺍﻟﺤﻀﻦ ﺍﻟﻠﻰ ﻧﻔﺴﻚ ﻓﻴﻪ ﺩﻱ ﺟﺎﻳﺎ ﻟﻚ ﻭﻣﺶ ﻋﺎﻳﺰ ﺗﺼﺪﻕ ﻟﻴﻪ
ﺍﻧﺎ ﻧﺴﻤﻊ ﻭﻧﺒﺘﺴﻢ ﻭﻧﺤﺲ ﺑﻜﻞ ﻛﻼﻣﺎﺕ ﺍﻻﻏﻨﻴﻪ ﻭﺣﺎﺳﻪ ﺭﻭﺣﻲ ﻃﺎﻳﺮﻩ ﻑ ﺳﻤﺎﺀ ﻣﻦ ﻓﺮﺣﻪ ﻭﺍﻳﻬﻢ ﻛﺎﻥ ﻃﻮﻝ ﺍﻻﻏﻨﻴﻪ ﻭﻫﻮ ﻣﺮﻩ ﻣﺮﻩ ﻳﻀﻐﻂ ﻋﻠﻴﺎ ﺑﻘﻮﻩ
ﻳﺎ ﻋﻴﻮﻥ ﺃﻧﺎ ﺑﻴﻬﺎ ﺑﻘﻴﺖ ﻣﺠﻨﻮﻥ، ﻭﻻ ﻛﺎﻧﺖ ﻭﻻ ﻫﺘﻜﻮﻥ ﻭﻛﺈﻧﻚ ﺟﺎﻳﺔ ﻋﺸﺎﻧﻲ ﻣﻦ ﺍﻟﺠﻨﺔ
ﻳﺎ ﻋﻴﻮﻥ ﻣﺎﻟﻴﺎ ﺍﻟﻠﻲ ﺍﻟﺪﻧﻴﺎ ﻭﺭﻭﺩ، ﻭﻣﻌﺎﻫﺎ ﺑﻘﻴﺖ ﻣﻮﺟﻮﺩ ﺗﺴﺘﺎﻫﻞ ﻓﻌﻼً ﻗﻠﺒﻲ ﺍﻟﻠﻲ ﺍﺳﺘﻨﻰ
ﺣﻀﻨﺘﻪ ﺑﻘﻮﻩ ﻭﻗﻌﺪ ﻳﻬﺰ ﺑﻴﺎ ﺑﺸﻮﻳﺎ ﺍﻧﺎ ﺣﻄﻴﺖ ﺧﺸﻤﻲ ﻉ ﺧﺸﻤﻪ
ﺍﻧﺎ .. ﻧﻌﺸﺸﻘﻚ
ﺍﻳﻬﻢ .. ﻧﻤﻮﺕ ﻓﻴﻚ ﻳﺎﻓﺮﺻﺘﻲ ﻣﻦ ﺍﻟﺤﻴﺎﺀ
ﺍﻧﺎ ﻏﻤﻀﺖ ﻋﻴﻮﻧﻲ ﻭﺍﺑﺘﺴﻤﺖ .. ﻳﺎﺭﺏ ﻣﺎﺗﺨﺘﺒﺮﻧﻴﺶ ﻑ ﺍﻳﻬﻢ
ﺍﻳﻬﻢ ﻋﻀﻨﻲ ﻑ ﺧﺪﻱ
ﻳﺎ ﻋﻴﻮﻥ ﺃﻧﺎ ﺑﻴﻬﺎ ﺑﻘﻴﺖ ﻣﺠﻨﻮﻥ، ﻭﻻ ﻛﺎﻧﺖ ﻭﻻ ﻫﺘﻜﻮﻥ ﻭﻛﺈﻧﻚ ﺟﺎﻳﺔ ﻋﺸﺎﻧﻲ ﻣﻦ ﺍﻟﺠﻨﺔ
ﻳﺎ ﻋﻴﻮﻥ ﻣﺎﻟﻴﺎ ﺍﻟﻠﻲ ﺍﻟﺪﻧﻴﺎ ﻭﺭﻭﺩ، ﻭﻣﻌﺎﻫﺎ ﺑﻘﻴﺖ ﻣﻮﺟﻮﺩ ﺗﺴﺘﺎﻫﻞ ﻓﻌﻼً ﻗﻠﺒﻲ ﺍﻟﻠﻲ ﺍﺳﺘﻨﻰ
ﻗﺎﺑﻠﺖ ﻭﻋﻴﻨﻰ ﺷﺎﻓﻮﺍ ﻛﺜﻴﺮ ﻭﻻ ﺍﺷﺘﺎﻗﻮﺍ
ﻭﻗﻠﺖ ﻟﻘﻠﺒﻲ ﻣﻬﻤﺎ ﻳﻐﻴﺐ
ﺃﻛﻴﺪ ﻫﻴﺠﻴﻠﻲ ﺃﺣﻠﻲ ﻧﺼﻴﺐ
