The writer: Anosha Alriany✍🏻
#عكس_تيار✨
حلقه12
"يوسف..موده ردي عليا موده
معش سمع صوتها صبى طلع من شقه يجري ويرن ع امها"
"وعيت ع ضهر رتبت دار و فتحت روشن تهوى وتوضيت وصليت وبرمت ع شقه وطلعت افروال لونه اسود ايديه شاش من نهايه ايد فيه مسكه تبطم ومن قدام فيه لون بيج وعليه شاش فيه ورد اسود حطيته ع سرير وتيت باقي لبستي وستشورت جمتي ودرت شعري من لاوره كله فلو وصبيت بنطلع شنطتي لقيت ايهم مصبي عند باب ومتكي ع ساس ومربع ايديه عند صدره
انا..هييييي فجعتننني
ايهم ابتسم..هبله ماه عارفتيني بنجي
انا..قصدي مادرتش صوت فجعتني
ايهم..تعالي يامفجوعه انتي
انا..جيت بدري
ايهم..بدري من عمرك ساعه ثلاثه
انا..صاح قعدت نحوس مش مركزه
ايهم..تعالي هي خلي نتغدو
انا..جعانه ومافطرتش نحب حد ياكل معايا
ايهم..باه اشربي عصير ع اقل تخشي ع غداء طول
انا...باه تعال هيا
ايهم..نخش لحمام ع سريع ونجيك
انا..باه هيا
مشيت لمطبخ لقيته جايب انصاص شاورما اللحم وقازوزه وبطاطا حطيتهن ع طاوله وشربت عصير وقمعزت نراجي فيه
ايهم..ابدي هيا جيتك
قمعز تلايا وانا فتحت نصي وقسمته قعدت ناكل ف قسمه الي قسمتها
ايهم..عادات غرييات عندك
انا..ههههه عليش كنك
ايهم..والله الله غريبات توا قسمه هذي ليش
انا..هكي ندير فيها من وانا صغيره تعودت عليها
ايهم..غريبه ماقتلك
قعدت نقسم ف باقي قسمه وهو يبحت فيا
انا..اكيده حتى انت عندك عادات غريبات
رفعت راسي وبحتت فيه وحطيتلها له ف فمه عض صبعي
انا..اححح صبعي
قسم من نصه وانا نبحت فيه
ايهم..اها اكيده في وانا مش حاس بيهن
حطلها ليا ف فمي
انا..قولي شن درت اليوم
ايهم يفتح ف قازوزه..مشيت لمحل اول حاجه شفت لحسابات وبعدها شفت محلنا انا وخوتي وبرمت ع جماعتي ومشيت لمطعم جيت غداء و حاجات بيش نخش بيهن ع هل حبيبتي
انا ابتسمت..سلم ايديك يا عمري ربي يعطيك صحه
ايهم..سلمك بعدين نحطك ونسلم ع هلك وبعدين نرد لعشاء
انا..باه حبيبي شنو شعري حلو جاي
ايهم..حلو اها
انا..خفت يقعد خارب
ايهم..لا تمام بكل
صبيت نلم ف حاجات
ايهم..كملي باقي نصك
انا..لا خلاص شبعت
مدلي بطاطا جايا بنمسكها
ايهم..افتحي فمك
انا ابتسمت وكليتها منه
ايهم..صحه
انا..سلمك حبيبي
ايهم..انا بنخش نقيل شويا
انا..باه وامتى نوعيك
ايهم..بعد العصر بيش نصلو ونعدو
انا..باهي تمام
قرب مني وباس راسي
انا ابتسمت..نوم العوافي"
"دنيا..امجد بحت هذا احلى ولا هذا
امجد..هنا اثنين حلوات
دنيا..انا حسيت فستان هذا احلى يجي عليا
امجد..إسألي خواتك ولا اي حد انا شنو عرفني
دنيا..نحب رايك انت اكثر
امجد..قتلك هنا اثنين حلوات تبيهن توا نشريهن لكي
دنيا..بس انا نبيك تعطيني رايك مش تقولي نشريهن هنا اثنين وخلاص
قعد اعليوه يعيط
امجد..اعليوه يبكي شوفيه
دنيا بحتت فيه وسكتت
امجد..عدي لعيل يبكي
دنيا صبت وسيباته
امجد..تأ اوووف"