ﻓﻀﻠﺖ ﻟﻮﺣﺪﻱ ﻭﺍﺳﺘﻨﻴﺖ
ﻋﻨﻴﻚ ﻳﺸﻮﻓﻮﺍ ﻋﻴﻨﻲ ﻳﺎﺭﻳﺖ ﻟﻮ ﺍﺗﻘﺎﺑﻠﻮﺍ
ﻓﻬﻤﺖ ﻳﺎ ﻗﻠﺒﻲ ﻟﻴﻪ ﺍﺳﺘﻨﻴﺖ
ﺑﺸﻮﻓﻚ ﺟﺎﻳﺎ ﺑﺒﻨﻘﻰ ﺣﻄﻴﺮ ﺟﻮﺍﻳﺎ ﺑﻘﻮﻝ ﻉ ﻧﻔﺴﻲ ﺍﻧﺎ ﻣﺤﻈﻮﻅ
ﻣﺨﻠﺶ ﺍﻻﻏﻨﻴﻪ ﺗﻜﻤﻞ ﻭﻛﺮﻧﻲ ﺑﻘﻮﻩ ﻟﺪﺍﺭ
ﺍﻧﺎ ﻧﻀﺤﻚ .. ﺍﻳﻬﻢ ﺑﺸﻮﻳﺎ ﺑﺸﻮﻳﺎ ﻛﻨﻚ ﺣﺒﻴﺒﻲ
ﺍﻳﻬﻢ ﺑﺮﻡ ﻋﻠﻴﺎ ﻭﻗﻌﺪ ﻳﺒﻮﺱ ﻑ ﺭﻗﺒﺘﻲ ﺯﻳﻦ ﻭﺍﻧﺎ ﺭﺗﺨﻴﺖ
ﺍﻧﺎ ﺑﺼﻮﺕ ﻭﺍﻃﻲ .. ﺧﻠﻴﻨﻲ ﻧﻠﺒﺲ ﺭﻭﺏ ﺑﺲ
ﺍﻳﻬﻢ ﺑﺎﺳﻨﻲ ﻉ ﻓﻤﻲ ﻉ ﺳﺮﻳﻊ ﻭﺧﺮ .. ﻫﻴﺎ ﺑﺴﺮﻋﻪ
ﺧﺸﻴﺖ ﻟﺪﺍﺭ ﻟﺒﺴﺘﻪ ﻛﺎﻥ ﻗﺼﻴﺮ ﻭﺻﺪﺭﻩ ﻣﻔﺘﻮﺡ ﻭﺍﺟﻨﺎﺑﻪ ﻣﻔﺘﻮﺣﺎﺕ ﺑﺨﻴﺖ ﻋﻄﺮﻱ ﻭﺧﺶ ﺍﻳﻬﻢ ﻗﺮﺑﺖ ﻣﻨﻪ ﻭﻟﺼﻘﺖ ﻓﻴﻪ ﻭﻫﻮ ﻳﺒﺤﺖ ﻭﻣﺒﺘﺴﻤﻪ
ﺍﻧﺎ ﺑﺪﻟﻊ .. ﺍﻧﺎ ﻟﻜﻲ ﺩﻳﺮ ﺍﻟﻲ ﺗﺒﻲ ﺍﺩﻳﺮﻩ
ﺍﻳﻬﻢ ﻗﻌﺪ ﻳﺰﻣﻂ ﻑ ﺭﻳﻘﻪ ﻭﻳﺒﻞ ﻑ ﻓﻤﻪ ﺑﻠﺴﺎﻧﻪ ﻣﺴﻚ ﺧﺼﺮﻱ ﻭﺩﻓﻨﻲ ﺳﺎﺱ ﻭﻧﺰﻝ ﻉ ﻓﻤﻲ ﻣﺮﻩ ﻳﻤﺴﻚ ﺧﺼﺮﻱ ﻭﻣﺮﻩ ﻳﺮﻗﻰ ﻓﻮﻕ
ﺍﻳﻬﻢ .. ﻧﻤﻮﺕ ﻓﻴﻚ
ﺍﻧﺎ ﺑﺼﻮﺕ ﻭﺍﻃﻲ .. ﻧﻌﺸﻘﻚ
ﺩﻓﻨﻲ ﻉ ﺳﺮﻳﺮ ﻭﺟﺎﺀ ﻓﻮﻗﻲ
ﺍﻳﻬﻢ ﻣﺒﺘﺴﻢ .. ﺑﻜﺮﺍ ﺗﺸﻮﻓﻲ ﻫﺪﻳﺘﻚ
ﺍﻧﺎ ﺿﺤﻜﺖ ﻭﻣﺴﻜﺖ ﻑ ﺭﻗﺒﺘﻪ ﺯﻳﻦ ﻭﻭﻭﻭﻭﻭﻭﻭ ﺧﻼﺹ "
" ﺍﻟﻴﻮﻡ ﺛﺎﻧﻲ ﻑ ﺻﺒﺢ ..
ﻣﺮﻳﻢ .. ﻭﺭﺃﺱ ﻣﻴﻨﻮ ﺗﺨﻠﻴﻨﻲ ﻧﻌﺪﻱ
ﻣﻨﻴﺮ .. ﺍﻧﻘﻨﻪ ﻣﺎﻳﺼﻴﺮ ﺷﻲ ﻳﺎﻣﺮﻳﻢ ﺟﻮ ﻗﻠﻖ
ﻣﺮﻳﻢ .. ﻭﺭﺃﺱ ﺣﺒﻴﺒﻲ ﻭﺍﻓﻖ
ﻣﻨﻴﺮ .. ﺍﻧﻘﻨﻪ ﻗﻠﻖ ﻣﺎﺷﻴﻪ ﻟﻜﺎﻓﻲ ﻛﺎﻥ ﺗﻘﻤﻌﺰﻱ ﻭﺗﺮﻳﺤﻨﻲ
ﻣﺮﻳﻢ .. ﺑﺎﻩ ﻟﻴﺶ
ﻣﻨﻴﺮ ﺍﺑﺘﺴﻢ .. ﻧﻐﺎﺭ ﻋﻠﻴﻚ ﻛﻨﻚ ﺍﻧﺘﻲ
ﻣﺮﻳﻢ .. ﺗﻲ ﻣﺶ ﻏﻴﺮﻩ ﻫﺬﻱ ﺧﻨﻖ ﻳﺎﻣﻨﻴﺮ
ﻣﻨﻴﺮ .. ﻻﻧﻲ ﻧﻐﺎﺭ ﺗﺴﻤﻲ ﻓﻴﻬﺎ ﺧﻨﻖ
ﻣﺮﻳﻢ .. ﻭﺍﻟﻠﻪ ﺗﺨﻨﻖ ﻣﺮﻩ ﻣﺮﻩ ﺍﻧﺖ ﺣﻂ ﻓﻴﺎ ﺛﻘﻪ
ﻣﻨﻴﺮ .. ﺍﻧﺘﻲ ﺣﺎﻁ ﻓﻴﻚ ﺛﻘﻪ ﺑﺲ ﻣﺠﺘﻤﻊ ﻑ &$&
ﻣﺮﻳﻢ .. ﺍﺣﻢ
ﻣﻨﻴﺮ .. ﺩﻳﺮﻱ ﺭﻭﺣﻚ ﻃﺮﺷﻪ
ﻣﺮﻳﻢ .. ﺑﺎﻩ ﺷﻨﻮ ﻳﻌﻨﻲ
ﻣﻨﻴﺮ .. ﺍﻧﻘﻨﻪ ﻣﺎﻳﺼﻴﺮ ﺷﻲ
ﻣﺮﻳﻢ ﺑﺰﻋﻞ .. ﺑﺎﻩ ﺗﻤﺎﻡ ﺧﻠﻴﻨﻲ ﺗﻮﺍ ﻧﻌﺪﻱ ﻧﺮﻥ ﻉ ﺑﻨﺎﺕ ﻧﻘﻮﻟﻠﻬﻦ
ﻣﻨﻴﺮ .. ﻣﺮﻩ ﺃﺧﺮﻯ ﺣﺒﻴﺒﻲ
ﻣﺮﻳﻢ .. ﺍﻭﻛﻲ
ﻣﻨﻴﺮ .. ﺍﺳﻤﻌﻲ ﺭﺍﺟﻲ ﺑﻨﻘﻮﻟﻚ ﺣﺎﺟﻪ
ﻣﺮﻳﻢ .. ﺷﻨﻮ ﻫﻴﺎ
ﻣﻨﻴﺮ .. ﻫﻴﺎ ﺗﺰﻋﻞ ﺑﺲ ﻣﻌﺶ ﻧﻘﺪﺭ ﻧﺪﺱ
ﻣﺮﻳﻢ .. ﺷﻨﻮ ﻣﺎﺗﻔﺠﻌﻨﻴﺶ
ﻣﻨﻴﺮ ..
ﻣﺮﻳﻢ ﺻﺒﺖ ﻭﺣﻄﺖ ﺍﻳﺪﻫﺎ ﻉ ﻗﻠﺒﻬﺎ .. ﻫﻴﻴﻴﻴﻲ
" ﻳﺘﺒﻊ "..
ﺭﺍﻳﻜﻦ ﻳﺎﺑﻨﺎﺕ
Anosha Alriany
